Судрууд
Мормоны Ном


Иферийн Ном

Бүлэг 9

Хаант улс нэгээс нөгөөд удмаар, хуйвалдаанаар, мөн аллагаар дамжив—Имер Зөв Шударгын Хүүг харав—Олон бошиглогч наманчлалыг номлов—Өлсгөлөн мөн хорт могойнууд хүмүүсийг нэрвэв.

1Мөн эдүгээ, би, Моронай, цэдгээ үргэлжлүүлье. Тиймийн тул, болгоогтун, мөнхүү улиран тохиох дор Акиш мөн түүний найзуудын нууц хуйвалдаануудын улмаас, болгоогтун, тэд Омерын хаант улсыг булаан авав.

2Гэсэн хэдий ч, Их Эзэн Омерт нигүүлсэнгүй байв, мөн түүнчлэн түүний, хөвгүүд хийгээд охидынх нь устгалыг эрэлхийлсэнгүй.

3Мөн Омерт зүүдэнд нь уг нутгаас гарч одохыг Их Эзэн сэрэмжлүүлэв; иймийн тул Омер гэр бүлийнхээ хамт нутгаас гарч одон, мөн олон өдөр аялж, мөн Шимийн толгойд ирэн мөн хажуугаар нь өнгөрч, мөн нифайчуудын устгагдсан тэр газрын ойролцоо ирэв, мөн тэндээс зүүн тийш, мөн тэнгисийн эргийн дагуух, Аблом гэж нэрлэгдэх газар ирэв, мөн тэрээр тэнд майхнаа босгов, мөн түүнчлэн Жаред болон түүний гэр бүлээс бусад, түүний хөвгүүд мөн охид нь, мөн түүний бүх гэрийнхэн нь буюу.

4Мөнхүү улиран тохиох дор Жаред хүмүүсийн дээр, ёс бусын гараар тослогдсон хаан болов; мөн тэр Акишт охиноо эхнэр болгон өгөв.

5Мөнхүү улиран тохиох дор Акиш хадам эцгийнхээ амийг эрэлхийлэв; мөн тэрээр эртнийхний тангаргаар андгайлсан тэдэндээ хандав; мөн тэд, тэрээр хаан ширээнээ заларч, өөрийн хүмүүсийг хүлээн авч байхад нь хадам эцгийнх нь толгойг авав.

6Учир нь, энэхүү ёс бус мөн нууц нийгэмлэгийн тархалт бүх хүмүүсийн зүрх сэтгэлийг эзлэх болтлоо тийм агуу байлаа; тиймийн тул Жаред хаан ширээндээ алагдан, мөн Акиш түүний оронд засаглав.

7Мөнхүү улиран тохиох дор Акиш хүүдээ атаархаж эхлэн, тиймийн тул тэрээр түүнийг шоронд хорин, мөн түүнийг өчүүхэн хоолтойгоор эсвэл огт хоолгүйгээр үхэлтэй учрах хүртэл нь тэрээр үлдээсэн ажгуу.

8Мөн эдүгээ үхэлтэй учирсан түүний дүү (түүний нэр Нимра байв) эцгийнх нь ахад нь хийсэн тэр зүйлийн улмаас эцэгтээ хилэгнэж байв.

9Мөнхүү улиран тохиох дор Нимра цөөн тооны эрчүүдийг цуглуулан, мөн уг нутгаас дайжив, мөн ирж тэгээд Омертой хамт суурьшив.

10Мөнхүү улиран тохиох дор Акиш өөр бусад хөвгүүдийг төрүүлэв, мөн хэдийгээр тэд хүссэний дагуу бүх л төрлийн алдсыг хийхээр түүнд андгайлсан тэр хүмүүсийн зүрх сэтгэлийг татжээ.

11Эдүгээ Акиш хүч чадлыг олохыг хүсдэг байсан лугаа адил, Акишийн хүмүүс хөрөнгө олохыг хүсдэг байв; иймийн тул, Акишийн хөвгүүд тэдэнд мөнгө өгөхөөр болов, үүгээрээ тэд хүмүүсийн ихээхэн хэсгийг араасаа дагуулав.

12Мөн Акишийн хөвгүүд болон Акишийн хооронд, тийм ээ, хаант улсын бараг бүх хүмүүсийн тийм ээ, гучин бодгалиас, мөн Омерын угсаатай хамт дүрвэсэн тэднээс бусад бүгдийг устгалд хүргэсэн олон жилийн туршид үргэлжилсэн дайн эхлэв.

13Иймийн тул, Омер өвийн нутагтаа дахин сэргээгдэв.

14Мөнхүү улиран тохиох дор Омер нас өндөр болж эхлэв; гэсэн хэдий ч, өндөр насандаа тэрээр Имерийг төрүүлэв; мөн тэрээр Имерийг өөрийн оронд засаглах хаан байхаар тослов.

15Мөн тэрээр Имерийг хаан болгохоор авшиг хүртээснийхээ дараа, тэрээр хоёр жилийн туршид уг нутагт амар амгаланг тэрээр үзэв, мөн гашуудлаар дүүрэн байсан үлэмж олон өдрийг үзжээ мөн тэрээр нас нөгчив. Мөнхүү улиран тохиох дор Имер түүний оронд засаглаж, мөн эцгийнхээ мөрөөр замнасан буюу.

16Мөн Их Эзэн уг нутгаас зүхлийг дахин холдуулж эхлэв, мөн Имерийн үр удам Имэрийн засаглалын дор үлэмж дэгжив; мөн жаран хоёр жилийн дотор тэд үлэмж хүчирхэг болж, үүний хэрээр тэд үлэмж баян болцгоов—

17Бүх л төрлийн жимс, мөн үр тариа, мөн торго, мөн нарийн нэхээст эд, мөн алт, мөн мөнгө, мөн үнэт зүйлстэй байв;

18Мөн түүнчлэн бүх төрлийн мал, шар, мөн үнээ, мөн хонь, мөн гахай, мөн ямаа, мөн түүнчлэн хүмүүний хоол хүнсэнд тустай бусад олон төрлийн амьтадтай байв.

19Мөн тэд түүнчлэн морь, мөн илжигтэй байв, мөн заан мөн кюрулом мөн күмомуудтай байв; энэ бүгд нь, мөн ялангуяа заан мөн кюрулом мөн күмом нь хүмүүнд тустай байсан бөлгөө.

20Мөн тийн Их Эзэн бусад бүх нутгаас дээгүүр сонгомол асан энэ нутагт адислалуудаа цутгав; мөн уг нутгийг эзэмших хэн боловч үүнийг Их Эзэний төлөө эзэмшихийг тэрээр зарлиг болсон ажээ, эс бөгөөс алдастаа бүрнээ боловсорсон үед тэд устгагдах болно; учир нь ингэх тэдний дээр: Би уур хилэнгээ бүрнээр нь цутгах болно хэмээн Их Эзэн хэлсэн ажээ.

21Мөн Имер өөрийн бүх өдөртөө, зөв шударгаар хууль цаазыг хэрэгжүүлж, мөн тэрээр олон хөвгүүд мөн охидыг төрүүлэв; мөн тэрээр Кориантумыг төрүүлж, мөн Кориантумыг өөрийн оронд засаглуулахаар тослов.

22Мөн тэрээр өөрийн оронд засаглуулахаар Кориантумыг тосолсны дараа тэрээр дөрвөн жил амьдарсан ажгуу, мөн тэрээр уг нутагт амар амгаланг үзэв; тийм ээ, мөн тэрээр бүр Зөв Шударгын Хүүг харав, мөн түүний өдөрт баясаж мөн бахархав; мөн тэрээр амар амгаланд нас нөгчив.

23Мөнхүү улиран тохиох дор Кориантум эцгийнхээ мөрөөр замнаж, мөн олон хүчирхэг хот барьж, мөн өөрийн бүх өдрүүддээ өөрийн хүмүүст сайн болох түүнийг гүйцэтгэсэн буюу. Мөнхүү улиран тохиох дор тэрээр бүр нас үлэмж өндөр болох хүртлээ үр хүүхэдгүй байжээ.

24Мөнхүү улиран тохиох дор түүний эхнэр, зуун хоёр насыг зооглон, өөд болов. Мөнхүү улиран тохиох дор Кориантум өндөр насандаа, залуу бүсгүйг эхнэр болгон авч, мөн хөвгүүд болоод охидыг төрүүлэв; иймийн тул тэрээр зуун дөчин хоёр нас хүртлээ амьдарсан бөлгөө.

25Мөнхүү улиран тохиох дор тэрээр Комыг төрүүлж, мөн Ком түүний оронд засаглав; мөн тэрээр дөчин есөн жил засаглаж, мөн тэр Хэтийг төрүүлэв; мөн тэр түүнчлэн бусад хөвгүүд хийгээд охидыг төрүүлэв.

26Мөнхүү хүмүүс дахин нутгийн бүх гадаргуу дээр тархсан байв, мөн уг нутгийн гадаргуу дээр дахин үлэмж агуу ёс бусын үйл бий болж эхлэв, мөн Хет өөрийн эцгийг устгахаар эртний нууц төлөвлөгөөнүүдийг дахин өөгшүүлэн дэмжиж эхлэв.

27Мөнхүү улиран тохиох дор тэрээр эцгээ хаан ширээнээс нь унагав, учир нь тэрбээр түүнийг өөрийнх нь илдээр хөнөөсөн ажгуу; мөн тэрээр түүний оронд засаглав.

28Мөн бошиглогчид, тэдэнд наманчлалыг тунхагласаар уг хутагт дахин ирэв—тэд Их Эзэний замыг бэлтгэх ёстой эсвээс уг нутгийн гадаргуу дээр зүхэл ирэх болно; тийм ээ, хэрэв тэд эс наманчлах аваас бүр агуу өлсгөлөн болж тэд түүгээр устгагдах болно гэв.

29Гэвч хүмүүс бошиглогчдын үгэнд итгэсэнгүй, харин тэд тэднийг хөөн зайлуулав; мөн тэдний заримыг нь нүхэнд хаян мөн тэднийг эрсдүүлэхээр орхив. Мөнхүү улиран тохиох дор тэд эдгээр бүх зүйлийг хаан Хетийн зарлигийн дагуу үйлджээ.

30Мөнхүү улиран тохиох дор уг нутагт агуу өлөн зэлмүүн байж эхлэв, мөн газрын гадаргуу дээр хур бороо эс орсны учир, оршин суугчид нь өлөн зэлмүүнээс болон үтэр түргэнээр устгагдаж эхлэв.

31Мөн нутгийн гадаргуу дээр түүнчлэн хорт могойнууд гарч ирж, мөн олон хүмүүнийг хордуулсан аж. Мөнхүү улиран тохиох дор тэдний мал хорт могойнуудын өмнө, нифайчуудаар Зарахемла хэмээн нэрлэгдсэн өмнөд нутаг тийш дайжиж эхлэв.

32Мөнхүү улиран тохиох дор тэдний олон нь замдаа эрсэдсэн ажээ; гэсэн хэдий ч, өмнө зүгийн нутагт дайжиж хүрсэн зарим нь байв.

33Мөнхүү улиран тохиох дор Их Эзэн могойнууд тэднийг цааш үлдэн хөөхгүй болгон, харин өнгөрч гарах гэсэн хэн бүхэн хорт могойнуудад хөнөөгдөн унаж болохын тулд хүмүүс өнгөрөн гарч чадахааргүйгээр могойнуудаар замыг нь хаах болгосон ажээ.

34Мөнхүү улиран тохиох дор хүмүүс амьтдын жимийг даган, мөн замаар унасан тэдний сэгийг, тэд бүгдийг нь идэж дуусгах хүртэл, ховдоглон идэв. Эдүгээ хүмүүс эрсдэх учиртайгаа үзээд тэд алдсаа наманчилж мөн Их Эзэнд залбиран гуйж эхлэв.

35Мөнхүү улиран тохиох дор тэд Их Эзэний өмнө өөрсдийгөө хангалттайгаар даруусгасны нь дараа тэр газрын гадаргуу дээр хур илгээв; мөн хүмүүс дахин тэнхэрч эхлэн, мөн умард зүгийн нутгуудад, мөн бүх эргэн тойрны нутгуудад жимс байж эхлэв. Мөнхүү Их Эзэн тэднийг өлсгөлөнгөөс хамгаалснаар тэдэнд хүчээ үзүүлсэн буюу.