1 Kunantaq qankunata niykichis, kay imaymanakunata mashkanaykichispaq. Ari, huk kamachiytan qankunaman qoykichis, kay imaymanakunata k’uchiy-k’uchi mashkanaykichispaq; ancha hatunpunin Isaiaspa rimayninkuna.

2 Cheqaqtapunin pay rimarqan Israelpa wasinmanta kaq llaqtaypa llapan imaymanankunamanta; chhaynaqa hawarunakunamanpas nesitakunmi rimanan.

3 Llapan rimasqan simikunataq karqan, kanqataq, rimasqan simikunaman hinapuni.

4 Chhaynaqa, uyariychis rimayniykunata; qelqaychis qankunaman nisqay imaymanakunata; Taytaq pachanman munayninmanwan hinataq hawarunakunaman rinqa.

5 Pipas rimayniykunata uyarispa yuyayninman kutirinqa unuchakunqataq chayqa, qespichisqan kanqa. Unanchaqkunata mashkaychis, askhan kan kay imaymanakunamanta sut’inchaqkuna, nispa.

6 Hinataq, kay rimaykunata Jesus niqtin yapamanta paykunata nirqan, paykunaq chaskisqanku llapan qelqakunata paykunaman hamut’achisqan pataman paykunata nirqan: Mana kapusqasuykichis huk qelqakunata qelqanaykichistan munani, nispa.

7 Hinataq, Nephita nirqan: Apamuy waqaychasqayki qelqakunata, nispa.

8 Qelqakunata Nephi apamuspa ñawpaqenpi churaqtintaq chaykunata qhawarispa nirqan:

9 Cheqaqtapunin niykichis—kamachirqanin warmay Lamanita Samuelman, kay runakunaman sut’inchananpaq, noqapi sutinta Tayta kusiqellpuchisqan p’unchawpi, askha qollanan runakuna wañusqakunamanta hatarispa, askha runakunaman rikhurimunankumanta, paykunata yachachinankumantawan. Paykunatataq nirqan: Manachu chay hina karqan, nispa.

10 Yachachisqankunataq payta kutichirqanku: Ari, Wiraqocha, rimasqaykiman hinan Samuel unancharqan, llapantaq hunt’akurqan, nispa.

11 Jesustaq paykunata nirqan: Imaynataq kayta mana qelqarqankichischu—askha qollanan runakunan hatarimuspanku, askha runakunaman rikhurimurqanku, paykunatataq servirqanku, nispari?

12 Hinataq, Nephiqa yuyarirqan kay mana qelqasqa kasqanta.

13 Jesustaq kamachirqan qelqasqa chay kananpaq; chhaynaqa, qelqasqan karqan kamachisqanman hina.

14 Hinataq, hukllapi llapan qelqasqa qelqakunata Jesus hamut’achispan paykunata kamachirqan, paykunaman hamut’achisqan imaymanakunata yachachinankupaq.