1 Tumen úch beyoʼ, Yumtsileʼ tu tʼanah in tata, beyoʼ, tu tʼanah tiʼ le tán u weneloʼ tán u yaʼalic tiʼ: Ca bendecirtaaquech Lehi tu yoʼolal le baʼax dzoʼoc a betiʼcoʼ, yétel tumen dzoʼoc a betiʼc in wólil, dzoʼoc xan a wáʼalic tiʼ le cahaʼ, le baʼax tiʼn wáʼalah techeʼ, heʼel túnaʼ tán u tuclicoʼob bix u quínsiquech.

2 Cah úch u yaʼalaʼal tiʼn tata ichil u weneleʼ ca xiʼic ich kax yétel tulácal u lákiloʼob.

3 Bey túnoʼ letiʼ tu betah u tʼan Yumtsil; le betiʼqueʼ tu betah le baʼax aʼalaʼab tiʼ tumen Yumtsil.

4 Bey túnoʼ cah hókeʼ cah bin ich kax ca tu pʼatah u yotoch, le luʼum dzaʼan tiʼ tumen u tataeʼ, u oro, u plata yétel baʼaloʼob hach coʼohtac u tohol; hach mixbaʼal tu chʼaʼah u biseʼ chén u lákoʼob, yétel baʼal u hanteʼ yétel u chan bisbil nah cah bin ich kax.

5 Le cah kuch tu haʼil le Mar Rojooʼ cah bin tiʼ le ich kax tac hach nadz tiʼ le kaʼnaboʼ, cah tún bin yétel u yatan u alal; yan Sariah, in maʼmaʼ yétel in sucuʼunoʼob maʼs nuctacoʼoboʼ, Laman, Lemuel yétel Sam.

6 Le ca tún betah teʼeloʼ humpʼél altar yétel tunichoʼobeʼ, ca tu dzah sacrificio tiʼ Yumtsil tán u dzaic diosboʼotiʼc tiʼ Yumtsil c Hahal Dios.

8 Le tún le rioaʼ cu hókol teʼ maʼr Rojooʼ tu dzah u kabaʼeʼ Laman; le xan le luʼumoʼ cu bin tu tsél le riooʼ cu kuchul tac hach nadz teʼ tuʼux cu lúbul le riooʼ ich le maʼroʼ.

9 Le ca tu yilah in tata u haʼil le rioaʼ cu kuchul teʼ Mar Rojooʼ, ca tu tʼanah Laman tán u yaʼalic tiʼ: Quexic ca beychaquech heʼebix le rioaʼ tán a kuchul maʼntadz tac tu tuʼuxil tulácal baʼax utsoʼ.

10 Ca tu yaʼalah xan tiʼ Lemueleʼ: Quexic ca beychaquech heʼebix le táx luʼumaʼ, maʼ tu lúbul a wól beyoʼ maʼ tu heʼlpahal a tucul a mentiʼc u tʼan Yumtsil.

11 Tʼanah beyoʼ tu yoʼolal tumen u sén chichil u pucsiʼkal Laman yétel Lemuel, tumen beyoʼ tán caʼach u mucul tʼanoʼob tu contra u tataoʼob tiʼ yaʼabach baʼaloʼob, tu yoʼolal u yilic baʼal tu wenelil yétel tu yoʼolal u hóksicoʼob tu luʼumiloʼob Jerusalen, tán u pʼatiʼcoʼob le luʼumoʼob dzaʼan tiʼoʼob tumen u tataoʼobeʼ, u oro, u plata yétel u baʼaloʼob hach coʼohtac ca xiʼicoʼob químil ich kaxoʼ. Cu yaʼalicoʼob de que tu mentah beyoʼ in tata tu yoʼolal u chocopolil yan tu tucul yétel tu yól.

12 Bey tún úchic u yantal u mucul tʼanoʼob Laman, in sucuʼun maʼs nohoch yétel Lemuel tu contra u tata. Tu betoʼob beyoʼ tumen maʼ u kahóloʼob le baʼaxoʼob mentaan tumen le Hahal Dios mentamaʼhil letiʼoʼoboʼ.

13 Mix xan tán u creertiʼcoʼobeʼ le noh cahal Jerusalenoʼ heʼel u páhtal u xuʼulsaʼal heʼebix aʼalaʼanil tumen le profetaoʼoboʼ yételeʼ beyoʼob heʼebix le Judioʼob Jerusaleniloʼob, tu yóltahoʼob u quínsoʼob in tataeʼ.

14 Ca tún antah u yúchuleʼ in tataeʼ chup yétel le Pixanoʼ h tʼanah yételoʼob tu táx luʼumil Lemuel, tiʼ hach yaʼabil páhtalil úchic u tʼaneʼ ca hoʼopʼ u quiʼquiʼlanquiʼloʼob tu tán, yételeʼ tu yaʼachʼeʼtah u kas tuculoʼob cah pʼátoʼob maʼ h tʼanahoʼob tu contraiʼ, le betiʼqueʼ tu betahoʼob le baʼax tu yaʼalahoʼ.

15 Ca cahlah tún in tataeʼ tiʼ humpʼél chan bisbil nah.

16 Ten, tún Nefieneʼ, tumen caʼach hach tanqueleneʼ, quex tumen caʼanal in baquel yétel hach nohoch in dzíbolal ca in kahólt u tuculoʼob Hahal Diosiʼ, ca tiʼn kátah kaʼam tiʼ Yumtsil, heʼel túnaʼ cah tal u xímbateneʼ ca tu dzah ól tiʼ ten ca in creert le baʼaxoʼob u yaʼalmaʼh in tataeʼ, bey túnoʼ maʼ tiʼn betah tu contra in tata heʼebix tu betiʼlac in sucuʼunoʼoboʼ.

17 Ca tiʼn tʼanah Sam, tán in wáʼalic tiʼ tulácal le baʼaxoʼob dzoʼoc u yeʼesic ten Yumtsil yétel u Hahil Pixanoʼ. Ca tún tu creertah in tʼanoʼoboʼ.

18 Baʼaleʼ Laman yétel Lemueleʼ maʼ tu yóltahoʼob u yuʼuboʼob baʼax quiʼn wáʼaliquiʼ, le betiʼc túneʼ yah in wól tu yoʼolal hach chich u pucsiʼkaloʼobeʼ ca tiʼn kátah tiʼ Yumtsil tu yoʼolaloʼob.

19 Ca tún tu yaʼalah ten Yumtsileʼ: Bendecirtaanech Nefi, tu yoʼolal a fe, tumen dzoʼoc a dzaic a wól a caxteʼn yétel tulácal a wól tiʼ a pucsiʼkal.

20 Wá xan ca dzoʼocsic in tʼanoʼobeʼ, bín yaʼabchaquech yétel bín bisaʼaqueʼex tiʼ humpʼél luʼum prometertaan, humpʼél luʼum in betmaʼh atiaʼalinteʼex, humpʼél luʼum yéyaʼan tu tánil ulak luʼumoob.

21 Wá xan a sucuʼunoʼob cu baʼateloʼob ta contraeʼ, bin puʼulucoʼob tu tán Yumtsil.

22 Wá tech ca betiʼc in tʼanoʼobeʼ, bin a betaba nohochil yétel hcambesahil tiʼ a sucuʼunoʼob.

23 Tumen heʼel túnaʼ le kin bín líkiʼcoʼob baʼatel tiʼn contraeʼ bín in wec kas tu yókoloʼob, yétel mix humpʼél páhtalil bín anac tiʼoʼob tu yókol a palaloʼob, chén wá xan letiʼoʼob cu líkiʼloʼob baʼatel tiʼn contra.

24 Wá tún a palaloʼob cu líkiʼloʼob baʼatel tiʼn contraeʼ, le u palaloʼoboʼ a sucuʼunoʼobeʼ letiʼoʼob cun baʼatelnacoʼob tu contra a palaloʼob utiaʼal u kaʼahsicoʼob.