1 Na long dispela de, sevenpela meri bai holim pas long wanpela man, na tok: Mipela bai kaikaim bret bilong mipela yet, na pasim ol klos bilong mipela yet, tasol yu mas larim mipela yusim nem bilong yu long rausim sem bilong mipela.

2 Long dispela de wanpela han diwai bilong Bikpela bai kamap gutpela tru wantaim glori, kaikai graun karim bai nambawan tru na gutpela long ai bilong ol lain ol i bin ronawe long Israel.

3 Na em i bai kamap we, ol lain ol i bin lusim ol bihain long Saion na ol i stap long Jerusalem bai ol i kamap holi, wanwan manmeri ol i gat nem em bin raitim namel long ol lain ol i no idai long Jerusalem—

4 Taim Bikpela bai wasim doti bilong ol pikinini meri bilong Saion, na bai klinim blut bilong Jerusalem namel long em wantaim spirit bilong jasmen na spirit bilong kukim.

5 Na Bikpela bai wokim antap long wanwan haus long mounten Saion, na antap long ol kivung bilong em, wanpela klaut wantaim simok long de na paia lait long givim lait long nait, bikos olgeta glori bilong Saion i gat banis.

6 Na tebenikol bai kamap olsem seid long pasim tuhat bilong san, na olsem wanpela ples hait bilong kisim malolo, na wanpela ples hait long bikpela win na ren.