Scriptures
2 Nephi 33


Capitulo 33

An kan Nephi mga pulong in matuod — Nagpapamatuod ine kan Cristo — Adton natuod kan Cristo in matuod han mga pulong ni Nephi — Ine matukdaw sugad nga testigos dida ha hukmanan nga lingkuranan.

1 Ngan yana, ako, hi Nephi, in dire makakagsurat han ngatanan nga nahuna-huna nga igintutdo ngadto han akon mga tawo; kay ako dire maupay magsurat, pareho hin pagyakan; kay kun an tawo in nagyayakan pinaagi han gahum han Espiritu Santo an gahum han Espiritu Santo in nagdadara hito ngadto han mga kaburut-on han anak han katawhan.

2 Pero kamatuoran, damo an nagpapatig-a han ira kasingkasing kontra han Baraan nga Espiritu, nga ine in waray lugar ha ira; sanglit, ira ginibanan an damo nga mga nahuna-huna nga iginsurat ngan gintagad nira sugad han nahuna-huna mga waray kapulsanan.

3 Pero ako, hi Nephi, in nagsurat hadton akon nahisurat, ngan akon gintagad ine nga may dako nga kapulsanan, labi na gud ngadto han akun tawo. Kay padayon nga ako nangangadi para ha ira ha oras, ngan an akon luha in nakahulos han akon ulonan kun gab-i, tungod ha ira; ngan ako in nanginginyupo ngadto han akon Diyos nga may pagtuo, ngan maaram ako nga pamamatian niya an akon pangaraba.

4 Ngan maaram ako nga igpapahinungod han Ginoo nga Diyos an akon mga pagampo para ha kapulsanan han akon mga tawo. Ngan an mga tugon nga akon isinurat ha kaluyahan in pakukusgon para ha ira; tungod kay ine in mag-aaghat ha ira nga magbuhat hin maupay; naipapahibaro ngadto ha ira an ira mga amay ha katulinan; ngan nagyayakan mahitungod kan Jesus, ngan nag-aaghat ha ira nga magtuo ha iya, ngan mag-antos ngada ha katapusan, nga amo an kinabuhi nga waray katapusan.

5 Ngan ine in nagyayakan hin mabug-at kontra han mga sala, subay han kamatin-aw han kamatuoran; sanglit; waray tawo nga masisina han mga tugon nga akon iginsurat labot la kun hiya in may espiritu hin yawa.

6 Ako in naghihimaya han kadayag; ako in naghihimaya han kamatuoran; ako in naghihimaya kan Jesus, nga nagtubos han akon kalag ha empiyerno.

7 Mayada ako paghigugma han akon mga tawo, ngan dako nga pagtuo kan Cristo ngan igkikita ko an damo nga kalag nga waray dukit dida han atubangan han iya lingkuranan han paghukom.

8 Mayada ako paghigugma han mga Judiyo — nagsiring ako nga Judiyo, tungod kay didto man tikang an akon tinikangan.

9 Mayada liwat ako paghigugma han mga Gentil. Pero kamatuoran, waray hine ako paglaum labot la kun hira in makig-upay kan Cristo, nga sumulod han haligot nga purtahan, ngan maglakat han suok nga dalan nga tipakadto ha kinabuhi, ngan magpadayon dida han dalan ngada han katapusan han panahon han pagproyba.

10 Ngan yana, akon hinigugma nga kabugtoan, ngan an mga Judiyo liwat, ngan an ngatanan nga aadto han katubtuban han kalibutan, pamati hine nga mga tugon ngan tuod kan Cristo; ngan kun dire kamo tomuod hine nga mga tugon tuod kan Cristo. Ngan kun matuod kamo kan Cristo kamo in matuod hine nga mga tugon, kay ine an mga tugon ni Cristo, ngan hiya an naghatag hine ha akon; ngan ine in nagtututdo han ngatanan nga tawo nga kaangayan hira magbuhat hin maupay.

11 Ngan kun ine in dire mga tugon ni Cristo, paghukman niyo — tungod kay ipakikita ha iyo ni Cristo, ha gahum ngan dako nga himaya, nga ine an iya mga tugon ha urhi nga adlaw; ngan ikaw ug ako in matukdaw ha atubangan han iya hukmanan; ngan ikaw in mahibabaro nga ako in ginsugo niya nga igsurat ine nga mga pulong, bisan pa han akon kaluyahan.

12 Ngan nangangadi ako ngadto ha Amay ha ngaran ni Cristo nga kadam-an ha aton, kun dire man ubos, in matalwas dida han iya ginhadian dida hadto nga mahinungdanon nga urhi nga adlaw.

13 Ngan yana, akon hinigugma nga kabugtoan, ngan an ngatanan nga kaapi han sulod balay ni Israel, ngan an ngatanan nga aadto han katapusan han kalibutan, nagyayakan ako ha iyo sugad hin tingog han usa nga nangangaraba tikang ha tapo-tapo: Panamilit, ngada han pagabot hadto nga mahinungdanon nga adlaw.

14 Ngan kamo nga dire nakikiangbit han mga kaupayan han Diyos, ngan dire nagrespeto han tugon han mga Judiyo, ngan han akon mga tugon, ngan han mga tugon nga natikang han baba han Kordero han Diyos, kamatuoran, nagsasarit ako hin waray katapusan nga panamilit, kay ine nga mga tugon in magsesentensya ha iyo ha urhi nga adlaw.

15 Tungod kay kun ano man an akon igbilin, in magdadara kontra ha iyo dida han hukmanan nga lingkuranan; kay amo ine an iginsugo ha akon han Ginoo, ngan ako in angay sumunod. Amen.