29 Bliongel
A chomerolel a Book er a Mormon el mei olangch el kmo Rubak a mla chomuchel mo mengudel er a Israel e mo urrengelii a telbilel – Tirkei el mo choltngakl er a uriul klebesei locholt me a sengk a mo medebeakl.
1 Me chelechang e kulekoi er kemiu el kmo, sel bo lesa el ungil er a Rubak er a klemedengei er Ngii el kmo aikael tekoi a merekung er a reIsentael loltirakl a tikingel, e sola ekemiu a mo medengei el kmo a telbiil el Edam a kiltmeklii lobenterir a rengalk er a Israel, kirel olutel a beluu el blingelir, a omchelang el mo mecherrungel.
2 Me komo medengei el kmo a tikingel a Rubak el meldung er a rechedaol profet, a rokui el dimo mecherrungel; meng diak le kirem el melekoi el kmo, a Rubak omekieud er a lemei er ngii el mo er a rengalk er a Israel.
3 Me kele momdasu er a rengum el kmo a tekoi el meldung a diak a belkul, le kamosang, a Rubak a mo lmatk a telbilel le kildmokl el mo er a rechedal er a blai er a Israel.
4 Me se el bomues aikang el tekoi el mei er a dlongeliu, eng dikea belkul molechibmedemiu er a loruul a Rubak, le saider er a llemalt er Ngii a nga er a kadekmel a chimal; me kamosang, sei el sils alsekum komo cholechibmedemiu er a loruul eng mouchul eng mo moiit er kemiu.
5 Alii er ngikei el mo chochebir a medal er a loruul a Rubak; oi, alii er ngikei el mo otdngeklii a Kristo me a urerel.
6 Oi, alii er ngikei el mo oltngakl ocholt er a Rubak, e mo melekoi el kmo a Rubak a dikea loureor lousbech ocholt, me a ulaoch, me a lechub eng sengk, me a lechub eng tekoi, me a lechub elome kungil, me a lechub el klisiichel Edaol Reng!
7 Oi, alii er ngikei el mo melekoi rise el sils, losiik a klisiich, meng kmo, ngdiak el sebechel moerngii a tekoi el chelid el uaia lurruul a Jesus Kristo; le ngikei el mousbech el uaisei a mouaia ngalk er a diak a ulebengelel dellebeakl, el kirir eng dikea chubechub loltirakl a tekingel a Kristo!
8 Oi, meng dikea belkul e molechib me a lechub emoutnged, me a lechubmoucharm er a re chiJews, me a lechub e ngii dil lulechell er a blai er a Israel; le kamosang, a Rubak, a lotkii a telbilel moer tir, meng mo meruul el moer tir loltirakl aike el bla lekengei.
9 Miseie kele bomousbech el kmo, ngsebechem el meltii a kadekmel a Rubak el mo er a katrul, me bolak el lemolem a tikingel el mo otirakl a tebiil el Ngii a dilung el mo er a blai er a Israel.