1 An paagi kan saindang manga elder asin manga padi na nagbebendision kan hawak asin dugo ni Cristo sa simbahan; asin saindang benendisionan ini sunod sa manga tugon ni Cristo; kaya samuyang aram na an paagi totoo; asin an elder o padi ipinaglingkod ini—

2 Asin sinda nagruluhod na kaibahan an manga kabali simbahan, asin nagpamibi sa Ama sa pangaran ni Cristo na an sabi:

3 O Dios, an Daing-Kasagkuran na Ama samuyang hinahagad saimo sa pangaran kan saimong Aki na si Jesu-Cristo, na bendisionan asin gibohon na banal ining tinapay para sa manga kalag kan gabos na magkakakan kaini, tanganing sinda magkakan sa pagrumdom kan hawak kan saimong Aki, asin magpatotoo sa saimo O Dios, an Daing-Kasagkuran na Ama, na boot nindang akoon sa sainda an pangaran kan saimong Aki, asin danay na rurumdomon siya asin uutobon an saiyang manga tugon na saiyang itinao sa sainda, tanganing danay na mapasainda an saiyang Espiritu na makaibahan ninda. Amen.