JJS, Lukas 3:4–11. Chi’ilmanq sa’ Lukas 3:4–6
Li Kristo taachalq jo’ yeeb’il sa’ profeetil aatin, re tixk’am chaq li kolb’a-ib’ reheb’ laj Israel ut reheb’ laj Gentil. Sa’ xtz’aqlojikeb’ ru li kutan, taachalq wi’chik re taaraqoq aatin chirix li ruchich’och’.
4 Jo’ tz’iib’anb’il sa’ xhuhil li profeet aj Isaias; ut a’in li aatin, li naxye, Xyaab’ xkux li japjo re sa’ li yamyookil ch’och’, Kawresihomaq lix b’e li Qaawa’, ut tiikob’resihomaq ru li ruq’ xb’e.
5 Xb’aan naq k’ehomaq reetal, ut ilomaq, a’an taak’ulunq, jo’ tz’iib’anb’il sa’ xhuheb’ li profeet, re risinkileb’ lix maak li ruchich’och’, ut re xk’amb’al chaq li kolb’a-ib’ rik’ineb’ li jar tenamit reheb’ li maak’a’eb’ xnawom chirix li Dios, re xch’utub’ankileb’ li ani sachenaqeb’, li xkomoneb’ xkorralil laj Israel;
6 Relik chi yaal, eb’ ajwi’ li jek’inb’ileb’ ut tawasinb’ileb’; ut re ajwi’ xkawresinkil li b’e, ut xk’eeb’al chi ruhank xjultikankil li evangelio chiruheb’ laj Gentil;
7 Ut re wank choq’ saqen chiru chixjunileb’ li chunchuukeb’ chaq sa’ q’ojyin, toj sa’ xnajtileb’ chaq lix maril li ruchich’och’; re xk’eeb’al chi uxmank li wakliik chi yo’yo sa’ xyanqeb’ chaq li kamenaq, ut re xtaqsinkil rib’ chi taqe’q, re taawanq sa’ xnim uq’ li Yuwa’b’ej,
8 Toj reetal lix tz’aqalil ru li kutan, ut taatz’apmanq li chaq’rab’ ut li yaal ch’olob’anb’il, ut lix laawil li awa’b’ejihom taaq’axtesimanq wi’chik re li Yuwa’b’ej;
9 Re xk’anjelankil li k’a’ru tiik ru choq’ re chixjunileb’; re kub’eek sa’ raqb’a-aatin sa’ xb’een chixjunileb’, ut re xq’unb’esinkil xch’ooleb’ chixjunileb’ li moko useb’ ta chirix lix maa’us aj b’aanuhomeb’, li ke’xb’aanu chaq; ut chixjunil a’in sa’ li kutan naq taak’ulunq;
10 Xb’aan naq a’an jun kutan re wankilal; relik chi yaal, li junjunq chi ru taq’a taab’ut’manq, ut li junjunq chi tzuul ut b’ool taakub’simanq xteram; li yokotz ru taatiikob’resimanq, ut li b’uq’ux ruhil b’e taahelmanq;
11 Ut chixjunil li tz’ejwalej taaril lix kolb’a-ib’ li Dios.
JJS, Lukas 3:19–20. Chi’ilmanq sa’ Lukas 3:10–13
Eb’ li neb’a’ neke’ch’olaniik rik’in xb’ihomal li k’uuleb’aal tumin. Eb’ laj titz’ol toj (aj xokol tojleb’) tento naq ink’a’ te’xk’am chik sa’ xb’een li xaqab’anb’il sa’ li chaq’rab’.
19 Xb’aan naq nawb’il chi us aab’an, at aj Teofilo, naq jo’ chanru xna’leb’eb’ laj Judio, ut jo’ chanru li na’leb’ sa’ lix chaq’rab’ chirix xk’ulb’al li tumin sa’ li k’uuleb’aal tumin, naq re chaq xnaab’alil li nak’ule’, kixaqab’aman choq’ reheb’ li neb’a’, li junjunq winq xjachalaq;
20 Ut chi jo’ka’in ajwi’ ke’xb’aanu laj titz’ol toj, jo’kan naq laj Jwan kixye reheb’, Meepatz’ xb’een li nekextaqlaak wi’.