1 Kamatuoran, ngan ine nahitabo nga ako, hi Nephi, in duro an pakimaluoy ha Ginoo nga akon Diyos, tungod han kasina han akon kabugtoan nga mga lalaki.

2 Kundi pamati, an ira kasina in nadugangan kontra ha akon, tubtub nga naghihingyap hira nga ako in patayon.

3 Oo, ngan hira in nagnginorotob kontra ha akon, nga nagsisiring: An aton manghud nga bugto in naghuhuna-huna hin magmangulo ha aton; ngan hi kita in nagkaada hin duro an pagsulay tungod ha iya; tungod hito, ngan yana aton hiya patayon, agud dire na kita makurian tungod han iya mga tugon. Kay dire, naton karuyag nga hiya in aton magin pangulo; kay ine in para ha aton, nga iya kamagurangan nga mga lalaki, an pagpangulo hine nga katawhan.

4 Yana waray ko igsurat dinhe hine nga mga lamina an ngatanan nga tugon nga ira ginngongorotob kontra ha akon. Kundi igo na nga akon igsiring, nga karuyag nira kuhaon an akon kinabuhi.

5 Ngan ine nahitabo nga an Ginoo in nagpahimatngon ha akon, nga ako, hi Nephi, in kinahanglan nga bumaya ha ira ngan magsingadto ha kamingawan, pati adton karuyag umopod ha akon.

6 Sanglit, ine nahitabo nga hi ako, hi Nephi, in igin-upod an akon pamilya, ngan sugad man hi Zoram ngan han iya pamilya, ngan hi Sam, an akon magurang ngan han iya pamilya, ngan hi Jakob ngan hi Jose, an akon manghud nga kabugtoan nga mga lalaki, ngan sugad man an akon mga bugto nga mga babaye, ngan an ngatanan nga naghihingyap nga umopod ha akon. Ngan an ngatanan nga naghihingyap nga sumunod ha akon amo adton natuod hin mga pahimatngon ngan han mga padayag han Diyos; tungod hine, hira in namamati han akon mga tugon.

7 Ngan amon gindara an amon mga tolda ngan bisan ano nga mga butang nga mahihimo para ha amon, nga kami in naglalakaton ha kamingawan ha sakob hin damo nga adlaw. Ngan kahuman namon maglalakaton hin pira kaadlaw gintukod namon an amon mga tolda.

8 Ngan ginhangyo han akon mga tawo nga tawagon namon an lugar ha ngaran nga Nephi; tungod hito, gintawag namon ito nga Nephi.

9 Ngan an ngatanan nga inupod ha akon in kinarawat nga tawagon an ira kalugaringon nga tawo ni Nephi.

10 Ngan amon gintuman an pagsunod han mga paghukom, an mga balaod, ngan mga kasugoanan han Ginoo ha ngatanan nga nahuna-huna, subay han balaod ni Moises.

11 Ngan an Ginoo in nakada ha amon; ngan kami in nagmainoswagon hin duro; kay nagtanom kami hin liso, ngan maka ani kami hin damo. Ngan nagtikang kami hin paghayopan hin magkaderodilain nga mga hayop.

12 Ngan ako, hi Nephi, in nagdara liwat han mga sinurat, nga igin-ukit dida han mga lamina nga tumbaga; sugad man an bola, o kompas, nga igin-andam para han akon amay pinaagi han kamot han Ginoo, subay han mga nakasurat.

13 Ngan ine nahitabo nga nagmainoswagon kami hin duro, kay dumamo kami ha tuna.

14 Ngan yana ako, hi Nephi, in kumuha han espada ni Laban, ngan subay han pagkahimo hito in naghimo hin damo nga espada, bangin ha ano man nga paagi an mga tawo nga gintatawag nga mga Lamanite in magsingada ha amon ngan kami in panmatayon; kay maaram ako han ira kasinahon ha akon ngan han akon mga anak ngan hadton gintatawag nga akon mga tawo.

15 Ngan gintutdoan ko an akon mga tawo nga maghimo hin mga balay, nga magtrabaho hin ngatanan nga klase hin kahoy, ngan hin puthaw, ngan hin tanso, ngan hin tumbaga, ngan hin asero, ngan hin bulawan, ngan hin salapi, ngan han marahalon nga mina nga duro hin kadamo.

16 Ngan ako, hi Nephi, in naghimo han templo; ngan ine in akon gintindog subay han pagkahimo han templo ni Solomon labot la nga ine in dire hinimo hin damo nga mga marahalon nga mga butang; kay ine in dire nahiaagian hine nga katunaan, tungod hito, ine in dire mahimo pareho han templo ni Solomon. Kundi an pagtindog in pareho han templo ni Solomon; ngan an pagkahimo hito in duro gud kamaupay.

17 Ngan ine nahitabo nga ako, hi Nephi, in gin-aghat an akon mga tawo nga magin madoroto, nga magtrabaho pinaagi han ira mga kamot.

18 Ngan ine nahitabo nga karuyag nira nga ako an ira magin hadi. Kundi ako, hi Nephi, in naghingyap nga dire hira magkamayada hin hadi; kundi, ginhimo ko para ha ira an subay han gahum nga aadi ha akon.

19 Ngan sigurado, an mga saad han Ginoo in natuman para ha akon kabugtoan nga mga lalaki, han iya igsiring hiunong ha ira, nga ako in magigin pangulo ngan magturutdo nira. Sanglit, ako an ira nagin pangulo ngan ira magturutdo, subay han mga kasugoanan han Ginoo, ngada han panahon nga hira in maghingyap nga kuhaon an akon kinabuhi.

20 Sanglit, natuman an mga saad han Ginoo nga iya iginsiring ha akon, hin pagkasiring: Kun dire hira manmamati han imo mga mando mahimumulag hira ha atubangan han Ginoo. Ngan kamatuoran, hira in nahibulag ha iya atubangan.