Tusitusiga Paia
Mamona 1


O Le Tusi a Mamona

Mataupu 1

Ua faatonu Mamona e Amorona e uiga i talafaamaumau paia—Ua amata le taua i le va o sa Nifaē ma sa Lamanā—Ua aveese sa Nifaē e toatolu—Ua tumau le amioleaga, le lē talitonu, tagata iite, ma faataulaitu. E tusa o le 321–326 T.A.

1 Ma o lenei, o a’u, o aMamona, ou te faia se etalafaamaumau o mea sa ou vaaia ma faalogoina, ma faaigoa ai o le Tusi a Mamona.

2 Ma e tusa o le taimi na natia mau ai e aAmorona talafaamaumau mo le Alii, na sau ai o ia ia te au, (pe tusa o le sefulu lea o o’u tausaga, ma sa amata ona ou emalamalama lava e tusa ma ala o aoaoga o lo’u nuu) ma sa fai mai Amorona ia te au: Ua ou iloa o oe o se tama mafaufau lelei, ma e vave ona e matau;

3 O lea, a oo i le tusa ma le luasefulu ma le fa tausaga o lou matua, ou te manao ina ia e manatua mea na e matauina e uiga i lenei nuu; ma a e oo atu i le tausaga lena, ia e alu i le laueleele o Anetuma, i le maupu’epu’e ua ta’ua o aSemi; ma o iina ua ou natia ai mo le Alii togitogiga paia uma e faatatau i lenei nuu.

4 Faauta foi, ia e ave ia te oe lava apapatusi a Nifae, ma o le vaega e totoe ia e tuu pea i le mea o i ai; ma ia e togitogia i luga o papatusi a Nifae mea uma na e vaaia e faatatau i lenei nuu.

5 Ma o a’u, o Mamona, o sē na tupuga mai ia aNifae, (ma o le igoa o lo’u tamā o Mamona) sa ou manatuaina mea na poloaiina ai a’u e Amorona.

6 Ma sa oo ina ua sefulu ma le tasi o’u tausaga, sa ave au e lou tamā i le laueleele i saute, i le laueleele lava o Sara’emila.

7 Sa ufitia luga o le laueleele atoa i fale, ma o tagata sa toetoe lava a tutusa lo latou toatele, ma oneone o le sami.

8 Ma sa oo ina amata i le tausaga lenei se taua i le va o sa Nifaē, o e na aofia ai sa Nifaē ma sa Iakopō ma sa Iosefā ma sa Soramā; ma o lenei taua sa faia i le va o sa Nifaē, ma sa Lamanā ma sa Lemuelū ma sa Isamaelī.

9 O lenei, o sa Lamanā ma sa Lemuelū ma sa Isamaelī sa ta’ua o sa Lamanā, ma o vaega e lua o sa Nifaē ma sa Lamanā.

10 Ma sa oo ina amata le taua i totonu ia te i latou i tuaoi o Sara’emila, i tafatafa ane o vai o Saitonu.

11 Ma sa oo ina faapotopotoina faatasi e sa Nifaē se aofaiga tele o tagata, sa sili atu lava i le aofai o le tolusefulu afe. Ma sa oo ina latou faia i lenei lava tausaga ni taua e tele, lea na faatoilalo ai e sa Nifaē ia sa Lamanā ma latou fasiotia ai le toatele o i latou.

12 Ma sa oo ina lafoai e sa Lamanā la latou fuafuaga, ma sa faatuina le filemu i le laueleele; ma sa tumau i le filemu mo le va o le tusa ma le fa tausaga, sa oo ai ina leai se faamasaa toto.

13 Ae sa tumau pea le amioleaga i luga o le laueleele atoa, sa oo ina aveese e le Alii ona asoo pele, ma taofia ai galuega o vavega ma faamalologa ona o le amioletonu o tagata.

14 Ma sa leai ni ameaalofa mai le Alii, ma sa le afio ifo le eAgaga Paia i luga o se tasi, ona o lo latou amioleaga ma le ilē talitonu.

15 Ma o a’u, i le sefulu ma le lima o o’u tausaga ma le i ai foi ia te a’u lava o le mafaufau lelei, o lea na asiasi mai ai le Alii ia te au, ma ou tofo ma iloa ai le agalelei o Iesu.

16 Ma sa ou taumafai e tala’i atu i lenei nuu, peitai sa tapunia lo’u gutu, ma sa faasaina a’u ona ou tala’i atu ia te i latou; aua faauta, sa latou afouvale ma le loto i ai e faasaga i lo latou Atua; ma sa eaveesea soo pele mai le laueleele, ona o lo latou amioletonu.

17 Peitai sa ou nofo ai pea i totonu o i latou, ae sa faasaina a’u ona ou tala’i atu ia te i latou, ona o le maaa o o latou loto; ma ona o le maaa o o latou loto sa afetuuina ai le laueleele ona o i latou.

18 Ma o nei faomea a Katianetona, o e sa i totonu o sa Lamanā, sa faatumulia ai le laueleele, sa oo ina amata e tagata sa nonofo ai ona nana a latou aoa i le eleele; ma sa oo ina maseesee ia mea, ona sa fetuuina le laueleele e le Alii, sa oo ina le mafai ona latou umiaina, pe toe taofia i latou.

19 Ma sa oo ina sa i ai tagata iite, ma faataulaitu, ma fai mea faamaneta; ma le mana o le tiapolo sa galue i luga o le laueleele atoa, seia oo lava i le faataunuuina o upu uma a Apinati, ma Samuelu foi le sa Lamanā.