Ether

Mormon Nwoma

Dza Ɔwɔ Mu
Mbueienyi na Adasefo
1 Nephi
2 Nephi
Jacob
Enos
Jarom
Omni
Mormon ne Nsɛm
Mosiah
Alma
Helaman
3 Nephi
4 Nephi
Mormon
Ether
Moroni

Ether

Tsir 1
Moroni twitwa Ether ne nsɛm do yɛ no ntsiantsia—Wɔdze Ether n’ebusuasantsen to gua—Jaredfo kasaa anntõtõ wɔ Babel Abantsentsen no ho—Ewuradze bɔ hɔn anohoba dɛ obegya hɔn akɔ asaase a ɔasan mu eyi ama hɔn do na ɔayɛ hɔn ɔman kɛse.
Tsir 2
Jaredfo boaboa hɔnho dɛ wobotu hɔn kwan akɔ anohoba asaase do—Ɔyɛ asaase a wɔasan mu eyi a ɔwɔ dɛ nyimpa a wɔwɔ do no som Christ annyɛ dɛm a, wobotwa hɔn efi do—Ewuradze kasa kyerɛ Jared no nuabanyin ndɔnhwer ebiasa—Jaredfo no pam ahɛn—Ewuradze kasa kyerɛ Jared no nua dɛ ɔnkyerɛ dza ɔnyɛ a ɔbɛma kan aba hɛn no mu.
Tsir 3
Jared no nuabanyin hu Ewuradze Ne nsatseaba dɛ Ɔdze rekã abo duesia no—Christ yi No sunsum bɔbea kyerɛ Jared no nuabanyin—Hɔn a wɔwɔ nyimdzee a odzi mu no biribiara nnkesiw hɔn kwan dɛ wɔbɛhɛn ntwamutam no mu—Wɔdze asekyerɛdze ma wɔdze Jared ne nsɛm no epue kan mu.
Tsir 4
Wɔhyɛ Moroni dɛ ɔnsɔw Jared no nuabanyin ne nkyerɛwee no ano—Wɔnnkɛda no edzi ekodu dɛ nyimpa benya gyedzi a ɔtse dɛ Jared no nuabanyin nedze no—Christ hyɛ nyimpa dɛ wɔngye Ɔno nye N’esuafo no nsɛm ndzi—Wɔhyɛ nyimpa dɛ wonnu hɔnho na wɔngye asɛmpa no ndzi na wɔngye hɔn nkwa.
Tsir 5
Adasefo baasa na edwuma no nankasa begyina hɔ dɛ dasegye wɔ Mormon Nwoma no nokwardzi ho.
Tsir 6
Mframa dze Jaredfo hɔn ahɛn no kodwir anohoba asaase no do—Nkorɔfo no yi Ewuradze ayɛw wɔ Ne papayɛ ho—Woyi Orihah ma ɔbɛyɛ ɔhen wɔ hɔn do—Jared na no nuabanyin wu.
Tsir 7
Orihah dzi hen wɔ tseneneeyɛ mu—Wɔnam basabasayɛ na aperdzi do si Shule ahenman na Cohor ahenman a wɔyɛ akorafo no—Nkɔnhyɛfo kasa tsia nkorɔfo no hɔn emumuyɛdze na abosonsom, ekyir no wonu hɔnho.
Tsir 8
Aperdzi na wentwiwentwi si ahenman no ho—Akish tsew nsumaamu nsewdzi fɛkuw dɛ ɔdze rukoku ɔhen no—Nsumaamu fɛkuw fi abɔnsam na no nsunsuando nye aman hɔn nsɛe—Wɔbɔ nkyirmba Amanamamfo kɔkɔ wɔ nsumaamu fɛkuw a ɔbɛper dɛ obotu fahodzi a ɔwɔ asaase, amanaman na nkurow nyina mu egu ho.
Tsir 9
Ahenman no nam adzedzi do, apam bɔn na ewudzi kwan do fi nyimpa kor do kɔ kor so do—Emer hu Tseneneenyi ne Ba no—Nkɔnhyɛfo pii kã nnuho ho asɛm—Ɔkɔm nye mbowatsena a wɔwɔ bɔr bɛsɛɛ nkorɔfo no.
Tsir 10
Ɔhen kor dzi kor n’adze—Ahemfo no binom yɛ atseneneefo; na binom so yɛ emumuyɛfo—Sɛ ndzeyɛtsenenee tahye a, Ewuradze hyira hɔn na ɔyɛ hɔn prɔmprɔm.
Tsir 11
Akodzi, etuatsew na emumuyɛdze gye ntaa wɔ Jaredfo abrabɔ mu—Nkɔnhyɛfo hyɛ nkɔm dɛ, sɛ woennu hɔnho a, wɔbɛsɛɛ Jaredfo no korakora—Nkorɔfo no pow nkɔnhyɛfo no nsɛm.
Tsir 12
Nkɔnhyɛnyi Ether tu nkorɔfo no fo dɛ wɔngye Nyankopɔn ndzi—Moroni kã anwanwadze na ahobowdze a gyedzi yɛ ho asɛm—Gyedzi ma Jared no nuabanyin hu Christ—Ewuradze ma adasamba yɛ mberɛw ama wɔaabrɛ hɔnho adze—Jared no nuabanyin nam gyedzi do tutu Bepɔw Zerin—Gyedzi, enyidado, na ayamuyie hia ma nkwagye—Moroni hun Jesus enyim na enyim.
Tsir 13
Ether kã Jerusalem Fofor a Joseph n’asefo bɛkyekyer wɔ America no ho asɛm—Ɔhyɛ nkɔm, wɔpaam no, ɔkyerɛw Jared ho abakɔsɛm, na odzi kan kã Jaredfo hɔn nsɛe ho asɛm—Ɔkõ soɛr wɔ asaase nyinara do.
Tsir 14
Nkorɔfo no hɔn emumuyɛ dze ndom ba asaase no do—Coriantumr nye Gilead, nye Lib, na Shiz dzi akõ—Bɔgya na ewudzi kata asaase no do.
Tsir 15
Woku Jaredfo ɔpepe wɔ ɔkõ mu—Shiz na Coriantumr kã nkorɔfo nyina boa ano dɛ worikedzi akõ atɔr—Ewuradze no Sunsum gyaa dɛ ɔnye hɔn dzi aper—Wɔbɔ Jaredman no korakora—Coriantumr nko ka.