1 Cunan, riqui, ñuca huauquicuna, imashna cangunaman nishcani ñuca achil villachigrini, riqui, cai can ñuca achil villachi—cai cuzascuna imata Achil Villachij Zenós parlarca, Israelpaj huasimanda, chaipica shuj tarpushca olivo quiru layapi ricuchin, ciertopacha yalinga.

2 Punllaca Apunchij cutin paipaj maquita chutajpica catipi paipaj llactapuracunata tigrachingapa, punlla can, ari, tucuri canga, Apunchijpaj sirvij runacuna ringa paipaj ushaipi, paipaj uvas chagrata micuchingapa fitingapapash; chaipa jipa ña tucuri shamunga.

3 Cunan ninan achilyachishcacuna can paicuna pimi utsialla trabajashcacuna paipaj uvas chagrapi; ninan llaquichi tucushcacuna can pimi shitai tucushcacuna canga paicunapaj pushtuman! Cai pachaca ninahuan rupachishca canga.

4 Ninan llaquij can ñucanchi Dios ñucanchihuan, pai Israelpaj huasita yarin, ishcandi sapicuna malquicunapash; paipaj maquicunata chutan paicunaman tucui punlla; paicuna na cazujcuna can na cazushpa fiñachij llactapuracunapash; ashtahuangari mashnami paicunapaj shungucunata na shinlliyachijpi Diospaj reinopi quishpichishca canga.

5 Chaimanda, ñuca juyashca huauquicuna, ñuca cungurishpa mañani shungumanda shimicunahuan arrepentiripaichi, shungupaj tucui munaihuanbacha shamuichi, Diospaman quimirichi pai cangunaman imashna quimirin shinallata. Imaura paipaj llaquij achil rigra cangunaman chutashca cangacaman punllapaj michapi, cangunapaj shungucunata ama shinlliyachichu.

6 Ari, cunanllata, paipaj shimita uyangapa munashpaca, cangunapaj shungucunata ama shinlliyachichi; imashpata huañungapa munanguichi?

7 Riqui, tucui punlla Diospaj ali shimihuan micuchishca cashca jipa, cunguichicha na ali fucushcata, calpachishca ninaman shitai tucushca cangapa?

8 Riqui, nacha cazunguichi cai shimicunata? nacha cazunguichi achil villachijcunapaj shimicunata; nacha cazunguichi tucui shimicunata Cristomanda parlashca cashcacuna, paimanda taucacuna parlashca jipa; Cristopaj ali shimita neganguichicha, Diospaj ushaitapash, Espíritu Santopaj Dondapash, Espíritu Santota jarcanguichicha, jatun causachinapaj jatun planda asinguichicha, maijan cangunaman cushcata?

9 Nachu yachanguichi cai cuzascunata rurashpaca, jatun causachinapaj ushai cutin causarinapash, caicuna Cristopi can, cangunata apanga ricurichun pingaihuan manllanayai juchachihuan Diospaj jatun shayarina ñaupaman?

10 Alicanapaj ushaimanda, alicaica na negashca cai ushanllu, canguna rina canguichi nina azufrepash cochamanbash, chai nina rupajujcuna na huañuchinalla can, caicunapaj cushni jahuaman vitsian imaurapash na tucurina imaurapash na tucurinacaman, chai nina azufrepash cocha na tucuri llaqui can.

11 Oh shina, ñuca juyashca huauquicuna, arrepentirichi, quichiji punguta yaicuichi, ñanbi catichi maijan angosto can, imaura mana tucurina causaita chasquingacaman.

12 Oh yachashcacuna caichi; imata ashtahuan ni ushani?

13 Puchucaipi, cangunata cayacaman nini, imaura cangunata tuparingacaman sumaj Diospaj jatun shayarina ñaupapi, cai jatun shayarina manllachin na alicunata manllanayai ninan manllaihuan manllaihuanbash. Shinacapashcachun.