Kapitulo 9
Agaramid ni Nephi iti dua a grupo a kasuratan—Maawagan ti tunggal maysa iti pinanid ni Nephi—Aglaon dagiti daddadakkel a pinanid iti nailubongan a pakasaritaan; kangrunaan a madakamat kadagiti babbabassit dagiti sagrado a banag. Agarup 600—592 B.C.
1 Ket nakita amin ti amak dagitoy a bambanag, ken nangngegna, ken insaona, bayat ti panagnaedna iti tolda iti atanap ti Lemuel, ken kasta met ti adu pay a naindaklan a banag, a saan a maisurat kadagitoy a pinanid.
2 Ket ita, kas nasaokon maipapan kadagitoy a pinanid, kitaen saan a dagitoy a pinanid ti pangilanadak iti naan-anay a pakasaritaan dagiti tattaok; ta adagiti pinanid a nangilanadak iti amin a salaysay dagiti tattaok ket inawagak iti nagan ni Nephi, gapuna, maawagan dagitoy iti pinanid ni Nephi; a naggapu iti naganko; ket dagitoy a pinanid maawagan met iti pinanid ni Nephi.
3 Nupay kasta, nakaawatak iti bilin ti Apo a nasken nga aramidek dagitoy a pinanid, iti naisangayan a apanggep a nasken nga adda maikitikit a salaysay iti bnaespirituan a panagserbi dagiti tattaok.
4 Nasken met a maikitikit kadagiti sabali a pinanid ti salaysay iti panagturay dagiti ari, ken dagiti gubat ken panagsusupanget dagiti tattaok; gapuna agpaay dagitoy a pinanid iti ad-adu a paset ti naespirituan a panagserbi; ken agpaay adagiti dadduma a pinanid iti ad-adu a paset ti panagturay dagiti ari ken dagiti gubat ken panagsusupanget dagiti tattaok.
5 Gapuna, binilinnak ti Apo a mangaramid kadagitoy a pinanid iti anainsiriban a panggepna, ti panggep a saanko nga ammo.
6 Ngem aammo ti Apo ti amin a banag manipud idi punganay; gapuna, nangisagana isuna iti pamuspusan iti pannakaileppas dagiti amin nga aramidna kadagiti annak ti tattao; ta kitaen, adda amin kenkuana ti bbileg iti pannakaipatungpal dagiti amin nga aramidna. Ket kastan. Amen.