Say Paneknek na Walora a Tasi

Nakabatan komon na amin a bansa, sankakanayon, salita, tan totoo, a dia ed sikara saya a kimey so makasabi: A si Joseph Smith, Jun., say añgipatalus ed saya a kimey, impanengneng to ed sikami so saray piligo ya asalita, a say nengneng to so balitok; tan no kaonoñgan so kadakel na bolong ya impatalus na asalita ya Smith so abembenan na saray lima mi; tan anengneng mi met so saray akatatak diman, ya amin say nengneng da so kadaanan a kimey, tan nidumadoma ya inkagawa. Tan saya so paneknekan mi ed saray salita na kaolimekan, a say asalita ya Smith impanengneng to ed sikami, tan anengneng mi tan binembenan mi, tan kabat mi ya angapo so panduarua a say asalita ya Smith wala ed sikato so saray piligo ya asalita mi la. Tan iter mi so kañgaranan mi ed mundo, pian tasian mi ed mundo so saman so anengneng mi. Tan ag kami mantitila, say Dios tasian to so saya.