1 Nefi

Mukanda wa Molomo

Contents
Tshibangilu ne Bajadiki
1 Nefi
2 Nefi
Yakoba
Enosha
Yaloma
Omoni
Miaku ya Molomo
Mosiya
Alama
Helamana
3 Nefi
4 Nefi
Molomo
Etele
Moloni
Bulondi bua Bifundilu bia Mukanda wa Molomo

1 Nefi

Shapita 1
Nefi udi ubanga miandiku ya bantu benda—Lehi udi umona mu tshimônyi dikunji dia kapia ne ubala mu mukanda wa mêyi a buprofete—Udi usamuna Nzambi, udianjila kuamba dilua dia Mashiya, ne wamba mêyi a buprofete pa dibutuka dia Yelushalema—Udi ukengeshibua kudi bena Yuda. Pabuipi ne 600 k.d.K.
Shapita 2
Lehi udi uya ne dîku dienda mu tshipela ku Mbuwa Mukunza—Badi bashiya bintu biabu—Lehi udi ufila mulambu kudi Mukalenga ne ulongesha bana benda ba baluma bua kulama mikenji—Lamana ne Lemuele badi banungena tatuabu—Nefi udi utumikila ne usambila ne ditabuja; Mukalenga udi wakula kudiye, ne udi usungudibua bua kukôkesha bana babu ba baluma. Pabuipi ne 600 k.d.K.
Shapita 3
Bana ba Lehi ba baluma badi bapingana ku Yelushalema bua kupeta bitata bia tshiamua tshia kalabi—Labana udi ubenga kufila bitata—Nefi udi ukankamija ne ukimija bana babu ba baluma—Labana udi wiba bintu biabu ne widikija kubashipa—Lamana ne Lemuele badi batûta Nefi ne Sama ne muanjelu udi ubadiwula. Pabuipi ne 600–592 k.d.K.
Shapita 4
Nefi udi ushipa Labana ku mukenji wa Mukalenga ne pashisha wangata bitata bia tshiamua tshia kalabi ku budimu—Zolama udi usungula bua kudisanga ku dîku dia Lehi mu tshipela. Pabuipi ne 600–592 k.d.K.
Shapita 5
Saliya udi udiwula Lehi—Bubidi buabu badi basanka bua dipingana dia bana babu ba baluma—Badi bafila milambu—Bitata bia tshiamua tshia kalabi bidi ne mifundu ya Mose ne ya baprofete—Bitata bidi bileja ne Lehi udi kankanunuina ka Yosefe—Lehi udi wamba mêyi a buprofete bitangila ndelanganyi yenda ne dikuba dia bitata. Pabuipi ne 600–592 k.d.K.
Shapita 6
Nefi udi ufunda malu a Nzambi—Kipatshila ka Nefi kadi ka kuitabujija bantu bua kulua kudi Nzambi wa Abalahama ne kupandishibua. Pabuipi ne 600–592 k.d.K.
Shapita 7
Bana ba Lehi ba baluma badi bapingana ku Yelushalema ne babikila Yishemaela ne ba mu nzubu muenda bua badisanga kudibu mu luendu luabu—Lamana ne bakuabu badi batomboka—Nefi udi ukankamija bana babu ba baluma bua kuikala ne ditabuja kudi Mukalenga—Badi bamusuika ne mionji ne bapangila lufu luenda—Udi ulekeshibua ku bukola bua ditabuja—Bana babu ba baluma badi balomba dibuikidila—Lehi ne bena dienda badi bafila mulambu ne milambu miôsha. Pabuipi ne 600–592 k.d.K.
Shapita 8
Lehi udi umona tshimônyi tshia mutshi wa moyo—Udi udia tshimuma tshiawu ne ujinga ne dîku dienda dienza momumua—Udi umona mulonda wa tshiamua, njila mufinakana ne mubumbakana, ne mabungi a mîdima adi abuikidija bantu—Saliya, Nefi ne Sama badi badia tshimuma, kadi Lamana ne Lemuele badi babenga. Pabuipi ne 600–592 k.d.K.
Shapita 9
Nefi udi wenza mishiki ibidi ya miandiku—Yonsu idi ibikidibua ne bitata bia Nefi—Bitata binena bidi ne malu a kala a panu; bia bikesa bidi bilonda nangananga malu a tshijila. Pabuipi ne 600–592 k.d.K.
Shapita 10
Lehi udi udianjila kuamba ne Bena Yuda nebangatshibua bakuatshibu kudi Bena Babulona—Udi ulonda bua dilua munkatshi mua Bena Yuda dia Mashiya, Mupandishi, Musungidi—Lehi udi ulonda kabidi bua dilua dia umua watambuisha Muana wa Mukoku wa Nzambi—Lehi udi ulonda bua lufu ne dibîka dia ku lufu dia Mashiya—Udi ufuanyikija ditangalaka ne disangisha dia Isalele ne mutshi wa olive—Nefi udi wakula bua Muana wa Nzambi, bua dipa dia Nyuma wa Tshijila, ne bua dijinga dia buakana. Pabuipi ne 600–592 k.d.K.
Shapita 11
Nefi udi umona Nyuma wa Mukalenga ne udi ulejibua mutshi wa moyo mu tshimônyi—Udi umona mamuenda wa Muana wa Nzambi ne umanya bupuekela bua Nzambi—Udi umona ditambula, disadila, ne ditshiamakajibua dia Muana wa Mukoku wa Nzambi—Udi umona kabidi dibikidibua ne disadila dia bapostolo dikumi ne badidi ba Muana wa Mukoku. Pabuipi ne 600–592 k.d.K.
Shapita 12
Nefi udi umona mu tshimônyi bulaba bua mulayi; buakana, malu mabi, ne dikuluka dia benamu; dilua dia Muana wa Mukoku munkatshi muabu; munyi mualumbuluisha Bayidi dikumi ne babidi ne Bapostolo dikumi ne babidi Isalele; ne ngikadilu wendesha ku moyo ne wa bukoya wa badi bashinguluka mu dipanga dia ditabuja. Pabuipi ne 600–592 k.d.K.
Shapita 13
Nefi udi umona mu tshimônyi ekelezia wa diabulu muashibua munkatshi mua Bena Bisamba bia Benda, dijandula ne diangata diabu dia Amelika, dijimija dia bitupa bia bungi bia patoka ne bia mushinga bia Bibiliya, ngikadilu wa ku tshipeta tshia dipambuka dia bisamba bia benda, dipingaja dia lumu luimpa, dilopoka dia mifundu ya matuku a ndekelu, ne dîbaka dia Siyona. Pabuipi ne 600–592 k.d.K.
Shapita 14
Muanjelu udi wambila Nefi bua mabenesha ne milawu biatuluka pa mutu pa Bantu ba Bisamba bia Benda—Kudi kuikala amu ma’ekelezia abidi: Ekelezia wa Muana wa Mukoku wa Nzambi ne ekelezia wa diabulu—Bansantu ba Nzambi mu bisamba bionsu badi bakengeshibua kudi ekelezia munena ne wa malu mapita bubi—Mupostolo Yone neafunda bitangila ndekelu wa buloba. Pabuipi ne 600–592 k.d.K.
Shapita 15
Ndelanganyi ya Lehi idi ne bua kupeta lumu luimpa kumbukila kudi Bena Bisamba bia Benda mu matuku a ndekelu—Disangisha dia Isalele didi difuanyikijibua ku mutshi wa olive wa matamba a ntuadijilu alamatshishibuaku kabidi—Nefi udi ujingulula tshimônyi tshia mutshi wa moyo ne udi wakula bua bululama bua Nzambi mu diabulula bena bena bubi ku bakana. Pabuipi ne 600–592 k.d.K.
Shapita 16
Bena bubi badi bamona bulelela ne budi lutatu—Bana ba baluma ba Lehi badi basela bana ba bakaji ba Yishemaela—Liahona ludi luludika njila wabu mu tshipela—Mêyi a kudi Mukalenga adi afundibua ba Liahona ku musangu ne ku musangu—Yishemaela udi ufua; dîku dienda didi dinungana bua bualu bua ntatu. Pabuipi ne 600–592 k.d.K.
Shapita 17
Nefi udi upeshibua mukenji bua kuenza buatu—Bana babu ba baluma badi bamuimanyina—Udi ubakankamija ku dibabadila malu a kala a malanda a Nzambi ne Isalele—Nefi udi muwujibua ne bukola bua Nzambi—Bana babu ba baluma badi bakandikibua bua kumulenga, bua kabafubididi bu disela diûma. Pabuipi ne 592–591 k.d.K.
Shapita 18
Buatu buajiki—Ndedibua ya Yakoba ne Yosefe idi itêdibua—Bantu badi babuelamu bua kuya ku bulaba bulaya—Bana ba baluma ba Yishemaela ne bakaji babu badi badisangisha mu ntshionkomoku mukola ne buntomboji—Nefi udi usuikibua, ne buatu budi busakibua tshia nyima kudi tshipepela tshitshinyisha—Nefi udi ulekeshibua, ne ku disambila dienda mvula wa tshipepela udi ulekela—Badi bafika mu bulaba bulaya. Pabuipi ne 591–589 k.d.K.
Shapita 19
Nefi udi wenza bitata bia tshiamua ne miandiku ya malu a kala a bantu benda—Nzambi wa Isalele nealua bidimu nkama isambombo katshia ku tshikondu tshivua Lehi mumbuka ku Yelushalema—Nefi udi ulonda makenga enda ne ditshiamakajibua dienda—Bena Yuda nebapetudibua ne batangalajibua tô ne ku matuku a ku ndekelu, papinganabu kudi Mukalenga. Pabuipi ne 588–570 k.d.K.
Shapita 20
Mukalenga udi ubuluila Isalele tuipatshila tuenda—Isalele udi muikala musungudibua mu tshikutu tshia lutatu ne udi ne tshia kumbuka mu Babulona—Fuanyikija ne Yeshaya 48. Pabuipi ne 588–570 k.d.K.
Shapita 21
Mashiya neikala bukenka kudi Bena Bisamba bia Benda ne nealekesha bena lukanu—Isalele neasangishibua ne bukola mu matuku a ndekelu—Bamfumu nebikala batatuabu balami—Fuanyikijayi ne Yeshaya 49. Pabuipi ne 588–570 k.d.K.
Shapita 22
Isalele neatangalajibua pa mpala yonsu wa buloba—Bena Bisamba bia Benda nebalama ne badîsha Isalele ne lumu luimpa mu matuku a ndekelu—Isalele neasangishibua ne apandishibua, ne bena bubi nebôshika bu nsona—Bukalenga bua diabulu nebubutuka, ne Satana neasuikibua. Pabuipi ne 588–570 k.d.K.