Ebʼ li loqʼlaj hu
Mormon 9


Ch’ol 9

Laj Moroni naxb’oqeb’ li ink’a’ neke’paab’ank re li Kristo re te’xjal xk’a’uxl—Naxch’olob’ xyaalal jun Dios re sachb’a-ch’oolej, li nak’ehok k’utb’esinb’il na’leb’ ut naxhoy li maatan ut eetalil sa’ xb’eeneb’ li xaqxookeb’ chi paab’ank—Neke’oso’ li sachb’a-ch’oolej xb’aan xmaak’a’il li paab’aal—Eb’ li eetalil neke’taaqenk reheb’ li tiikeb’ chi paab’ank—Na’elajiman chiruheb’ li winq naq che’wanq xchaab’ilaleb’ xna’leb’ ut che’xpaab’ li taqlahom. Wan na 401–421 chihab’ xyo’lajik li Kristo.

1 Ut anajwan, nin’aatinak ajwi’ chirixeb’ li ink’a’ neke’paab’ank re li Kristo.

2 K’ehomaq reetal, ma texpaab’anq sa’ xkutankil lee rula’aninkil—k’ehomaq reetal, naq taak’ulunq li Qaawa’, relik chi yaal, li animla kutan ajwi’ a’an naq taab’otob’aaq li bruchich’och’ chanchan jun b’otb’ookil hu, ut ctaaha’ob’resiiq li k’a’ru yiib’anb’il wi’ chi k’a’jo’ xtiqwal, relik chi yaal, sa’ li nimla kutan a’an naq texk’ame’q chi xaqliik chiru lix Karneer li Dios—toja’ ut ma teeye naq maak’a’ li Dios?

3 Toja’ ut ma toj teetz’eqtaana xyaalal li Kristo, malaj ut ma taaruuq teeril lix Karneer li Dios? Ma nekek’oxla tab’i’ naq taawanq eerochoch rik’in a’an, naq nawb’il cheru naq wan eemaak? Ma nekek’oxla tab’i’ naq taaruuq raj taasaho’q eech’ool chi wank rik’in li santil Winq a’an, naq yot’b’il eeraam chixnawb’al naq wan eemaak xb’aan naq junelik xeq’et lix chaq’rab’?

4 K’ehomaq reetal, ninye eere naq q’axal wi’chik raj eerahilal chi wank rik’in jun li Dios sant ut tiik xna’leb’, chi nawb’il cheru lee tz’ajnil chiru a’an, chiru naq texwanq rik’ineb’ li aamej li ak’eeb’ileb’ chixtojb’al xmaak sa’ bxb’alb’a.

5 Xb’aan naq k’ehomaq reetal, naq texk’ame’q chirilb’al lee at’ust’uukilal chiru li Dios, ut jo’kan ajwi’ lix loq’al li Dios, ut lix santilal li Jesukristo, a’in tixloch sa’ eeb’een xxamlel jun li xam li ink’a’ naru xchupb’al.

6 Jo’kan ut, laa’ex li aink’a’ nekexpaab’an, bsutq’inqex rik’in li Qaawa’; elajihomaq chi anchal eemetz’ew chiru li Yuwa’b’ej sa’ lix k’ab’a’ li Jesus, re naq maare textawe’q chi maak’a’aq eetz’ajnil, csaqaq eeru, chaq’alaq eeru ut saqaqex, chi ch’ajob’resinb’ilaqex xb’aan lix kik’el li dKarneer, sa’ li xnimal ru ut roso’jikil kutan a’an.

7 Ut jo’kan wi’chik, nekexwaatina laa’ex li anekextz’eqtaanank xyaalal lix k’utb’esihom li Dios, ut nekeye naq oso’jenaq chik, naq maak’a’ k’a’ru k’utb’esinb’il, chi moko profeetil aatin, chi moko li maatan, chi moko li k’irtesink, chi moko li aatinak rik’in jalan aatinob’aal, ut bxk’utb’al xyaalalil li jalanil aatinob’aal;

8 K’ehomaq reetal ninye eere, ani natz’eqtaanan xyaalal li k’a’aq re ru a’in moko naxnaw ta lix aevangelio li Kristo; relik chi yaal, moko xril ta ruheb’ li loq’laj hu; wi ut xril ru, moko bnaxtaw ta ru.

9 Xb’aan naq ma ink’a’ tab’i’ naqil chi tz’iib’anb’il naq li Dios ajuntaq’eet ewer, anajwan, ut chi junelik, ut rik’in a’an maak’a’ li elk sa’ xna’aj, chi moko yal ta xmuhil lix jalb’al rib’?

10 Anajwan ut, wi xek’oxla choq’ eere junaq dios li na’el sa’ xna’aj, ut li wan wi’ xmuhil naq tixjal rib’, rik’in a’an xek’oxla choq’ eere junaq dios li maawa’ jun Dios re sachb’a-ch’oolej.

11 A’b’an k’ehomaq reetal, laa’in tink’ut cheru jun Dios re sachb’a-ch’oolej, a’an ajwi’ lix Dios laj Abraham, ut lix Dios laj Isaak, ut lix Dios laj Jakob; ut a’an ajwi’ li aDios a’an li kiyo’ob’tesink re li choxa ut li ch’och’, ut chixjunil li k’a’aq re ru wan chi sa’.

12 K’ehomaq reetal, a’an kixyo’ob’tesi laj aAdan, ut sa’ xk’ab’a’ laj Adan kichal lix bt’anik li winq. Ut xb’aan lix t’anik li winq kichal li Jesukristo, a’an ajwi’ li Yuwa’b’ej ut li K’ajolb’ej, ut xb’aan li Jesukristo kichal lix ctojb’al rix li winq.

13 Ut xb’aan lix tojb’al rix li winq, li kichal xb’aan li Jesukristo, neke’k’ame’ wi’chik chiru li Qaawa’; relik chi yaal, a’in li neke’toje’ wi’ rix chixjunileb’ li winq, xb’aan naq lix kamik li Kristo naxk’e chi uxmank li awakliik chi yo’yo, li naxk’e chi uxmank jun xtojb’aleb’ chaq rix chiru jun bwark li maak’a’ roso’jik, ut chiru li wark a’an chixjunileb’ li winq te’ajsiiq chaq ru xb’aan lix wankil li Dios, naq taayaab’asiiq li trompeet; ut te’elq chaq, li kok’ jo’ ajwi’ li ninq, ut chixjunileb’ te’xaqliiq chiru lix raqleb’aal aatin, chi tojb’ileb’ rix ut chi hitb’il chirixeb’ li junelik cb’ak’leb’ a’in re kamk, a’an li kamk re li yu’am a’in.

14 Toja’ ut naq nachal lix araqb’a-aatin li Santil Dios sa’ xb’eeneb’; toja’ ut naq nachal xkutankil naq li ani btz’aj ru, toj tz’ajaq ajwi’ ru; ut li ani tiik xch’ool, toj tiikaq ajwi’ xch’ool; ut li ani sa xch’ool, toj sahaq ajwi’ xch’ool; ut li ani moko sa ta xch’ool, toj moko sahaq ta ajwi’ xch’ool.

15 Ut anajwan, chejunilex laa’ex li xek’oxla choq’ eere junaq dios li amaajun sachb’a-ch’oolej naru chixb’aanunkil, tinpatz’ raj eere, ma ak numenaq chixjunil li k’a’aq re ru a’in, li kin’aatinak wi’? Ma ak xchal li roso’jik? K’ehomaq reetal, ninye eere, Ink’a’, ut li Dios moko xkanab’ ta wank choq’ jun Dios re sachb’a-ch’oolej.

16 K’ehomaq reetal, ma ink’a’ sachb’a-ch’oolejil sa’ qilob’aal chixjunil li k’a’aq re ru axk’anjela li Dios? Relik chi yaal, ani ut naru chixtawb’al xyaalal lix sachb’a-ch’oolejil k’anjel li Dios?

17 Ani tab’i’ taayehoq re naq moko sachb’a-ch’oolej ta naq rik’in li araatin kiwan li choxa ut li ch’och’, ut rik’in xwankil li raatin bkiyo’ob’tesiman li winq rik’in chaq cxpoqsil li ch’och’; ut rik’in xwankil li raatin ke’k’anjelaman li sachb’a-ch’oolej?

18 Ut ani tab’i’ taayehoq re naq li Jesukristo ink’a’ kixb’aanu k’iila ninqi asachb’a-ch’oolej? Ut ke’wan k’iila ninqi sachb’a-ch’oolej k’anjelanb’il xb’aan ruq’eb’ li apostol.

19 Ut wi ke’k’anjelaman li asachb’a-ch’oolej sa’ li kutan a’an, k’a’ut naq li Dios xkanab’ wank choq’ jun Dios re sachb’a-ch’oolej, wi a’an ink’a’ ajwi’ naxjal rib’? Ut k’ehomaq reetal, ninye eere naq moko naxjal ta rib’; wi ta jo’kan tixkanab’ raj wank choq’ Dios; ut a’an moko naxkanab’ ta wank choq’ Dios, ut a’an jun Dios re sachb’a-ch’oolej.

20 Ut li rajb’al k’a’ut naq naxkanab’ xb’aanunkil li asachb’a-ch’oolej sa’ xyanqeb’ li ralal xk’ajoleb’ li winq, a’an xb’aan naq neke’laj chi maak’a’eb’ xpaab’aal, ut neke’el chaq sa’ li tiikil b’e, ut moko neke’xnaw ta ru li Dios li tento raj bte’xkanab’ wi’ rib’ chiru.

21 K’ehomaq reetal, ninye eere naq ani napaab’ank re li Kristo, chi maak’a’ k’a’ru nawiib’an wi’ xch’ool, ayalaq k’a’ru tixtz’aama chiru li Yuwa’b’ej sa’ lix k’ab’a’ li Kristo, a’an taak’eemanq re; ut yeechi’inb’il a’in re chixjunil, toj sa’ xmaril ajwi’ li ruchich’och’.

22 Xb’aan naq k’ehomaq reetal, jo’ka’in kixye li Jesukristo, li Ralal li Dios, reheb’ lix tzolom li te’kanaaq, relik chi yaal, ut reheb’ ajwi’ chixjunileb’ lix tzolom, chi ab’inb’il xb’aaneb’ li ch’utch’uukil tenamit: aAyuqex sa’ chixjunil li ruchich’och’, ut chejultika li evangelio chiru li junjunq li yo’ob’tesinb’il;

23 Ut li ani napaab’an ut nakub’e xha’ taakole’q, a’b’an li ani ink’a’ napaab’an ataak’ehe’q sa’ tojb’a-maak;

24 Ut eb’ li aeetalil a’in te’taaqenq reheb’ li neke’paab’an—sa’ lin k’ab’a’ te’risiheb’ chaq blaj tza; te’aatinaq rik’in ak’ aatinob’aal; te’xchapeb’ li k’anti’; ut wi te’ruk’ k’a’ruhaq li nakamsin moko tixrahob’tesiheb’ ta; te’xk’e li cruq’ sa’ xb’eeneb’ li yaj ut te’k’iraaq;

25 Ut ani taapaab’anq re lin k’ab’a’, chi maak’a’ li nawiib’an wi’ xch’ool, re a’an atinxaqab’ xyaalal chixjunil li waatin, toj sa’ xmaril ajwi’ li ruchich’och’.

26 Ut anajwan, k’ehomaq reetal, ani naru chixyalb’al ru rik’in lix k’anjel li Qaawa’? aAni naru chixtz’eqtaanankil xyaalal lix yehom? Ani taataqe’q chixpleetinkil lix nimajwal wankil li Qaawa’? Ani xik’ taaril lix k’anjel li Qaawa’? Ani xik’ taarileb’ li ralal xk’ajol li Kristo? K’ehomaq reetal, chejunilex bli xik’ nekex’ilok re lix k’anjel li Qaawa’, xb’aan naq taasachq eech’ool ut tex’oso’q.

27 Jo’kan ut, mixik’ ex’ilok, ut misach eech’ool; chex’ab’inq b’an chiru li raatin li Qaawa’, ut chepatz’aq chiru li Yuwa’b’ej sa’ lix k’ab’a’ li Jesus yalaq k’a’aq re ru teeraj ru. Miwiib’an eech’ool, aj paab’anelaqex b’an, ut chextiklaaq jo’ sa’ najter kutan, ut achalqex rik’in li Qaawa’ chi anchal beech’ool, ut cchek’anjela lee kolb’al rik’in eexiw ut rik’in sik’sotk chiru a’an.

28 aChaab’ilaq eena’leb’ sa’ xkutankil lix yalb’al eerix; isihomaq chaq cherix chixjunil li tz’ajnil; mexpatz’oq re taaruuq teesachi rik’in beeratawom; chexpatz’oq b’an rik’in xaqxookilal li ink’a’ na’eek’an, naq maajun aaleek teeq’axtesi wi’ eerib’, naq texk’anjelaq b’an chiru li tz’aqal ut li cyo’yookil Dios.

29 Cheril naq ink’a’ chikub’eeq eeha’ chi amoko k’ulub’ejex ta; cheril naq moko teek’ul ta li loq’laj wa’ak re li Kristo chi bmoko k’ulub’ejex ta; cheril b’an naq teeb’aanu chixjunil li k’a’aq re ru chi ck’ulub’ej, ut cheb’aanu sa’ lix k’ab’a’ li Jesukristo, li Ralal li yo’yookil Dios; ut wi nekeb’aanu a’in, ut nekexkuyuk toj sa’ roso’jik, maamin tex’isiiq chaq.

30 K’ehomaq reetal, nekexwaatina chanchan naq anin’aatinak chaq sa’ xyanqeb’ li kamenaq, xb’aan naq ninnaw naq taawanq eerik’in li waatin.

31 Mineejit rik’in li k’a’ru amoko tz’aqal ta re ru wik’in, chi moko lin yuwa’, xb’aan li moko tz’aqal ta re ru rik’in a’an, chi moko eb’ li ani ke’tz’iib’ak chaq xb’een wa chiru; cheb’antioxi b’an chiru li Dios naq xk’e chi k’utb’esimank cheru li k’a’ru moko tz’aqal ta re ru qik’in laa’o, re taaruuq textzole’q re naq chaab’ilaq wi’chik eena’leb’ chiqu laa’o.

32 Anajwan ut k’ehomaq reetal, xqatz’iib’a li esil a’in jo’ chanru li qanawom, rik’in li tz’iib’ li k’ab’a’inb’il sa’ qayanq li ajaljookil ru Egipcio, li numsinb’il chaq qe ut jalb’il ru qab’aan, jo’ chanru li aatin noko’aatinak wi’.

33 Ut wi ta tz’aqal xnimaleb’ li qaperel ch’iich’ kootz’iib’ak raj sa’ Hebreo; a’b’an li Hebreo jalb’il ajwi’ ru qab’aan; ut wi ta kooru chi tz’iib’ak sa’ Hebreo, k’ehomaq reetal, maak’a’aq raj eerik’in k’a’ru moko tz’aqal ta re ru sa’ li esil xqatz’iib’a.

34 A’b’an li Qaawa’ nanawok re li k’a’aq re ru kiqatz’iib’a, ut jo’kan ajwi’ naq maajun chik tenamit nanawok re li qaatinob’aal; ut rik’in naq maajun chik tenamit nanawok re li qaatinob’aal, chi jo’kan a’an kixkawresi li ak’anjeleb’aal re taak’utmanq xyaalalil.

35 Ut tz’iib’anb’il li k’a’aq re ru a’in re naq taaruuq taqisi chaq chiru li qaq’ lix kik’eleb’ li qas qiitz’in, li ke’laj chaq chi amaak’a’eb’ xpaab’aal.

36 Ut k’ehomaq reetal, li k’a’aq re ru a’in li akiqaj chirixeb’ li qas qiitz’in, relik chi yaal, naq te’k’ojob’aaq wi’chik chixnawb’al chirix li Kristo, a’an jo’ chanru lix tijeb’ chixjunileb’ laj santil paab’anel li wanjenaqeb’ sa’ li ch’och’.

37 Ut li Qaawa’ Jesukristo chixkanab’ naq te’sumeeq ru lix tijeb’ jo’ chanru xpaab’aaleb’; ut chijultiko’q taxaq re li Dios Yuwa’b’ej li sumwank li kixk’uub’ rik’in lix junkab’al laj Israel; ut chirosob’tesiheb’ chi junelik, xb’aan xpaab’ankil lix k’ab’a’ li Jesukristo. Amen.