1 Ca tún bey úchiqueʼ yaʼab maʼxoʼob tu yuʼuboʼob le baʼax tu yaʼalah Samuel u palal Laman, le cah tʼanah teʼ tu yókol u pakil u baʼpach le noh cahoʼ. Tulácal le tu creertoʼoboʼ baʼax tu yaʼalahoʼ h binoʼob u caxtiʼcoʼob Nefi; le ca tu caxtoʼobeʼ, tu yaʼaloʼobeʼ decosque u mentmaʼhoʼob kebanoʼob yétel maʼ tu yaʼalahoʼobeʼ maʼ hahiliʼ, ca tu yaʼalahoʼob ca dzaʼabac u yoc haʼoʼob tiʼ Yumtsil.

2 Baʼaleʼ le maʼxoʼob maʼ tu creertoʼob le baʼax tu yaʼalah Samueloʼ h pʼuʼuhoʼob tiʼ letiʼ; ca tu chʼinchʼinahoʼob yétel tunich, yaʼab xan tiʼ letiʼoʼobeʼ tu dzonahoʼob flechas caʼaliquiʼl yaniʼl yételeʼ, le betiʼc maʼ páhchah u betiʼcoʼob lob tiʼ yétel le tunichoʼoboʼ mix yétel u flechaseʼ.

3 Le tún ca tu yilahoʼob maʼ tán u páhtal u betiʼcoʼob lob tiʼeʼ yaʼab ulʼakoʼob tu creertoʼob baʼax cu yaʼalic, tu yoʼolaleʼ h binoʼob tiʼcnal Nefi ca dzaʼabac u yochaʼoʼob.

4 Tumen heʼeleʼ Nefieʼ tán caʼach u dzaic oc haʼ, tán u yaʼalic baʼax cun úchil yétel tán u caʼansic ca pʼatac u kebanoʼob le maʼxoʼob tiʼ le cahoʼ, tán u betiʼc baʼaxoʼob cu haʼaksic yóloʼob le cahaʼan teʼ cahoʼ, tu yoʼolal ca anac u yoheltiʼcoʼobeʼ le Cristooʼ sébaʼan cu tal.

5 Tán u yaʼalic tiʼoʼobeʼ baʼaloʼob sébaʼan cun úchul, tu yoʼolal ca u yóhéltoʼob yétel ca kaʼahac tiʼoʼobeʼ, tu kinil le quen úchuc heʼebix aʼalaʼanil tiʼoʼoboʼ, ca u creertoʼob le betiʼqueʼ, tulácal le maʼxoʼob tu creertoʼob tiʼ baʼax tu yaʼalah Samueloʼ, h binoʼob yicnal Nefi ca dzaʼabac u yoc haʼoʼob cu taloʼob pʼataan u kebanoʼobeʼ cu yaʼaliqueʼ dzoʼoc u mentiʼcoʼob keban.

6 Baʼaleʼ yaʼab ichiloʼobeʼ maʼ tu creertoʼob baʼax cu yaʼalic Samueliʼ; le betiʼqueʼ, le ca tu yilahoʼob maʼ tán u páhtal u chʼinicoʼob mix yétel tunich mix yétel flechaseʼ, ca tu yáwátoʼob tiʼ u nohchiloʼob; maʼcheʼexoʼ ca tatal kaxteʼex le maʼcoʼ tumen yan u kasiʼl baʼal tu wínclil, maʼ tán u páhtal c betiʼc lob tiʼ yétel tunich mix yétel c flechas; le betiʼqueʼ, maʼcheʼex, tatal kaxteʼex yétel xuʼulseʼex.

7 Caʼaliquiʼl tán u bin u nadzicubaoʼob utiaʼal u chʼaicoʼob yókoleʼ, heʼel túnaʼ ca tu puluba yaniʼl teʼ yókol u pakil u le cahoʼ cah púdz tu luʼumoʼob, beyoʼ tac cah kuch tu luʼumil, tuʼux ca tu cáhsah u caʼansic yétel u yaʼalic baʼax bín úchuc tu cahal letiʼoʼ.

8 Heʼel túnaʼ mix bikin cu caʼa uʼubul tu yoʼolaleʼ ichil u palal Nefi; bey tún anil caʼach u baʼaliloʼob le cahoʼ.

9 Bey úchic u dzoʼocol u haʼabil ochéntiʼseis tiʼ u gobernar le juezoʼob yókol u cahal Nefioʼ.

10 Bey xan dzoʼoquic u haʼabil ochéntiʼsiete tiʼ u gobernaroʼob le juezoʼoboʼ yaʼab tiʼ le cahaʼanoʼob le cahoʼ. Maʼ tu pʼatoʼob u caʼanal ichiloʼob yétel u kebanoʼob, chén haytúl tiʼ letiʼoʼobeʼ toh u xímbaloʼob tu tánil Hahal Dios.

11 Bey xan anicoʼob tac tiʼ u haʼabil ochéntiʼocho u gobernar le juezoʼoboʼ.

12 Tiʼ u haʼabil ochéntiʼnueve iquiʼl u gobernar le juezoʼoboʼ hach úch chén humpʼít u chan heʼlpahal le baʼaloʼob teʼ cahoʼ, chén baʼaxeʼ le maʼcoʼoboʼ maʼs u yóltiʼcoʼob betiʼcoʼob keban. Yétel u betoʼob ulak yaʼabach baʼaloʼob tu contra u maʼndamientoʼob Hahal Dios.

13 Baʼaleʼ tiʼ u haʼabil noventa iquiʼl u gobernar le juezoʼoboʼ, h eʼesaʼab hach nohoch baʼaxoʼob tu haʼasah u yóloʼob teʼ cahoʼ yétel h cáh u dzoʼocpahal baʼax u yaʼalmaʼh le profetaoʼoboʼ.

14 Cah chícpah angeloʼob tiʼ le maʼcoʼoboʼ yan sén yaʼab u naʼatoʼob, ca h aʼalaʼab maʼalob tʼanoʼob tiʼoʼob tu quiʼmaʼccunt u yóloʼob, bey tunaʼ tiʼ le haʼabaʼ h cáh u dzoʼocpahal le úchben dzíboʼoboʼ.

15 Quex beyoʼ le maʼcoʼob tiʼ le cahoʼ h cáh u chichcunsic u pucsiʼkaloʼob, beyoʼ, casi tulácal le cahoʼ, chén le hach cu creertiʼcoʼoboʼ maʼ tu yúchul tiʼoʼob, bey úch ichil u palal Nefi yétel u palal Laman, le cahoʼ h cáh u dzaic u yóloʼob tiʼ u mukoʼob letiʼoʼob yétel tiʼ u naʼatiʼloʼobeʼ, tán u yaʼalicoʼob:

16 Dzeʼedzec baʼaloʼob tiʼ ichil yaʼabeʼ dzoʼoc u yaʼalicoʼob tu beleʼ, baʼaleʼ toʼoneʼ c oheʼl tulácal le nohoch baʼaloʼob cu haʼaksic c ól dzoʼoc u yaʼalaʼaloʼ maʼ tán u páhtal u yúchiliʼ.

17 Ca hoʼopʼ u tsicbaloʼob yétel u baʼateloʼob ichiloʼob, tán u yaʼalicoʼob:

18 Maʼ hah ca talac huntúl maʼc bey heʼebix dzoʼoc u yaʼaloʼoboʼ; wá beyoʼ hach tu hahil u Pal Hahal Dios, u Tatail le caʼanoʼ yétel le luʼumaʼ bey aʼalmilaʼ, baʼaxtén maʼ tu yeʼesicuba tiʼ toʼon bey heʼebix xan tiʼ le cahacbaloʼob Jerusalenoʼ?

19 Bixmaʼiʼ, baʼaxtén maʼ bín eʼesaʼac wáy tiʼ le nacionaʼ heʼebix Jerusalenoʼ?

20 Baʼaleʼ, heʼel túnaʼ toʼoneʼ c oheʼl chén humpʼél baʼal suc u yaʼalaʼal dzaʼan toʼon tumen c tataoʼob tu yoʼolal u betiʼcoʼob creertiʼc humpʼél baʼal nohoch yétel cu haʼaksic c ól cun yantal u yúchul, baʼaleʼ maʼ ichiloʼoniʼ, tiʼ humpʼél nácion hach nách, le nácionoʼ mix c kahóliʼ; bey suc u yaʼalaʼaleʼ yoʼolal maʼ c ohéltiʼc u hahil tumen maʼ tán u páhtal c pactiʼc yétel c ich wá hach tu hahil.

21 Letiʼoʼobeʼ, yétel u tusil quiʼsineʼ bín u betoʼob wá baʼax nohoch cu haʼakal c ól, maʼ t pahtal c naʼatiʼc toʼon, yétel leloʼ bín u maʼchoʼon tu yoʼolal ca c betba u meyhuloʼob yánal u tʼanoʼob yétel xan tiʼ letiʼoʼob, tumen xan c kubicba tiʼ letiʼoʼob tu yoʼolal ca u caʼansoʼob toʼon le tʼanoʼ; bey cun u pʼátiʼloʼonoʼ maʼ c oheʼl u hahileʼ tulácal u kinil c cuxtal wá c kubicba tiʼoʼob.

22 Yétel yaʼab ulak baʼaloʼob maʼ tu beloʼob tu tucultah tu pucsiʼkaloʼob; yétel hach lubaʼan yóloʼob aniloʼob tumen Sátanas untiʼch dzaic tu tuculoʼob ca u betoʼob keban; bey tu yaʼalah tʼan, tus yétel tu baʼateloʼob yókol tulácal le nacionoʼ tu yoʼolal u chichtal u pucsiʼkal le maʼcoʼob tiʼ le baʼaloʼob maʼalobtacoʼ yétel tu contra le baʼaxoʼob cun h taloʼ.

23 Baʼaleʼ quex tumen yanhiʼ le nohoch baʼaloʼob cu haʼaksic yól maʼc ichil u cahal Yumtsiloʼ, le yaʼabach nohoch baʼaloʼob tu betahoʼoboʼ, Satanaseʼ hach anhi páhtalil tiʼ yókol u pucsiʼkal le cah tiʼ tulácal le nácionoʼ.

24 Bey úchic u dzoʼocol u haʼabil noventa gobernarnahic juezoʼob yókol u cahil Nefi.

25 Beyan dzoʼocol u libroil Helaman heʼebix dzíbtaanahic tiʼ u historiail Helaman yétel u palal.