1 Pero makabirido, magkakamayada hin damo — hadto nga urhi nga adlaw nga kun ako in magtikang magbuhat hin urusahon nga butang ha tagsa-tagsa ha ira, nga akon hinunumduman an akon mga kauyonan ngadto han anak han katawhan, agud akon maiandam an akon kamot atro ha ikaduha nga higayon nga mabawi ko an akon mga tawo, nga kaparte han sulod balay ni Israel;

2 Ngan liwat, nga mahinumduman ko an mga panaad nga ginhimo ko ha imo, Nephi, ngan ngadto liwat han imo amay, ngan hinunumduman ko an imo tulin; ngan an mga tugon han imo tulin in nagtitikang han akon baba ngadto han imo tulin; ngan an akon mga tugon in malatos ngadto han katubtuban han kalibutan, agud magin susbaranan hadton akon mga tawo, nga kaparte han sulod balay ni Israel;

3 Ngan tungod kay an akon mga tugon in malatos — damo nga mga Gentil in masiring: Biblia! Biblia! Mayada na kami Biblia, ngan dire na magkakaada pa hin Biblia.

4 Pero ine an siring han Ginoo nga Diyos: O mga lurong, hira in magkakamayada Biblia; ngan ito in matikang han mga Judiyo, an akon kadaan nga katawhan nga ginkauyonan. Ngan ano an pagpapasalamat nira han mga Judiyo han Biblia nga ira nakarawat tikang ha ira? Oo, ngan ano an karuyag sidngon han mga Gentil? Nahinunumduman ba nira an mga kakurian, an kaguol, ngan an kasakit han mga Judiyo, nga an ira pagkamaduroto para ha akon, ha pagdara han katalwasan ngadto han mga Gentil?

5 O mga Gentil, nahinunumduman ba niyo an mga Judiyo, an akon kadaan nga ginkauyonan nga katawhan? Dire; kundi iyo hira iginsumpa, ngan ginkauritan, ngan naghingyap nga dire hira mabawi. Pero kundi, akon igbabalik ine ngatanan nga mga hitabo ha iyo mga ulo; kay ako nga Ginoo in waray mahingalimot han akon mga tawo.

6 Lurong, an nasiring: Biblia, Biblia, mayada na ka kami Biblia, ngan dire na namon kinahanglan pa in iba nga Biblia. Nagkamayada ba kamo Biblia labot la ha pinaagi han mga Judiyo?

7 Dire ba kamo maaram nga mayada damo nga nasud labot la han usa? Dire ba kamo maaram nga ako, an Ginoo nga iyo Diyos, in naghimo han ngatanan nga tawo, ngan akon nahinunumduman adton aadto han mga isla ha kadagatan; nga ako an namumuno ha igbaw han kalangitan ngan ha ubos han katuna-an; ngan akon gindadara an akon mga tugon ngadto han anak han katawhan, sugad man, bisan ngadto ha ngatanan nga mga nasud dinhe ha kalibutan?

8 Tungod hine nagngongorotob ba kamo, tungod kay kamo in nakakarawat hin dugang nga akon mga tugon? Dire ba kamo maaram nga an pagpamatuod han duha nga nasud in testigos nga ako an Diyos, nga nahinumduman ko an uusa nga nasud sugad han iba? Sanglit, nagyayakan ako hin pareho nga mga tugon ngadto han usa nga nasud pareho han iba. Ngan kun an duha nga nasud in magkausa pagpamatuod kinahanglan liwat an duha nga nasud in magkausa pagpamatuod.

9 Ngan akon ine binubuhat agud ipakita ko ha kadam-an nga ako in amo la gihapon kakulop, yana, ngan ha kadayonan; ngan iginyakan ko an akon mga tugon subay han akon kaburut-on. Ngan mahitungod kay ako in nagyakan hin usa nga tugon dire buot sidngon nga dire na ako magyayakan hin otro; kay an akon buruhaton in dire pa tapos; ngan dire pa tubtub ngada han katapusan han katawhan, bisan ha tinikangan ngan ha kadayonan.

10 Sanglit, tungod kay mayada kamo Biblia, dire kamo maghuna-huna nga aadto na an ngatanan han akon mga tugon; say panga dire kinahanglan nga kamo maghuna-huna nga waray na ako magpadugang hin pagpasurat.

11 Kay ginsugo ko an ngatanan nga tawo, magin ha sinirangan ngan katundan, ngan ha amihanan, ngan ha habagatan, ngan ha mga isla ha kadagatan, nga ira igsurat an mga tugon nga akon igyayakan ha ira; kay subay ha libro nga mahisusurat paghuhukman ko an kalibutan, kada tawo subay han ira mga binuhat, ngan subay liwat hadto nga nahisurat.

12 Kay kamatuoran, magyayakan ako ngadto ha mga Judiyo nga ira ine igsusurat; ngan magyayakan liwat ako ngadto han mga Nephite ngan ira ine igsusurat; ngan magyagakan liwat ako ngadto ha iba nga mga tribu nga kaapi han sulod balay ni Israel, nga akon gindara pahirayo, hito ngan ira igsusurat ito; ngan magyayakan liwat ako ngadto han ngatanan nga nasud han kalibutan ngan ira igsusurat ito.

13 Ngan ine nahitabo nga an mga Judiyo in magkakaada han mga tugon han mga Nephite, ngan an mga Nephite in magkakaada han mga tugon han mga Judiyo; ngan an mga Judiyo ngan mga Nephite in magkakaada han mga tugon han nawara nga mga tribu ni Israel; ngan an mga nawara nga tribu han Israel in magkakaada han mga tugon han mga Nephite ngan mga Judiyo.

14 Ngan ine nahitabo nga an akon mga tawo, nga kaapi han sulod balay ni Israel, in titirokon pag-oli ngadto han mga tuna nga ira gintatag-iya; ngan an akon tugon in titirokon nga magin usa. Ngan akon igpapakita hadton nakikipag-away han akon tugon ngan kontra han akon tawo, nga kaapi han sulod balay ni Israel, nga ako an Diyos, ngan ako in nakipagka-uyon kan Abraham, nga akon mahihinumduman an iya tulin ha kadayonan.