Achil quilcashcacuna
Jacob 2


2 Capítulo

Jacob valishca charishcacunata juyaita na alicachin, jariyai, castidad illatapash—Runacuna mascai ushan valishca charinacunata shujcunata ayudangapa—Jacob na alicachin na mandashca taucahuan cazarashpa catinata—Apunchijca cushijun huarmicunapaj castidadpi. Nara 544–421 C.Ñ.

1 Shimicuna Jacob, Nefipaj huauqui, parlarca Nefipaj llactapuracunaman, Nefi huañushca jipa:

2 Cunan, ñuca juyashca huauquicuna, ñuca Jacob, rurana caimanda imahuanmi Diospaj ñaupapi cani, ñuca oficiota shungumanda jatunyachingapa, ñuca churajunacunata cangunapaj juchacunamanda tajshai ushangapa, achil huasiman vitsiashpa yaicumuni cai punlla Diospaj shimita cangunaman villangapa.

3 Cangunallata yachanguichi cunangaman ñuca cayashca oficiopi utsia rurashcani; ashtahuangari cai punlla ñuca cani ashtaca munaihuan llashachishca cangunapaj almacuna alicachunbacha imatami cunangaman yashcani.

4 Riqui, cunangaman, Apunchijpaj shimita cazujcuna cashcanguichi, imatami cangunaman cushcani.

5 Ashtahuangari riqui, uyahuaichi, yachaichipash, tucui ushaicharij jahua pachata alpatapash rurajpa ayudahuan villai ushani cangunapaj yuyaicunamanda, imashnami juchata rurai callaringuichi, chai jucha ñucapi ninan millanai ricurin, ari, millanayai Diospaj ñaupapipash.

6 Ari, ñuca alma llaquiyan huashanchirinayan pingaihuan ñuca Rurajpaj ñaupamanda, cangunapaj shungucunapaj na alita ruraicunamanda testificana caimanda.

7 Llaquiyanipash yashpapacha ninacunata parlana caimanda, cangunapaj huarmicunapaj, huahuacunapaj ñaupapi, paicunamanda taucami can llullu yuyaicunahuan casto delicado Diospaj ñaupapi, cai cuzasca Dios ali cachin;

8 Yanimi paicuna shamushcacuna can Diospaj ali cachina shimita uyangapa, ari, chugrishca almata jambij shimita.

9 Chaimanda, ñuca alma llashachin ñuca tangai tucushca caimanda, ruranapacha cai rurachunbacha saquishcata Diosmanda chasquishca caimanda, cangunata tacuringapa na ali ruraicunamanda, jatunyachingapa chugricunata ña chugrishca cajcunata, paicunapaj chugricunata jambishpa cushichina randi; picunami na chugrishca cajcunata, Diospaj ali cachina shimihuan ninan munanayai jahuapi chasquina randica puñalta churan paicunapaj almacunata yalichun paicunapaj delicado yuyaicunata chugrichinpash.

10 Ashtahuangari, masqui shinlli rurana cajpipash, ñuca rurana cani ruranapacha Diospaj rurachunbacha saquishcamanda, cangunapaj na alita ruraicunamanda, millanayaicunamanda villana cani, shungupi mapaillacunapaj ñaupapi, shungu faquirishcapash, Tucui Ushaita Charij Diospaj ñavi urai ricujtapash.

11 Chaimanda, ñuca villanapacha cani na llullata Diospaj shimi na pandana punchallamanda. Riqui, Apunchijta mascajpica, shimi shamurca ñucapaman, nishpa: Jacob achil huasiman caya punlla vitsiangui, villaipash cai llactapuracunaman maijan shimicunata ñuca canman cusha.

12 Cunan riqui, ñuca huauquicuna, shimi cai can, maijan cangunaman villani, cangunamanda taucacuna curita mascai callarishcanguichi, culquitapash, tucui laya juyailla mineralcunatapash, cai alppi, maijan can shuj cushapacha nishca alpa cangunaman cangunapaj cati aillucunamanbash, caicuna maipipash ashtacapacha tian.

13 Alipacha cushca cangunaman tucuita cujpa maquica, ashtaca valishca charinacunata canguna chasquishca canguichi; huaquin cangunamanda ashtahuanbacha chasquishca cangunapaj huauquicunata yalishpa vichai alsaringuichi cangunapaj shungupaj jariyaipi, shinlli shungucuna jahuamanda ricunajujcuna cangunapaj ninan valishca churajunacunamanda, cangunapaj huauquicunata na ricunayachishpa catinguichi paicunata yali alicunacanchi yaimanda.

14 Cunan, ñuca huauquicuna, canguna yanguichichu Diosca cai cuzaspica cangunata alicachingachu? Riqui, cangunaman nini, Na. Ashtahuangari cangunata na alicachin, cai cuzascunapi atirijpica paipaj ricushpa chasquichina cangunaman ñapash shamungapacha.

15 Oh pai ricuchinga cangunata yali ushajta, paipaj ñavi ricuihuanpash cangunata alpacaman humillai ushan!

16 Oh cai na ali ruraicunamanda millanayaicunamandapash mapa illa saquita ushan. Oh, paipaj rurachunbacha saquishcacunapaj shimicunata uyashpa, na saquishpa cangunapaj shungupaj jariyai cangunapaj almacunata tucuchichun!

17 Cangunapaj huauquicunata cangunashnallata alicachichi, tucuihuan ali caichi cangunapaj minishtirishcapachatapash carajcuna, paicunapash charijcuna cachun cangunashna.

18 Ashtahuangari nara valishca charinacunata mascashpallata, mascaichi Diospaj reinota.

19 Cristopi shuyaita chasquishca jipa valishca charinacunata chasquinguichi, chaicunata mascashpaca; alita rurana yuyaihuan mascashpa—churajuna illacunata churachingapa, yarjachishcacunata micuchingapa, huatashcashnacunata quishpichingapa, minishtishcata cuna ungushcaman llaquita yalinajunmanpash.

20 Cunan, ñuca huauquicuna, cangunaman parlashcani jariyanamanda; cangunamanda maijanbash cangunapaj ladolla causajcunata llaquichishca cashpaca, na ricunayachishpa catishca cashpapash cangunapaj shungupi jariyaimanda, Dios carashca cuzascunamanda, ima ninguichi caimanda?

21 Nachu yanguichi cai cuzascuna millanayaicuna can tucui aichata rurashcapa? paipaj ricuipi shuj causaj juyailla can caishu causajpash. Tucui aicha alpamanda can; chaipallatami rurashca can, paicuna rurachunbacha saquishcacunata alichichun jatunyachichunbash na tucurinacaman.

22 Cunan cai jariyaimanda parlaita tucuchini. Ashtahuan na ali ruraimanda na parlana cashpaca, ñuca shungu cangunamanda ninanda cushijunman.

23 Ashtahuangari Diospaj shimi llashahuan cangunapaj ashtahuan na ali ruraicunamanda. Riqui, Apunchijca shina nin: Cai llactapuracuna na ali ruraicunapi callarin asha asha mirashpa; achil quilcashcacunata na yaipi chasquin, paicuna mascan juchachingapa paicunapaj fornicacióncuna ruraicunata, David paipaj churi Salomónmanda imata quilcashca caimanda.

24 Riqui, David, Salomón ciertopacha charirca tauca huarmicunata chaishu huarmicunatapash, cai cuzas millanayai carca ñuca ñaupapi, Apunchij nin.

25 Chaimanda, Apunchicaj shina nin, ñuca cai llactapuracunata Jerusalénpaj alpamanda llujchishcani, ñuca rigrapaj ushaihuan, ñucapaj shuj ali ruraj malquita Josépaj lomocunamanda miraita jatarichi ushangapa.

26 Chaimanda, ñuca Apunchij Dios na saquishachu cai llactapuracuna rurachun imashna pundacuna rurarca.

27 Chaimanda, ñuca huauquicuna, uyahuaichi, Apunchijpaj shimita uyaichi: Cangunamanda pipash shujlla huarmita charinga; chaishu huarmicunata na charingachu;

28 Ñuca, Apunchij Diosca shina nin, huarmicunapaj castidadpi cushijun. Fornicacióncunaca millanayai can ñuca ñaupapi; Tucuita Mandaj Apunchij shina nin.

29 Chaimanda, cai llactapuracuna ñuca rurachunbacha saquishcacunata alichingami, Tucuita Mandaj Apunchij shina nin, na cashpaca alpaca llaquichishca canga paicunamanda.

30 Ñuca munashpaca, Tucuita Mandaj Apunchij nin, cati aillucunata ñucaman jatarichingapa, ñuca llactapurata mandasha; na shina cashpaca paicuna cai cuzascunata cazunga.

31 Riqui, ñuca, Apunchij, llaquirinata ricushcani, uyashcani ayai nijcunata ñuca llactapurapaj ushicunata Jerusalénpaj alpapi, paicunapaj cusacunapaj na ali ruraicunamanda millanayaicunamandapash.

32 Ñuca na saquishachu, Tucuita Mandaj Apunchij nin, cai llactapurapaj juyailla ushicunapaj mañaicunata, picuna Jerusalénpaj alpamanda llujchishpa pushashcani, vichai shamuchun ñucapaman llactapuracunapaj runacunapaj contra, Tucuita Mandaj Apunchij nin.

33 Paicuna na apangachu huatashcashna ñuca llactapurapaj ushicunata paicunapaj llullu shungu caimanda, ñuca na ricugrijpi paicunata shuj manllanayai llaquihuan, tucuchingacaman; paicuna na fornicaciócunata rurangachu, pundacunashna, Tucuita Mandaj Apunchij nin.

34 Cunan riqui, ñuca huauquicuna, yachanguichi cai rurachunbacha saquishcacunataca ñucanchi taitaman, Lehi, cushca carca; chaimanda, caicunata punda yachashca canguichi; jatun na llaquichi tucunaman shamushcanguichi; cai cuzascuna na ruranacunata rurashca caimanda.

35 Riqui, canguna jatun na ali ruraicunata rurashcanguichi ñucanchi huauqui, Lamanitacunatapash yali. Canguna faquishca canguichi cangunapaj llullu huarmicunapaj shungucunata, cangunapaj huahuacunapaj crinata chingachishcanguichi, paicunapaj ñaupapi na ali ricuchita cushcamanda; paicunapaj shungucunapaj ayai nijcuna Diospaman vitsian cangunapaj contra. Diospaj shimi ruranapachamanda, maijan cangunapaman urai shamun, tauca shungucuna huañun, yalishpa ucumanda chugricunahuan.