Vahe 31
1 Kuo mole ia Saula ene kau tau, kuo tamate‘i hono gaahi foha, koia mo hono hoatau oku na tamate‘i akinaua. 7 Oku ma‘u e he kakai Filisitia ae gaahi kolo o Isileli kuo liaki. 8 Koe vikiviki i he ma‘u ae gaahi jino mate. 11 Oku alu bouli ae kau tagata o Jebesi‐kiliati o taufetuku ae mate, bea tutu akinautolu i Jebesi, bea tanu ae gaahi hui, o tegihia mamahi akinautolu.
¶ 1 BEA koeni, nae tau‘i a Isileli e he kakai Filisitia: bea nae hola ae kau tagata Isileli mei he ao oe kakai Filisitia, bea nae to o mate akinautolu i he mouga ko Kiliboa.
2 Bea nae tuli malohi e he kakai Filisitia, a Saula mo hono gaahi foha: bea nae teia a Jonatane e he kakai Filisitia, mo Abinatabi, mo Malikisua, koe gaahi foha o Saula.
3 Bea nae hoko malohi ae tau kia Saula, bea nae touia ia i he kau tagata fakahaufana; bea kafo mamahi ia i he kau tagata fakakaufana.
4 Bea nae behe e Saula ki hono hoatau, Unuhi hake hoo heleta, o tui aki au ke aji; telia naa ha‘u ae kakai tae kamu ni, o tui aki au, bea manuki‘i au. Ka nae ikai fiefai ia e hono hoatau; he nae manavahe lahi ia. Koia nae too ai e Saula ae heleta, bea ne fakahiga ia ki ai.
5 Bea i he mamata e hono hoatau kuo mate a Saula, nae fakahiga foki ia ki he ene heleta, bea mate fakataha mo ia.
6 Koia nae mate ai a Saula mo hono foha e toko tolu, mo hono hoatau, mo hono kau tagata kotoabe fakataha i he aho be koia.
¶ 7 Bea i he mamata ae kau tagata Isileli aia nae i he botu e taha oe telea, mo kinautolu nae i he botu e taha o Joatani, kuo hola ae kau tagata Isileli, bea kuo bekia a Saula mo hono gaahi foha, naa nau liaki e nau gaahi kolo nofoaga, bea hola; bea nae ha‘u ae kakai Filisitia o nofo ki ai.
8 Bea bogibogi hake nae behe, i he ha‘u ae kau Filisitia ke vete ae kakai mate, naa nau ilo a Saula mo hono foha e toko tolu kuo to i he mouga ko Kiliboa.
9 Bea naa nau tutuu hono ulu, bea too ene mahafu tau, bea fekau ki he fonua oe kakai Filisitia o takatakai, ke fakaogo ia i he fale o ho nau gaahi tamabua, bea ki ho nau kakai.
10 Bea naa nau ai hono gaahi kofu tau ki he fale o Asiteloti: bea naa nau fakamau hono jino ki he a maka o Bete‐sani.
¶ 11 Bea i he fanogo ae kakai Jebesi‐kiliati ki he mea kuo fai e he kakai Filisitia kia Saula;
12 Nae tuu hake ae kau tagata to‘a kotoabe, bea fonoga i he bo kotoa koia, o nau too ae jino o Saula moe jino o hono gaahi foha mei he a maka o Bete‐sani bea naa nau omi ia ki Jebesi o tutu ia i ai.
13 Bea naa nau too ho nau gaahi hui, bea tanu ia i he lolo akau i Jebesi, bea naa nau aukai i he aho e fitu.