Ol Skripsa
2 Nifai 22


Sapta 22

Olgeta man bai amamasim Bikpela long de long wan tausen krismas—Em bai i stap namel long ol—Skelim Aisaia 12. Klostu 559–545 krismas bipo Krais.

1 Na long dispela de yu bai tok: O Bikpela, mi bai amamasim yu, inap yu i bin kros long mi tasol kros bilong yu i bin tanim i go awe, na yu givim mi bel isi.

2 Lukim, God em selvesen bilong mi, mi bai bilip, na i no inap poret, bikos Bikpela Jehova i strong bilong mi na song bilong mi, em tu i bin kamap selvesen bilong mi.

3 Olsem na, yu bai pulim wara long hul wara bilong selvesen wantaim amamas.

4 Na long dispela de yu bai tok: Amamasim Bikpela, singautim nem bilong em, autim pasin bilong em namel long ol pipol, tokaut olsem nem bilong em yumi mas litimapim.

5 Sing long Bikpela, bikos em i bin wokim ol nambawan samting, olgeta graun i bin save long dispela samting.

6 Krai na singaut, yu em i stap long Saion, long wanem, Em wanpela Holi Tasol bilong Israel i nambawan na i stap namel bilong yu.