Svaquibal Capitulo
Nefi la sts’iba c’usi ja’ ta sventa Riox—Ti c’usi tsc’ane ja’ ti ta suj viniquetic c’uxi ac’o talicuc ta stojolal Xriox Abraham xchi’uc ti c’uxi ac’o xcolique.
1 Jech tana ti vu’un Nefiune, muyuc ta jts’iba ti sbitac snitililtac jtot ti li’ ta poco’ lo’iletique; xchi’uc muyuc xa bu chcac’ ta baq’uin ti c’usitic ta jts’iba ta sba taq’uin vunetique. Yu’un te xa oy ta sba taq’uin vunetic ti te bu xa la snac’ jtote, ja’ yu’un ti jech muyuc xa ta jts’iba ti vu’une.
2 Xu’ o no’ox chca’ay ti chcalboxuc ti ja’ snitililuncutic ti Josee.
3 Yu’un mu tsotsuc sc’oplal chca’ay ti c’alal cha calboxuc scotol ti c’usitic spasoj ti jtote, yu’un mu stac’ ts’ibael ti li’ ta sba taq’uin vunetique, yu’un ta jc’an xocol ta jcomtsan ti c’uxi xu’ ta jts’iba ti c’usitic ta sventa ti Rioxe.
4 Yu’un scotol ti c’usi jnopoje ja’ ta jc’an ta xcalbeic ti viniquetic ti ac’o talicuc ta Sriox Abraham, xchi’uc ta Sriox Isaac, xchi’uc ta Sriox Jacob, ti c’uxi xu’ ta xcolic o e.
5 Jech ma’uc ta jts’iba ti c’usi lec cha’yic li’ ta banamile, ja’ ta jts’iba ti c’usi lec cha’ay ti Rioxe, xchi’uc ti boch’otic ma’icuc ti li’ ta banamile.
6 Jech tana, ta xcac’ jun mantal ta jnich’nabtac ti ac’o mu stsaquic ta jech no’ox ti taq’uin vunetic ti me mu tsotsuc sc’oplal yu’nic ti snich’nab viniquetique.