Alama

Mukanda wa Molomo

Contents
Tshibangilu ne Bajadiki
1 Nefi
2 Nefi
Yakoba
Enosha
Yaloma
Omoni
Miaku ya Molomo
Mosiya
Alama
Helamana
3 Nefi
4 Nefi
Molomo
Etele
Moloni
Bulondi bua Bifundilu bia Mukanda wa Molomo

Alama

Shapita 1
Neholo udi ulongesha mayisha a mafi, udi ushikika ekelezia, udi ubueja buakuidi bua mafi, ne udi ushipa Gideona—Badi bamushipa bua mibi yenda—Buakuidi bua mafi ne dikengeshangana bidi bitangalaka munkatshi mua bantu—Bakuidi badi badikuatshisha nkayabu, bantu badi bambuluisha bapela, ne Ekelezia udi ulubuluka. Pabuipi ne 91–88 k.d.K.
Shapita 2
Amelisi udi ukeba bua kuikala mfumu ne dîyi dia bantu didi dimubenga—Balondi benda badi bamuteka mfumu—Bena Amelisi badi baluisha Bena Nefi ne badi batshimunyibua—Bena Lamana ne Bena Amelisi badi basangisha bisumbu biabu bia basalayi ne badi batshimunyibua—Alama udi ushipa Amelisi. Pabuipi ne 87 k.d.K.
Shapita 3
Bena Amelisi bakadiela tshimanyinu bilondeshila ku dîyi dia buprofete—Bena Lamana bavua batshipibua bua buntomboji buabu—Bantu badi badituadila milawu yabu nkayabu—Bena Nefi badi batshimuna musumba mukuabu wa basalayi wa Bena Lamana. Pabuipi ne 87–86 k.d.K.
Shapita 4
Alama udi utambuisha badi bakudimuna moyo—Bualu bubi budi bubuela mu Ekelezia, ne dikola dia Ekelezia didi dimana—Nefiha udi usungidibua mulumbuluishi munena—Alama, udi muakuidi munena, udi udifila ku disadila. Pabuipi ne 86–83 k.d.K.
Shapita 5
Bua kupenda lupandu, bantu badi ne tshia kukudimuna mutshima ne kulama mikenji, kuledibua tshia kabidi, kusukula bilamba biabu kupitshila ku mashi a Kilisto, kuikala badipuekeshi ne kudivûla diditambisha ne dialakana, ne kuenza bienzedi bia buakana—Mulami wa Mikoku Muimpa udi ubikila bantu—Badi benza bienzedi bibi badi bana ba diabulu—Alama udi ujdika bulelela bua dilongesha ne udi welela bantu mukenji bua kukudimuna mutshima—Mêna a bakana ne afundibua mu mukanda wa moyo. Pabuipi ne 83 k.d.K.
Shapita 6
Badi basukula Ekelezia wa mu Zalahemela ne bamuteka mu njila mulongama—Alama udi uya kuyisha ku Gideona. Pabuipi ne 83 k.d.K.
Shapita 7
Kilisto nealedibua kudi Maliya—Neasulula mionji ya lufu ne neambula mibi ya bantu benda—Badi bakudimuna mutshima, badi batambuishibua, ne badi balama mikenji nebapeta moyo wa tshiendelela—Bukoya kabuena mua kupiana bukalenga bua Nzambi to—Bidi bikengedibua didipuekesha, ditabuja, ditekemena, ne bunangi. Pabuipi ne 83 k.d.K.
Shapita 8
Alama udi uyisha ne utambuisha mu Meleke. Badi bamubenga mu Amoniha ne udi umbuka—Muanjelu udi umupesha mukenji bua kupinganamu ne kubila kudi bantu bua kukudimuna mutshima—Amuleke udi umuakidila, ne bubidi buabu badi bayisha mu Amoniha. Pabuipi ne 82 k.d.K.
Shapita 9
Alama udi upesha bantu ba mu Amoniha mukenji bua kukudimuna mutshima—Mukalenga neikala ne lusa kudi Bena Lamana mu matuku a ndekelu—Bialekela Bena Nefi bukenka, nebabutuka kudi Bena Lamana—Muana wa Nzambi nealua katataka—Neasungila badi bakudimuna mutshima, badi batambuishibua, ne badi ne ditabuja mu dîna dienda. Pabuipi ne 82 k.d.K.
Shapita 10
Lehi udi ndelanganyi wa Manashe—Amuleke udi wambulula mukenji wa muanjelu bua kulama Alama—Masambila a bakana adi enza ne bantu bepelesha—Balumbuluidi ne balumbuluishi badi kabayi bakana to badi bâsa njila wa tshishimikidi tshia dibutuka dia bantu. Pabuipi ne 82 k.d.K.
Shapita 11
Mushindu wa dibala dia makuta a Bena Nefi didi dilongolola—Amuleke udi ukokangana ne Zêzeloma—Kilisto kakupandisha bantu mu mibi yabu—Amu bapiana bukalenga bua mu diûlu ki bapandishibua—Bantu bonsu nebajuka mu mubidi udi kawuyi ufua—Kakuakuikala kabidi lufu kunyima kua dibîka dia bafua to. Pabuipi ne 82 k.d.K.
Shapita 12
Alama udi wakula ne Zêzeloma—Malu masokoka a Nzambi adi mua kupeshibua amu kudi badi ne lulamatu—Bantu badi balumbuluishibua bilondeshila meji, bidibu bitabuja, ne bienzedi biabu—Bantu babi nebakenga lufu lua nyuma—Moyo wa tshifuaka ewu udi tshikondu tshia kutêtshibua—Bulongolodi bua disungila budi butuala Dibîka ne, kupitshila ku ditabuja, dilekedibua dia mibi—Badi bakudimuna mutshima badi ne bunema pa lusa, kupitshila ku Muana Umuepela Mulela. Pabuipi ne 82 k.d.K.
Shapita 13
Bantu baluma badi babikidibua bua kuikalabu bakuidi banena bua ditabuja diabu ditamba bunena ne bienzedi biabu bimpa—Badi ne tshia kulongesha mikenji—Ku buakana badi bajididibua ne badi babuela mu dikisha dienda—Melekisedeke uvua umua wabu—Banjelu badi bamanyisha mukenji mulenga mu bulaba bonsu—Nebamanyisha dilua dilelela dia Kilisto. Pabuipi ne 82 k.d.K.
Shapita 14
Alama ne Amuleke badi bedibua mu buloko ne batûtshibua—Bena ditabuja ne mifundu yabu ya tshijila badi bôshibua mu kapia—Bashipibua bua ditaba badi bakididibua kudi Mukalenga ne butumbi—Bimanu bia buloko bidi bipandika ne bidi bikuluka—Alama ne Amuleke badi bapatuishibua, ne babakengeshi badi bashipibua. Pabuipi ne 82–81 k.d.K.
Shapita 15
Alama ne Amuleke badi baya ku Sidoma ne badi bashikika ekelezia—Alama udi ôndopa Zêzeloma, udi ubuela mu ekelezia—Bantu ba bungi badi batambuishibua ne ekelezia udi ulubuluka—Alama ne Amuleke badi baya ku Zalahemela. Pabuipi ne 81 k.d.K.
Shapita 16
Bena Lamana badi babutula bantu ba Amoniha—Zolama udi ulombola Bena Nefi ku ditshimuna dia Bena Lamana—Alama ne Amuleke ne bakuabu ba bungi badi bayisha dîyi—Badi balongesha ne kunyima kua dibîka dienda Kilisto neamuenekela Bena Nefi. Pabuipi ne 81–77 k.d.K.
Shapita 17
Bana ba baluma ba Mosiya badi ne nyuma wa buprofete ne wa dibuluila—Badi baya njila mishilangana bua kumanyisha dîyi kudi Bena Lamana—Amona udi uya ku bulaba bua Yishemaela ne udi ulua musadidi wa mfumu Lamoni—Amona udi upandisha bisumbu bia bimuna bia mfumu ne udi ushipa bena lukuna benda ku mâyi a Sebuse. Tunungu 1–3, pabuipi ne 77 k.d.K.; kanungu 4, pabuipi ne 91–77 k.d.K.; ne tunungu 5–39, pabuipi ne 91 k.d.K.
Shapita 18
Mfumu Lamoni udi utshinka ne Amona udi Nyuma Munena—Amona udi ulongesha mfumu bitangila Bufuki, bitangila ngenzelu ya Nzambi ne bantu, ne bitangila disungila didi diluila kupitshila ku Kilisto—Lamoni udi witabuja ne upona panshi bu udi mufua. Pabuipi ne 90 k.d.K.
Shapita 19
Lamoni udi upeta bukenka bua moyo wa kashidi ne udi umona Musungidi—Bantu ba mu nzubu muenda badi batuka mikendi, ne ba bungi badi bamona banjelu—Mukalenga udi ukuba Amona ku tshishima—Udi utambuisha ba bungi ne udi ushikika ekelezia munkatshi muabu. Pabuipi ne 90 k.d.K.
Shapita 20
Mukalenga udi utuma Amona ku Midoni bua kupatuisha bana babu bavuabu bela mu buloko—Amona ne Lamoni badi basambakena ne tatuenda wa Lamoni udi muikala mfumu ku mutu kua bulaba bonsu—Amona udi wenzeja mfumu mununu ku bukola bua kuitaba dilekedibua dia bana babu. Pabuipi ne 90 k.d.K.
Shapita 21
Alona udi ulongesha Bena Amaleki bitangila Kilisto ne Bupikudi buenda—Badi bela Alona ne bana babu mu buloko ku Midoni—Kunyima kua dipatuishibua diabu, badi balongesha mu nsunagoga yabu ne badi bakudimuisha ba bungi moyo—Lamoni udi upesha bantu ba mu bulaba bua Yishemaela budisuila bua ntendelelu. Pabuipi ne 90–77 k.d.K.
Shapita 22
Alona udi ulongesha tatuenda wa Lamoni bitangila bufuki, dipona dia Adama, ne bulongolodi bua disungila kupitshila ku Kilisto—Mfumu ne nzubu wenda yonsu badi bakudimunyi moyo—Ditapulula dia bulaba munkatshi mua Bena Nefi ne Bena Lamana didi diumvuijibua. Pabuipi ne 90–77 k.d.K.
Shapita 23
Badi bamanyisha budisuila bua ntendelelu—Bena Lamana ba ku malaba ne bimenga muanda muteketa bakudimunyi moyo—Badi badinyika ne Bena Anti-Nefi-Lehi ne Nzambi udi ubumbushila mulawu—Bena Amaleki ne Bena Amulona badi babenga bulelela. Pabuipi ne 90–77 k.d.K.
Shapita 24
Bena Lamana badi babunda bantu ba Nzambi—Bena Anti-Nefi-Lehi badi basankila mu Kilisto ne banjelu badi babakumbula—Badi basungula bua kukenga lufu pa mutu pa kudisungila—Bena Lamana bapitatshila badi bakudimuna moyo. Pabuipi ne 90–77 k.d.K.
Shapita 25
Dibundangana dia mvita dia Bena Lamana didi ditangalaka—Ndelanganyi ya bakuidi ba Noa idi ifua bu muakamba Abinadi mêyi a buprofete—Bena Lamana ba bungi badi bakudimuna moyo ne badi badisangisha kudi bantu ba Anti-Nefi-Lehi—Badi bitabuja mu Kilisto ne badi balama mikenji ya Mose. Pabuipi ne 90–77 k.d.K.
Shapita 26
Amona udi usankila mu Mukalenga—Badi ne lulamatu badi bakoleshibua ne bapeshibua dimanya kudi Mukalenga—Ku ditabuja, bantu badi mua kutuala binunu bia bantu ku dikudimuna dia mutshima—Nzambi udi ne bukola bonsu ne udi umvua bintu bionsu. Pabuipi ne 90–77 k.d.K.
Shapita 27
Mukalenga udi upesha Amona mukenji bua kulombola bantu ba Anti-Nefi-Lehi bua kubumbusha ku njiwu—Disanka dia Amona didi dijikija bukola buenda pakasambakenaye ne Alama—Bena Nefi badi bapesha Bena Anti-Nefi-Lehi bulaba bua Yeleshona—Badi babinyika ne bantu ba Amona. Pabuipi ne 77 k.d.K.
Shapita 28
Bena Nefi badi batshimuna Bena Lamana mu mvita mikola—Makumi a binunu adi ashipibua—Bantu babi badi bapîshibua ku ngikadilu wa diakabi kadiyi ndekelu; bantu bakana badi diakalengela didi kadiyi ne ndekelu to. Pabuipi ne 77–76 k.d.K.
Shapita 29
Alama udi ujinga bua kubila kudi bantu ne lukunukunu lua muanjelu bua bakudimuna mutshima—Mukalenga udi upesha bisamba bionsu balongeshi—Alama udi usankila mu mudimu wa Mukalenga ne mu tshipeta tshimpa tshia Amona ne bana babu. Pabuipi ne 76 k.d.K.
Shapita 30
Koliholo, mubengi wa Kilisto, udi utshimbakaja Kilisto, Bupikudi buenda, ne nyuma wa buprofete—Udi ulongesha ne kakuena Nzambi to, kakuena dipona dia muntu to, kakuena dinyoka bua mibi to, ne kakuena Kilisto to—Alama udi ujadika ne Kilisto nealua ne bintu bionsu bidi bileja ne kudi Nzambi—Koliholo udi ulomba tshimanyinu ne udi uvuijibua kamama—Diabulu uvua mumuenekela Koliholo bu muanjelu ne wakamulongesha tshiakuambaye—Badi badiata Koliholo ne udi ufua. Pabuipi ne 76–74 k.d.K.
Shapita 31
Alama udi ulombola bukenji bua kupingaja Bena Zolama bantomboji—Bena Zolama badi bavila Kilisto, bitabuja meji a mafi a disungulangana, ne kutendelela ne masambila malongolola—Bena bukenji badi buwujibua ne Nyuma wa Tshijila—Ntatu yabu idi midînyibua mu disanka diabu dia Kilisto. Pabuipi ne 74 k.d.K.
Shapita 32
Alama udi ulongesha bapela bena ntatu yakabapuekesha—Ditabuja didi ditekemena ku tshidi katshiyi tshimueneka to kadi tshidi tshilelela—Alama udi ujadika ne banjelu badi balongesha bantu baluma, bakaji, ne bana—Alama udi ufuanyikija dîyi ne dimînu dia mutshi—Didi ne bua kukunyibua ne kudîshibua—Pashisha didi dikola dilua mutshi udi tshimuma tshia moyo wa tshiendelela tshipôdibua. Pabuipi ne 74 k.d.K.
Shapita 33
Zenose uvua mulongesha ne bantu badi ne bua kusambila ne kutendelela mu miaba yonsu ne bitungu bidi biumbushibua bua bualu bua Muana—Zenoke uvua mulongesha ne lusa ludi lupeshibua bua bualu bua Muana—Mose wakabandisha mu tshipela tshifuanyikiji tshia Muana wa Nzambi. Pabuipi ne 74 k.d.K.
Shapita 34
Amuleke udi ujadika ne dîyi didi munda mua Kilisto bua lupandu—Amu kuikala bupikudi, bukua bantu bonsu budi ne tshia kufua—Mikenji yonsu ya Mose idi ileja ku mulambu wa Muana wa Nzambi—Bulongolodi bua disungila bua tshiendelela budi bueyemena ku ditabuja ne dikudimuna mutshima—Sambilayi bua mabenesha a mubidi ne a nyuma—Matuku a moyo â adi diba tshikondu tshia bantu kudilongolola bua kusambakena ne Nzambi—Dienzejayi bua kukumbajija lupandu luenu ne ditshina kumpala kua Nzambi. Pabuipi ne 74 k.d.K.
Shapita 35
Diyisha dia dîyi didi dinyangakaja didinga dia Bena Zolama—Badi bipata bavua bakudimuna moyo, badi pashisha babuela kudi Bena Amona mu Yeleshona—Alama udi unyingalala bua bubi bua bantu. Pabuipi ne 74 k.d.K.
Shapita 36
Alama udi ujadikila Helamana bua dikudimuna moyo dienda kunyima kua kumona muanjelu—Wakakenga makenga a anyima mupîshibua; wakabikila dîna dia Yezu, ne wakaledibua pashisha kudi Nzambi—Disanka dimpa diakuwuja anyima wenda—Wakamona bisumbu bia banjelu basamuna Nzambi—Ba bungi bavua bakudimuna moyo bakalabula ne kudimuena bu muvuaye mulabula ne mudimuena. Pabuipi ne 74 k.d.K.
Shapita 37
Bitata bia tshiamua tshia kalabi ne mifundu ya Nzambi mikuabu bidi bikubidibua bua kutuala anyima ya bantu ku lupandu—Bena Yalede bavua babutuka bua bubi buabu—Mitshipu ne bipungidi biabu bia mu musokoku bidi ne tshia kuikala bisokoka kudi bantu—Ebejayi Mukalenga bitangila malu onsu anudi nuenza—Dîyi dia Kilisto didi dilombola bantu ku moyo wa tshiendelela mena bu muakalombola Liahona Bena Nefi. Pabuipi ne 74 k.d.K.
Shapita 38
Shibulona uvua mukengeshibua bua bualu bua buakana—Lupandu ludi mu Kilisto, udi muikala moyo ne bukenka bua ba pa buloba—Kandiyi majinga enu onsu. Pabuipi ne 74 k.d.K.
Shapita 39
Mibi ya masandi idi bualu bubi bupita—Mibi ya Koliantona yakakandika Bena Zolama bua kuitaba dîyi—Disungila dia Kilisto didi ne bukola mu dipandisha badi ne lulamatu bakafua kumpala kuadi. Pabuipi ne 74 k.d.K.
Shapita 40
Kilisto udi utuala dibîka dia ku lufu dia bantu bonsu—Bafua bakana badi baya mu mpaladiso ne bafua babi mu mîdima ya pambelu bua kuindila dituku dia dibîka dia ku lufu—Bintu bionsu nebipingajibua mu mushindu wabi muakana ne mujima ku dibîka dia ku lufu. Pabuipi ne 74 k.d.K.
Shapita 41
Mu Dibîka dia ku lufu bantu badi bajuka mu buikadi bua disanka didi kadiyi ndekelu anyi dikenga didi kadiyi ndekelu to—Bubi kabutu disanka to—Bantu ba mu mubidi kabena ne Nzambi pa buloba to—Mu Dipingaja, muntu yonsu udi upeta kabidi ngikadilu mipeta ne bikadilu bipeta mu moyo wa tshifuaka. Pabuipi ne 74 k.d.K.
Shapita 42
Moyo wa tshifuaka udi tshikondu tshia kutêtshibua bua kupesha muntu mushindu wa kukudimuna mutshima ne kusadila Nzambi—Dipona dia Adama diakatuala lufu lua mubidi ne lua nyuma kudi bukua bantu bonsu—Disungila didi dilua kupitshila ku dikudimuna dia mutshima—Nzambi nkayenda udi upikula bua mibi ya ba pa buloba—Lusa ludi bua badi bakudimuna mutshima—Bonsu bakuabu badi babatshikibua bua bululama bua Nzambi—Lusa ludi lulua bua bualu bua Bupikudi—Amu bakudimunyi mutshima balelela badi bapandishibua. Pabuipi ne 74 k.d.K.
Shapita 43
Alama ne bana benda ba baluma badi bayisha dîyi—Bena Zolama ne batapuluki ba Bena Nefi bakuabu badi balua Bena Lamana—Bena Lamana badi balua kuluisha Bena Nefi mvita—Moloni udi upaya Bena Nefi ne bibuikilu bua kudisungidila nabi—Mukalenga udi ubuluila Alama bulongolodi bua Bena Lamana—Bena Nefi badi basungidila nzubu yabu, budikadidi buabu, mêku abu, ne ntendelelu wabu—Misumba ya basalayi ya Moloni ne ya Lehi idi inyungulula Bena Lamana. Pabuipi ne 74 k.d.K.
Shapita 44
Moloni udi upesha Bena Lamana mukenji bua kuenza tshipungidi tshia ditalala anyi badi babutuka—Zelahemena udi ubenga dilomba edi, ne mvita idi ituadijilula—Misumba ya basalayi ya Moloni idi itshimuna Bena Lamana. Pabuipi ne 74–73 k.d.K.
Shapita 45
Helamana udi witabuja mêyi a Alama—Alama udi wamba mêyi a buprofete pa dibutuka dia Bena Nefi—Udi ubenesha ne utshipa bulaba—Nyuma uvua mua kuikala muangata Alama, mena bu muakangataye Mose—Ditapuluka didi divulangana mu Ekelezia. Pabuipi ne 73 k.d.K.
Shapita 46
Amalikia udi wenza tshipangu bua kuikala mfumu—Moloni udi ubandisha mukanda wa budishikaminyi—Udi usangisha bantu bua basungidila ntendelelu wabu—Bitabuiji balelela badi babikibua ne Bena Kilisto—Bantu ba Yosefe bashala nebakubibua—Amalikia ne batapuluki badi banyemena ku bulaba bua Nefi—Badi bashipa aba badi babenga kutua mpanda ku bualu bua budishikaminyi to. Pabuipi ne 73–72 k.d.K.
Shapita 47
Amalikia udi wangata dipangila, dishibeya dia bantu ne dilongolola disokoka bua kuluaye mfumu wa Bena Lamana—Batapuluki ba Bena Nefi badi bapita Bena Lamana ku bubi ne ku tshikisu. Pabuipi ne 72 k.d.K.
Shapita 48
Amalikia udi usaka Bena Lamana bua kuluisha Bena Nefi—Moloni udi ulongolola bantu benda bua kusungidila tshiena bualu tshia Bena Kilisto—Udi usanka bua budishikaminyi ne budikadidi ne udi muikala muntu wa bukola wa Nzambi. Pabuipi ne 72 k.d.K.
Shapita 49
Bena Lamana badi balua kubuelelangana kabena bakumbana bua kuangata bimenga bikolesha bia Amoniha ne Noa to—Amalikia udi utshipa Nzambi ne udi uditshipa bua kunua mashi a Moloni—Helamana ne bana babu badi batungunuka ne kukolesha kua Ekelezia. Pabuipi ne 72 k.d.K.
Shapita 50
Moloni udi ukolesha malaba a Bena Nefi—Badi bibaka bimenga bipia-bipia bia bungi—Mvita ne dinyanguka biakafikila Bena Nefi mu matuku a bubi buabu ne malu abu a bubi bupita—Teyankuma udi utshimuna Moliantona ne batapuluki benda—Nefiha udi ufua, ne muanenda wa baluma Paholana udi wangata nkuasa wa tshilumbuluilu. Pabuipi ne 72–67 k.d.K.
Shapita 51
Bantu-ba-mfumu badi bakeba bua kushintulula mikenji ne kuteka mfumu—Dîyi dia bantu didi dikuatshisha Paholana ne bantu-badishikaminyi—Moloni udi wenzeja bantu-ba-mfumu ku bukola bua kusungidila ditunga diabu anyi babashipa—Amalikia ne Bena Lamana badi banyenga bimenga bikolesha bia bungi—Teyankuma udi upingaja dibabuelela dia Bena Lamana panyima ne udi ushipa Amalikia mu ntenta wenda. Pabuipi ne 67–66 k.d.K.
Shapita 52
Amolona udi ulua mfumu wa Bena Lamana pa muaba wa Amalikia—Moloni, Teyankuma ne Lehi badi balombola Bena Nefi mu mvita idibu batshimuna Bena Lamana—Badi bangatulula tshimenga tshia Muleke, ne badi bashipa Yakoba muena Zolama. Pabuipi ne 66–64 k.d.K.
Shapita 53
Bena Nefi badi benzela bena lukanu ba ku Bena Lamana badi bua kukolesha tshimenga tshia Buvula—Matapuluka a munkatshi mua Bena Nefi adi alela butshimunyi bua Bena Lamana—Helamana udi wangata bulombodi bua bitenda bia bantu ba Amona binunu bibidi. Pabuipi ne 64–63 k.d.K.
Shapita 54
Amolona ne Moloni badi bumvuangana bua dishintulula dia bena lukanu—Moloni udi ulomba ne Bena Lamana bumbuka ne balekela dibabunda diabu dia dishibeya—Amolona udi ulomba ne Bena Nefi bateka biluilu biabu ne badibatshika kudi Bena Lamana. Pabuipi ne 63 k.d.K.
Shapita 55
Moloni udi ubenga bua kushintulula bena lukanu—Bena Nefi badi balobesha balami ba Bena Lamana bua kuluabu bakuatshiki ba maluvu, ne bena lukanu ba ku Bena Nefi badi balekeshibua—Tshimenga tshia Gidi tshidi tshinyengibua kakuyi dimatshisha dia mashi to. Pabuipi ne 63–62 k.d.K.
Shapita 56
Helamana udi utumina Moloni mukanda, umubadila ngikadilu wa mvita yabu ne Bena Lamana mikala—Antipu ne Helamana badi batshimuna Bena Lamana bikola—Binunu bibidi bia bana ba baluma ba bitenda ba Helamana badi baluangana ne bukola bua tshishima, ne kabena bashipa nansha umua wabu to. Kanungu ka kumpala, pabuipi ne 62 k.d.K.; ne tunungu 2–19, pabuipi ne 66 k.d.K.; ne tunungu 20–57, pabuipi ne 65–64 k.d.K.
Shapita 57
Helamana udi ulonda diangata dia Antipala ne dilekela ne kunyima diluangena dia Kumeni—Bitenda bienda bia Bena Amona bidi biluangana ne bikola; bonsu badi batapika, kadi nansha umua kena mushibeyibua to—Gidi udi ufila lumu lua dishibeyangana ne dinyema dia bena lukanu ba Bena Lamana. Pabuipi ne 63 k.d.K.
Shapita 58
Helamana, Gidi ne Teomenele badi banyenga tshimenga tshia Manti ku budimu—Bena Lamana badi bumbuka—Nzambi udi ukuba bana ba baluma ba bantu ba Amona padibu bakankamana bua kusungidila budishikaminyi buabu ne ditabuja diabu. Pabuipi ne 63–62 k.d.K.
Shapita 59
Moloni udi ulomba kudi Paholana bua kukolesha bisumbu bia basalayi bia Helamana—Bena Lamana badi banyenga tshimenga tshia Nefiha—Moloni udi ufîkila bantu badi mu bukalenga tshiji. Pabuipi ne 62 k.d.K.
Shapita 60
Moloni udi udilakangana kudi Paholana bua dilengulula dia bantu badi mu bukalenga dia misumba ya basalayi—Mukalenga udi ulekela ne bantu bakana bashipibua—Bena Nefi badi ne tshia kuenzela bukola buabu bonsu ne biabu bionsu bua kudipatuisha kudi bena lukuna babu—Moloni udi ukana bua kuluangana ne bantu badi mu bukalenga pa kumbusha diambuluisha diodi difikila misumba yenda ya basalayi. Pabuipi ne 62 k.d.K.
Shapita 61
Paholana udi umanyisha Moloni bua tshimvundu ne buntomboji bua kuluisha badi mu bukalenga—Bantu-ba-mfumu badi Zalahemela ne badi badienza tshisumbu tshimua ne Bena Lamana—Paholana udi ulomba diambuluisha dia basalayi bua kuluisha bantomboji. Pabuipi ne 62 k.d.K.
Shapita 62
Moloni udi uya kuambuluisha Paholana mu bulaba bua Gideona—Bantu-ba-mfumu badi babenga kusungidila ditunga diabu badi babashipa—Paholana ne Moloni badi bangatulula Nefiha—Bena Lamana ba bungi badi badisangisha kudi bantu ba Amona—Teyankuma udi ushibeya Amolona ne udi penda ushibeyibua—Badi bipata Bena Lamana mu buloba, ne ditalala didi dishikikibua—Helamana udi upinganyina disadila ne udi ukolesha Ekelezia. Pabuipi ne 62–57 k.d.K.
Shapita 63
Shibulona ne kunyima Helamana badi bangata miandiku ya tshijila—Bena Nefi ba bungi badi benza luendu ku bulaba bua ku node—Hagota udi wenza mâtu, adi enda pa mbuwa wa ku wesete—Moloniha udi utshimuna Bena Lamana ku mvita. Pabuipi ne 56–52 k.d.K.