3 Rik’in xnawb’al a’in xb’een wa, naq sa’ roso’jikeb’ li kutan te’chalq laj eetz’unel, li te’b’eeq jo’ chanru tz’aqal li ratawomeb’ a’an.

4 Tex’tz’eqtaana li Qaawa’ Jesukristo, ut te’xye, B’ar wan li yeechi’inb’il chirix xk’ulunik? xb’aan naq chalen chaq naq ke’war li yuwa’b’ej, chixjunileb’ li k’a’aq re ru tento te’kanaaq jo’ wankeb’, ut xe’kana jo’ wankeb’ chalen chaq sa’ xtiklajik li yo’ob’tesink.

5 Xb’aan naq chi ajb’il xb’aaneb’ maak’a’eb’ xnawom chirix a’in, naq najter eb’ li choxa, ut li ruchich’och’ xaqxo sa’ li ha’ ut chirix li ha’, ke’yo’ob’tesiik xb’aan li raatin li Dios;

6 Ut xb’aan li raatin li Dios, li ruchich’och’ li kiwan sa’ li kutankil a’an, rik’in naq kib’utin chi ha’, ki’oso’;

7 A’b’an eb’ li choxa, ut li ruchich’och’ li wankeb’ anajwan, wankeb’ chi k’uulanb’il xb’aan li aatin ajwi’ a’an, k’uulanb’ileb’ choq’ re xam sa’ xkutankil li raqb’a-aatin ut li sachlijik reheb’ li winq moko useb’ ta.

8 A’b’an chirix li na’leb’ re lix k’ulunik li Qaawa’, ex raarookex, ink’a’ nawaj naq maak’a’aq eenawom chirix li jun chi na’leb’ a’in, naq jun li kutan a’an chiru li Qaawa’ jo’ jun mil chihab’, ut jun mil chihab’ jo’ jun kutan.

9 Moko aj q’em ta li Qaawa’ chirix lix yeechi’ihom ut lix k’ulunik, jo’ ilb’il li q’emal xb’aan junjunqeb’ li winq; najt b’an royb’enihom qik’in, chi ink’a’ naraj naq te’wanq ani te’oso’q, a’b’an naq chixjunileb’ te’chalq sa’ li jalb’a-k’a’uxlej.

10 A’b’an lix kutankil li Qaawa’ taachalq jo’ jun aj elq’ chiru q’ojyin, sa’ wi’ li choxa taachiq’manq, ut li ruchich’och’ ajwi’ taasiksotq, ut eb’ li tzuul te’ha’ob’resiiq, ut te’oso’q rik’in jun nimla choqink, ut li k’a’ru yiib’anb’il wi’ li k’a’aq re ru taanujaq rik’in nimla tiqwal; li ruchich’och’ ajwi’ taanujob’resiiq, ut eb’ li k’anjel li naru napo’e’ li wankeb’ chi sa’ te’katmanq.

11 Wi ut chixjunileb’ li k’a’aq re ru a’in te’sachmanq, k’a’ chi winqul tento texwanq sa’ santil b’aanuhom ut choxahilal,

12 Rik’in ilok chi uub’ej, ut xkawresinkil eerib’ choq’ re xkutankil lix k’ulunik li Qaawa’ naq li k’a’ru sa’ choxa li napo’e’, chi lochlo rik’in xam, taa’oso’q, ut eb’ li tzuul te’ha’ob’resiiq chi k’a’jo’ xtiqwal?

13 A’b’anan, wi nokokuyuk, took’uulamanq jo’ chanru lix yeechi’ihom. Ut naqoyb’eni jun ak’ choxa, ut jun ak’ ruchich’och’ b’ar wi’ nawan li tiikilal.