Sopun 2
Jises a ngeni ekkewe engon me ruomon chon kuno ir chon Nifai pochokun ar repwe ngeni emon ewe niffangen Ngun mi Fel. Arap ngeni Ierin ewe Samon 401–421.
1 Ekkewe kapas an Kraist, minne a apasa ngeni noun kewe chon kuno, ekkewe engon me ruomon a finireta, nupwen a wata poun wor—
2 Iwe a kokkori ir ren iter, a apasa: Oupwe kokkori ewe Sam non itei, non iotek mi napanap; iwe mwirin oua fori ei epwe wor remi pochokun pwe won ion oupwe wata poumi, oupwe ngeni ewe Ngun mi Fel; iwe non itei oupwe ngeni, pun iei nei kewe aposel ra fori.
3 Iei Kraist a apasa ekkei kapas ngeni ir atun ewe fansoun an aewin pwato; iwe ewe mwicheich ese rongorong, nge ekkewe chon kuno ra rongorong; iwe won meinisin ekkewe ra wata pour wor, a feitiw ewe Ngun mi Fel.