Moroniq Qelqan

1 Kunantaq noqa Moroni, Jaredpa llaqtanpa willayninta huch’uyyachisqayta tukuqtiy, manaña astawan qelqanaypaqmi yuyarqani, ichaqa, manaraqmi wañurqanichu; manataqmi lamanitakunawan rikuchikunichu mana wañuchiwanankupaq.

2 Awqanakuyninkunaqa, ancha millaypunin paykuna purapi; cheqnikuyninkuraykutaq, Cristo mana mananchaq nephitakunata wañuchinku.

3 Noqa Moronitaq mana Cristota mananchasaqchu; chhaynaqa, may atisqaymanmi kawsayniy qespichinaypaq puripakuni.

4 Chhaynaqa, huk chikantawanmi qelqani, yuyakusqayman kontrata; manaña astawan qelqanaypaqmi yuyakurqani; ichaqa, huk chikantawanmi qelqani, ichapas hamuq p’unchawkunapi wawqeykuna lamanitakunapaq allin kanman, Wiraqochaq munayninman hina.