1 Na nau, king Benjamin bihain long pinisim toktok long ol pipol, em i bin ting em i gutpela, olsem em bai raitim nem bilong olgeta lain ol i bin mekim promis wantaim God long bihainim ol lo bilong em.

2 Na em i kamap we olgeta manmeri bin mekim promis na kisim nem bilong Krais antap long ol, tasol ol liklik pikinini ol i no bin mekim promis.

3 Na gen, em i kamap we bihain king Benjamin pinisim olgeta samting, na makim pikinini bilong em long mekim wanpela wok holi, em Mosaia long kamap bosman na king long ol pipol bilong em, na givim em olgeta wok long kingdom, na tu makim ol pris long lainim ol pipol, we ol pipol bai harim na save long ol lo bilong God, long tanim bel bilong ol long tingim tok tru antap ol i bin mekim, em i bin salim ol pipol, long go bek, olgeta lain, wantaim famili bilong ol yet, long haus bilong ol.

4 Na Mosaia i stat long rul long ples bilong papa bilong em. Na em i stat long rul taim krismas bilong em i tripela ten, na dispela i klostu foa handret na sevenpela ten sikis krismas olgeta long taim Lihai i bin lusim Jerusalem.

5 Na king Benjamin i bin i stap laip long tripela krismas moa na em i idai.

6 Na em i kamap we king Mosaia i bin bihainim ol pasin bilong Bikpela, na bihainim ol jasmen na ol liklik lo bilong em, na bihainim ol lo bilong em long wanem olgeta samting Bikpela bin tokim em.

7 Na king Mosaia i bin tokim ol pipol bilong em long wok long graun. Na em tu i bin wok long graun em yet, we bai em i no bin givim hevi long ol pipol bilong em, olsem em bai bihainim lekmak bilong papa bilong em long olgeta samting. Na nogat tok pait i bin kamap namel long olgeta pipol bilong em long tripela krismas.