Svun Moroni

1 Ja’ o jech ti vu’un Moroniune, ta ts’acal la jpas ta jmoj ti spoco’ lo’ilal steclumal Jarede, muyuc xa ox bu jnopoj ep ta jts’iba, jech muyucto bu chamenun; xchi’uc muyuc bu ta xcac’ jba ta otquinel yu’nic li’ jlamanitaetique, yatsame smilicun.

2 Yu’un ja’ jech, ti pas c’op yu’nic ta stuquique tu j-ech’em xibal sba; ja’ ta sventa ti yu’un mu xc’anvanique, xchi’uc ta smilic scotol nefitaetic ti boch’otic jamal ta xalic ta sventa Cristoe.

3 Xchi’uc ti vu’un Moroniune, muyuc bu ta xcal mati muyuc Cristoe, ti jech ja’ no’ox bu xi loc’ xi ech’ bu xu’ chca’ay ta jpoj jba jtuque.

4 Ja’ jech xtoc, ta jts’iba jutuc c’usitic yantic, ti ja’ mu co’oluc sba xchi’uc c’usi ta jnope, yu’un jnopoj xa ox ti muyuc xa ox ta jts’iba epe, jech tana, ta to jts’iba jutuc c’usitic, ti jech xu’ tsots sc’oplal xc’ot yu’nic quermanotac jlamanitaetic ta baq’uin, ti me jech la sc’an stuc Cajvaltique.