Moroni Binaaltsoos
Wóltaʼii 1
Moroni éí Laman bidineʼé haneʼ bee bíká adoowołígíí nááyíizo—Nephi bidineʼé Christ doo nahjįʼ ndeidiyiiʼaahígíí ndeiłtseed. Díí éiyá Jesus náádiidzá dóó bikééʼdóó 401–421gi nahalzhiishgo yihahą́ądą́ą́ʼ ádahóótʼįįd.
1 Kʼad shí, Moroni, díí Jared bidineʼé baa haneʼ áłtsʼíísígo íishłaago, doo łaʼ nááhídéesoh da nisin ńtʼę́ę́ʼ, ndi tʼah doo éí sheʼiinaʼ niitʼéeh da; dóó doo éí Laman bidineʼé bichʼįʼ ííshjání íʼdíshnéeh da dashidiyoołhééł shaʼshin nisingo.
2 Jó áko, éí tʼáá bí tʼóó báhádzidgo daʼahigą́, dóó Nephi bidineʼé deijoołáhígíí biniinaa tʼáá háíshį́į́ Christ doo nahjįʼ ndeidiyiiʼaahígíí ndeiłtseed.
3 Dóó shí, Moroni, éí doo Christ nahjįʼ kódeeshłíił da; ákohgo, ádaa nísísdzídígíí bąą tʼáá bíhólníihgo naanááshdááł.
4 Ákohgo, tʼáá áłtsʼíísígo haneʼ ánáánáshdlééh, doo bíighah da nisinę́ę ndi; bééhózingo doo haneʼ łaʼ ánáádeeshdlíił da nisin ńtʼę́ę́ʼ; ndi haneʼ łaʼ ánáánéishdlaa, áko éí shikʼisóó Laman bidineʼé, bił danilį́, dóó náás yidiiską́ą́góó, Bóhólníihii íinízinígíí bikʼehgo nisingo.