ARIT, Mataio 16:25–29. Kabotaua Mataio 16:24–26
Iesu e kabwarabwara bwa tera nanon “tabeka am kaibangaki”: ko na kaakeai bwai ni kabane aika tiaki aro n atua ao kaibwabwarun te aonaba ni kabane ao ni kawakin Ana tua nako.
25 N te tai arei e taku Iesu nakoia ana taan reirei, Ngkana iai te aomata ae e na rimwiai, ke e kaakeaa i bon irouna, ao n tabeka ana kaibangaki ao irirai.
26 Ao ngkai ibukin te aomata ae tabeka ana kaibangaki, e na kaakea mai irouna ae tiaki aro n atua ni kabane, ao kaibwabwarun te aonaba ni kabane, ao ni kawakin au tua nako.
27 Tai urui au tua ibukin kamanoan maiumi; bwa ane e kamanoa maiuna n te aonaba aei, e n kabua n te aonaba ae na roko.
28 Ao ane kabua maiuna n te aonaba aei, ibukiu, e na karekea n te aonaba ae na roko.
29 Ngaia are, kaakea te aonaba, ao kamaiua tamneimi; bwa tera kabwaian te aomata, ngkana e karekea te aonaba ae bwanin, ao e kabua oin tamneina? Ke tera ae e na anga te aomata bwa boon mwin tamneina?