3. Na iWasewase kei Amerika ko Niu Ioka, Penisilivenia, kei Oaio

Ceva ni Beniberiji Erau a vakamau eke ko Josefa Simici Lailai kei Ema Ele ena 18 ni Janueri 1827 (raica JS—AT 1:57).

Kolosivili A tauyavu ena vale nei Josefa Naiti Levu ena Tauni ko Kolosivili na imatai ni tabana ni Lotu, ena 1830.

Vale nei Josefa Simici Lailai e Amoni A vakacavari eke e vuqa na vakavakadewa ni iVola i Momani. A vakalesui mai ena dua na vanua voleka na matabete ena 1829 (raica V&V 13; 128:20; JS—AT 1:71–72).

Feieti Eratou a raica na Lewe Tolu na iVakadinadina Bula na peleti koula kei na agilosi ko Moronai eke (V&V 17). A mai vakacavari eke na vakadewataki ni iVola i Momani ena June 1829. A tauyavutaki eke na Lotu ena ika 6 ni Epereli 1830 (raica V&V 20–21).

Menitoni Nodrau itikotiko taumada ko Biriqemu Yaga kei Iba C. Kimiboli.

Katiladi Era a mai tao eke na daukaulotu era a talai ki vei ira na Leimanaiti ena 1830 ka papitaisotaki Sidini Rikitoni kei na so tale ena yasayasa vaka-Katiladi. A itikotiko liu ni Lotu mai na 1831 ki na 1838. A tara e Katiladi na imatai ni valetabu ni itabagauna oqo ka qai vakatabui ena 27 ni Maji 1836 (raica V&V 109).

iKelimusu na Iri Era a biuti Niu Ioka (Kolisivili, Feiete, kei Menijesita) na tolu na tabana ni lotu mai kea ena Epereli kei na Me ni 1831 ka muria na iKelimusu na Iri kei na Drano na Iri ena nodra lako ki Katiladi e Oaio.

Airame Erau a vakaitikotiko eke mai na Sepiteba 1831 ki na Sepiteba 1832 ko Josefa kei Ema. Erau a cakacaka tiko ena iVakadewa nei Josefa Simici ni iVolatabu (VJS) ko Josefa Simici kei Sidini Rikitoni. Na ivakatakila era a ciqomi eke: V&V 1; 65–71; 73; 76–77; 79–81; 99; 133.

Emeusi A tokoni ko Josefa Simici me Peresitedi ni Matabete Cecere ena ika 25 ni Janueri 1832 (raica V&V 75).

Toronito iTikotiko nei Joni Teila, ikatolu ni Peresitedi ni Lotu, kei Meri Vilidigi Simici, na wati Airame Simici.