¶ 1 BEA koeuhi koe gaahi lakaga oe kau leo mataba: nae mei he kau Kohate a Mesilimia koe foha o Kole, i he gaahi foha o Asafi.

2 Bea koe gaahi foha eni o Mesilimia; koo uluaki fanau ko Sakalia, mo Jitaeli ko hono toko ua, mo Sebatia ko hono toko tolu, bea mo Jatinieli ko hono toko fa

3 Mo Elami ko hono toko nima, mo Jihohanani ko hono toko ono, mo Ilionei ko hono toko fitu.

4 Bea koe gaahi foha foki o Obeti‐itomi, koe uluaki fanau ko Simaia, mo Jihosabati ko hono toko ua, ko Joa ko hono toko tolu, mo Saka ko hono toko fa, mo Netanili ko hono toko nima,

5 Ko Amieli ko hono toko ono, mo Isaka ko hono toko fitu, mo Biulitei ko hono toko valu: he nae fakamonuia ia e he Otua.

6 Nae fanau i foki ae gaahi foha ki hono foha ko Simaia, aia nae bule i he fale katoa oe nau tamai: he koe kau tagata malohi mo to‘a lahi akinautolu.

7 Bea koe gaahi foha eni o Simaia: ko Otini, mo Lefaeli, mo Obeti, mo Elisabati, bea ko hono kaiga oona koe kau tagata malohi, a Elihu, mo Simakia.

8 Koe gaahi foha akinautolu kotoabe o Obeti‐itomi: ko kinautolu moe nau gaahi foha, mo ho nau kaiga, koe kau tagata faa fai mo malohi ki he gaue, koe toko onogofulu ma ua mei a Obeti‐itomi.

9 Bea nae ma‘u e Mesilimia ae ogo foha e toko ua moe kaiga, koe kau tagata malohi, koe toko hogofulu ma valu.

10 Nae ma‘u foki e Hosa, aia nae oe fānau a Melali, ae gaahi foha: koe lahi i ai a Simili, (he ne ogo nae ikai koe uluaki fanau ia nae gaohi ia e he ene tamai ke tuu ki mua:)

11 Ko Hilikia ko hono toko ua, mo Tebalia ko hono toko tolu, mo Sakalia ko hono toko fa: ko hono katoa oe gaahi foha moe kaiga o Hosa koe toko hogofulu ma tolu.

¶ 12 Nae vahevahe kiate kinautolu ni ae kau leo mataba, ki he kau tagata nae eiki hake, bea nae fehagaaki a ho nau gaahi nofoaga leo ke tauhi i he fale a Jihova.

13 Bea naa nau fai ae talotalo, koe ahi bea koe jii, o fakatatau be moe fale oe nau gaahi tamai, ki he gaahi mataba kotoabe.

14 Bea koe vahega fakahahake nae to kia Silimia. Bea naa nau fai ae talotalo ma a Sakalia ko hono foha, koe tagata boto i he fakakaukau; bea nae to a hono vahega aana ki he feituu tokelau.

15 Kia Obeti‐itomi ki he botu toga; bea ki hono gaahi foha oona ae fale o Asubimi.

16 Bea nae to mai ae vahega kia Subimi mo Hosa ki he feituu luluga, fakataha moe mataba ko Saleketi i he botu hala oku hake ki oluga, bea nae fehagaaki ae nofoaga leo ki he nofoaga leo e taha.

17 Nae i he feituu hahake ae kau Livai e toko ono, ki he tokelau ae toko fa i he aho taki taha, ki he feituu toga koe toko fa i he aho taki taha, bea i he botu ki Asubimi koe tautau toko ua.

18 Ki Baabaa ki luluga, koe toko fa i he hala, bea koe toko ua i Baabaa.

19 Ko hono gaahi vahevahe ia oe kau leo mataba ki he gaahi foha o Kole, bea ki he gaahi foha o Melali.

¶ 20 Bea i he kau Livai, nae bule a Ahija ki he gaahi koloa i he fale oe Otua, bea ki he gaahi koloa oe gaahi mea nae fakatabu‘i.

21 Ko kinautolu ni koe gaahi foha o Latani: koe gaahi foha oe tagata Kesomi ko Latani, koe tuu ki mua i he gaahi tamai, io o Latani koe tagata Kesomi, ko Jehieli.

22 Bea koe gaahi foha o Jehieli eni: ko Sitami, mo Joeli ko hono tokoua, aia nae bule ki he gaahi koloa oe fale o Jihova.

23 Oe kakai Amilami, moe kakai Isa, koe kakai Hebeloni, moe kakai Usili:

24 Bea ko Sibueli koe foha o Kesomi, koe foha o Mosese, nae bule ia ki he gaahi koloa.

25 Bea ko hono kaiga ia Eliesa: ko hono foha oona ko Lihabea, mo Jesaia ko hono foha oona, mo Jolami ko hono foha oona, mo Sikili ko hono foha oona, mo Silomiti ko hono foha oona.

26 Bea koe Silomiti koia mo hono gaahi kaiga nae bule ki he gaahi koloa oe mea nae fakatabu‘i, aia nae fakatabu‘i e Tevita koe tu‘i, moe houeiki oe gaahi tamai, ae gaahi eiki bule ki he gaahi toko afe, moe gaahi teau, bea moe houeiki nae bule ki he kau tau.

27 Naa nau faa fakatabu‘i mei he koloa nae ma‘u i he gaahi tau, ke tokoni aki ae fale o Jihova.

28 Bea moia kotoabe nae fakatabu‘i e Samuela koe tagata kikite, mo Saula koe foha o Kisi, mo Abina koe foha o Nea, mo Joabe koe tama a Seluia: moia kotoabe nae fakatabu‘i ha mea, nae bule‘i ia e Silomiti, bea mo hono gaahi kaiga.

¶ 29 Bea oe kakai o Isa, nae tuku a Kinania mo hono gaahi foha ki he gaue i tua i Isileli, io koe kau matābule moe kau fakamāu.

30 Bea oe kakai Hebeloni nae matābule a Hasabea bea mo hono kaiga, koe kau tagata to‘a, bea koe toko taha afe ma fitugeau, iate kinautolu o Isileli i he kau vai mai ki heni o Joatani ki luluga, i he gaue a Jihova, bea i he gaue ae tu‘i.

31 Bea i he kakai Hebeloni nae eiki hake a Jelija, io iateki nautolu o Hebeloni, o fakatatau moe gaahi toutagata oe nau gaahi tamai. Nae kumi akinautolu i hono fagofulu ta‘u oe bule a Tevita, bea nae ilo iate kinautolu ae kau tagata malohi lahi mo to‘a i Jesa o Kiliati.

32 Bea ko hono kaiga, koe kau tagata to‘a, nae toko ua afe ma fitugeau, koe kau tuu ki mua i he gaahi tamai, aia nae fakanofo e he tu‘i ko Tevita, ke bule ki he faahiga o Lubeni, moe faahiga o Kata, mo hono vahe ua oe faahiga o Manase, i he mea kotoabe nae kau ki he Otua, moe mea kotoabe nea kau ki he tu‘i.