1 Maʼalob tún Nefieneʼ, maʼ tán in dzíbtiʼc u tsoʼolol u úchben tatailoʼob in tataoʼob tiʼ le baʼaxoʼob quiʼn dzíbtiʼcaʼ; mixbikin xan in dzíbt le heʼeloʼ yókol le laminaoʼob quiʼn dzíbtiʼcaʼ, tumen dzíbtaan tiʼ le baʼaxoʼob u líksmaʼh in tataoʼ, le betiʼqueʼ maʼ tán in dzíbtiʼc tiʼ le quiʼn dzíbtiʼc tenaʼ.

2 Chén baʼax quen in wáʼaleʼ tiʼ u palaloʼob Jose in tal.

3 Quin tucliqueʼ maʼ hach kabét ca in dzainba in tsicbat tulácal baʼaloʼob tu yoʼolal in tataiʼ tumen maʼ tán u páhtal u dzíbtaal yókol le laminaoʼobaʼ tumen kabét ten le laminaoʼobaʼ utiaʼal in dzíbtiʼc le baʼaxoʼob u kát Hahal Diosoʼ.

4 Tumen quiʼn dzíboltiʼqueʼ utiaʼal in betiʼc u kexic u tucul maʼcoʼob ca talacoʼob tu yicnal u Hahal Dios Abraham, Isaac yétel Jacob ca kamicoʼob u cuxtaliʼl yétel Letiʼ.

5 Tu yoʼolal túneʼ maʼ tán in dzíbtiʼc baʼaxoʼob uts tu tán yókolcab sino le baʼaxoʼob uts tu tán Hahal Diosoʼ yétel le maʼxoʼob maʼ yokolcabiloʼoboʼ.

6 Bey túnoʼ yan in wáʼalic tiʼ in palal bín síhicoʼoboʼ maʼ ca u dzíbtoʼob heʼebaʼax yókol le laminaoʼobaʼ hach chén le baʼaxoʼob hach utstac utiaʼal u palal maʼcoʼoboʼ.