Jeje Ko Rekwojarjar
Mosaia 23


Juon bwebwenato in Alma im armej ro an Irooj, ro Kiin̄ Noa eaar lukwarkwareļo̧k er ilo āne jem̧aden.

Ekitbuuj jebta 23 im 24.

Jebta 23

Alma ej abin kiin̄—E ej jerbal āinwōt pris eo eutiej—Irooj ej kauweik armej ro An, im riLeman ro rej bōk āneen Hilam—Amulon, ritōl an pris ro renana an Kiin̄ Noa, ej irooj ekkar n̄an kiin̄ eo an riLeman. Iturinļo̧k 145–121 M.K.

1 Kiiō Alma, kōnke kar kakkōl e jān Irooj bwe jarin tariņae ko an kiin̄ Noa renaaj itok ioer, im kōnke kar karon̄ armej ro an men in, kōn menin raar aintok ippān doon bwijin in mennin mour ko aer, im kar bōk grain ko aer, im ilo̧k ilo āne jem̧aden im̧aan jarin tariņae ko an kiin̄ Noa.

2 Im Irooj eaar kōkajoorļo̧k er, bwe armej ro an kiin̄ Noa ren jab jibwe er n̄an ko̧kkure er.

3 Im raar ko ruwalitōk raan ko ilo āne jem̧aden.

4 Im raar itok n̄an āneo, aaet, em̧ool āneo eaiboojoj im em̧m̧an, juon āneen dān erreo.

5 Im raar kajutak im̧ōn kōppād ko aer, im kar jino ekkal em̧; aaet, im raar kanooj ewaan, im raar kanooj jerbal.

6 Im armej ro raar kōņaan bwe Alma en aer kiin̄, bwe armej ro raar iakwe e.

7 A eaar ba n̄an er: Lo, ej jab mennin aikuj bwe en wōr juon ad kiin̄; bwe āindein Irooj ej ba: Kom̧in ajab naaj kautiej juon ānbwin ilōn̄in bar juon, kajuon armej en jab ļōmņak kake e make ioon bar juon; kōn menin ij ba n̄an kom̧ ej jab mennin aikuj bwe en wōr juon kiin̄.

8 Mekarta, eļan̄n̄e enaaj kar maron̄ bwe iien otemjej en maron̄ wōr em̧m̧aan ro rejim̧we n̄an ami kiin̄ enaaj kar em̧m̧an n̄an kom̧ bwe en wōr juon ami kiin̄.

9 A keememej anana ko an kiin̄ Noa im pris ro an; im n̄a make iaar bpo ilo aujiid, im kar kōm̧m̧an elōn̄ men ko raar kajjōjō ilo im̧aan mejān Irooj, eo eaar kōm̧m̧an aō ukeļo̧k ekōmetak.

10 Mekarta, ālikin eļap aen̄taan, Irooj e ron̄ kūr ko aō, im Eaar uwaaki jar ko aō, im Eaar kōm̧m̧an bwe in juon kein jerbal ilo Pein ilo bōktok belōn̄ iaami n̄an jeļā kōn m̧ool eo An.

11 Mekarta, ilo men in ij jab kōmmejāje, bwe Ij jab tōllo̧ke n̄an kōmmejāje kōn n̄a make.

12 Im kiiō ij ba n̄an kom̧, kiin̄ Noa eaar jiped kom̧, im kom̧ ar pād ilo kōm̧akoko n̄an e im pris ro an, im kar bōktok kom̧ n̄an nana jān er; kōn menin kom̧ ar lokjak kōn ato ko an nana.

13 Im kiiō āinwōt kajoor in Anij ekar kōtļo̧k kom̧ jān korak kein; aaet, em̧ool jān pein kiin̄ Noa im armej ro an, im barāinwōt jān korak ko an nana, em̧ool āindein ikōņaan bwe kom̧in ajutak pen ilo banemkwōj in eo kar kaanemkwōj kom̧ kake, im bwe kom̧in cjab lōke jabdewōt em̧m̧aan n̄an kiin̄ ioomi.

14 Im barāinwōt jab lōke jabdewōt bwe en ami arikaki ak ami minister, ijello̧kun wōt n̄e ej juon armej in Anij, im etetal ilo iaļ ko An im kōjparok kien ko An.

15 Āindein Alma eaar katakin armej ro an, bwe jabdewōt armej en aiakwe riturin āinwōt e, bwe en ejjeļo̧k baitwerōk ilubwiljier.

16 Im kiiō, Alma eaar aer apris eutiej, kōnke eaar lo kabun̄ eo aer.

17 Im ālikin men kein ejjeļo̧k eaar bōk amaron̄ n̄an kwaļo̧k naan ak n̄an katakin ijello̧kun n̄e eaar jab jān e jān Anij. Kōn menin eaar kapit aolep pris ro aer im aolep rikaki ro aer; im ejjeļo̧k eaar ekkapit ijello̧kun eļan̄n̄e raar jab armej ro rejim̧we.

18 Kōn menin raar lale armej ro aer, im kar anaajdik er kōn men ko rej dien reweeppān.

19 Im ālikin men kein raar jino jeraam̧m̧an otem jeraam̧m̧an ilo āneo; im raar ņa etan āneo Hilam.

20 Im ālikin men kein raar wōrļo̧k im jeraam̧m̧an otem jeraam̧m̧an ilo āneen Hilam; im raar kalōk jikin kwelo̧k eo, eo raar ņa etan jikin kwelo̧k in Hilam.

21 Mekarta Irooj Eaar watōke ekkar n̄an akauweik armej ro An; aaet, Eaar idajon̄jon̄e bkōmmaanwa eo aer im tōmak eo aer.

22 Mekarta—jabdewōt eo ej likūt an alōke ilo E ejja in wōt naaj bkotak e ilo raan eo āliktata. Aaet, im āindein eaar āinwōt ippān armej rein.

23 Bwe lo, inaaj kwaļo̧k n̄an kom̧ bwe kar bōktok er ilo kōm̧akoko, im ejjeļo̧k eaar maron̄ kōtļo̧k er ak Irooj aer Anij, aaet, em̧ool Anij an Ebream im Aisak im Jekab.

24 Im ālikin men kein Eaar kōtļo̧k er, im Eaar kwaļo̧k An kajoor Bōtata n̄an er, im eļap kar aer m̧ōņōņō.

25 Bwe lo, ālikin men kein ke raar pād ilo āneen Hilam, aaet, ilo jikin kwelo̧k in Hilam, ke raar kallib ilo bwidej eo ipeļaakin ijo, lo juon jarin tariņae in riLeman ro eaar pād ilo tōrerein ko an āneo.

26 Kiiō ālikin men kein ro jein im jatin Alma raar ko jān meļaaj ko, im kuktok ippān doon ilo jikin kwelo̧k in Hilam; im raar kanooj mijak kōnke jekjek in riLeman ro.

27 A Alma eaar ilo̧k im jutak ilubwiljier, im kauwe er bwe ren jab mijak, a bwe ren keememej Irooj aer Anij im Enaaj lo̧mo̧o̧ren er.

28 Kōn menin raar kaenōm̧m̧an mijak ko aer, im kar jino kūr n̄an Irooj bwe En kapidodo būruōn riLeman ro, bwe ren kōtļo̧k er, im kōrā ro pāleer, im ro nejier.

29 Im ālikin men kein Irooj Eaar kapidodo būruōn riLeman ro. Im Alma im ļōm̧aro jein im jatin raar ilo̧k im ajeļo̧k er ilo peier; im riLeman ro raar bōk aer āneen Hilam.

30 Kiiō jarin tariņae ko an riLeman ro, ro raar ļoorļo̧k armej ro an kiin̄ Limai, raar jebwābwe ilo āne jem̧aden elōn̄ raan ko.

31 Im lo, raar lo pris ro an kiin̄ Noa, ilo jikin eo raar ņa etan Amulon; im raar jino n̄an bōk āneen Amulon im kar jino n̄an kalbwin bwidej.

32 Kiiō etan ritōl eo an pris ro eaar Amulon.

33 Im ālikin men kein Amulon eaar akweļap ippān riLeman ro; im e barāinwōt eaar jilkinļo̧k lim̧aro pāleer, ro raar aleddik ro nejin riLeman ro, n̄an akweļap ippān ro jeir im jatier, bwe ren jab ko̧kkure ļōm̧aro pāleer.

34 Im riLeman ro raar atūriam̧o kōn Amulon im ro jein im jatin, im jab ko̧kkure er, kōnke lim̧aro pāleer.

35 Im Amulon im ro jein im jatin raar kobaļo̧k ippān riLeman ro, im raar ito-itak ilo āne jem̧aden ilo pukpukot āneen Nipai ke raar lo āneen Hilam, eo kar an Alma im ro jein im jatin.

36 Im ālikin men kein riLeman ro raar kallim̧ur n̄an Alma im ro jein im jatin, bwe eļan̄n̄e renaaj kar kwaļo̧k n̄an er iaļ eo ej tōlļo̧k n̄an āneen Nipai renaaj kar leļo̧k n̄an er mour ko aer im anemkwōj eo aer.

37 A ālikin Alma eaar kwaļo̧k n̄an er iaļ eo eaar tōlļo̧k n̄an āneen Nipai riLeman ro raar jab dāpij kallim̧ur eo aer; a raar likūt aribaar ro ipeļaakin āneen Hilam, ioon Alma im ro jein im jatin.

38 Im bweier raar ilo̧k n̄an āneen Nipai; im juon m̧ōttan in er eaar ro̧o̧l n̄an āneen Hilam, im barāinwōt bōkļo̧k ippāer lim̧aro pāleen im ro nejin ribaar ro kar likūt er ilo āneo.

39 Im kiin̄ eo an riLeman ro eaar kōtļo̧k n̄an Amulon bwe en kiin̄ eo im ripepe eo ioon armej ro an, ro raar pād ilo āneen Hilam; mekarta en ejjeļo̧k an kajoor n̄an kōm̧m̧an jabdewōt eoktak jān ankilaan kiin̄ an riLeman ro.