Wóltaʼii 2
Jesus Nephi bidineʼé naakitsʼáadah bikééʼ naazínę́ę Iiʼsizį́ Diyinii aa ditʼaah álʼínígíí yaa yiizlá. Díí éiyá Jesus náádiidzá dóó bikééʼdóó 401–421gi nahalzhiishgo yihahą́ądą́ą́ʼ ádahóótʼįįd.
1 Díí éí Christ bizaad, bikééʼ naazínę́ę yee yichʼįʼ haadzííʼ, naakitsʼáadahí náyiizláʼą́ą, yitsiitʼáá dah dadéesniiʼgo—
2 Dóó dabízhiʼ yee dayózhíigo, kóníigo: ATaaʼ shízhiʼ binahjįʼ bichʼįʼ sodadołzin doo, tsʼídá yéigo; dóó éí bikééʼdóó bee adziilii nihee hólǫ́ǫgo tʼáá háiida bitsiitʼáá dabididoołnihígíí, éí Iiʼsizį́ Diyinii baa doohłééł; dóó shí shízhiʼ binahjįʼ éí baa doohłééł; háálá naakitsʼáadah shikééʼ naazínígíí éí kótʼéego ádeiłʼį́.
3 Kʼad tsʼídá áłtsé Christ níyáhą́ądą́ą́ʼ díí saad yee yichʼįʼ haadzííʼ; nahdę́ę́ʼ áłah jizlį́ʼę́ę éí tʼáadoo dazhdiiztsʼą́ąʼ da, ndi naakitsʼáadahí éí deidiiztsʼą́ą́ʼ, dóó tʼóó ahayóígo yitsiitʼáá dah dadéesniiʼę́ę Iiʼsizį́ Diyinii bikʼidajisdliʼ.