1 Ja’o ta ts’acal ti c’alal la jchi’in ta lo’il ti Cajvaltic, vu’un Nefiune, li sut batel ti ta sna jtot bu pasbil ta poq’ue.

2 Ja’o jech la jyalbun: Jech, la jvaychin jun vayechil, ti Cajvaltique la spasun ta mantal ti vo’ot xchi’uc a banquiltac cha sutic batel ta Jerusalene.

3 Yu’un Labán yich’oj ti poco’ ts’ibiletic yu’nic Judioetique, jech cha c’u cha’al a tot a me’ ta vo’nej; ti ja’ te ts’ibabil ta c’anal c’unil taq’uin vune.

4 Ti Cajvaltique la spasun ta mantal ti vo’ot xchi’uc a banquiltac ti cha batic ta sna Labán, xbat a vich’ictalel ti poco’ lo’iletic li’ ta xocol banamile.

5 Xchi’uc jech ti abanquiltaque ta xmucul c’opojic, yu’un scuyojic ti tu jtsots ta pasel ti c’usi ta jc’an cha pasique, mu vu’nucun ta xtun cu’un, yu’un ja’ jun smantal Cajvaltic.

6 Jech, batan, vo’ot jnich’on, Cajvaltic ta scoltaot yu’un muyuc mucul c’opojemot.

7 Ja’o jech ti vu’un, Nefiune, la jcalbe ti jtote: chibat xbat jpas ti c’usi tspas mantal ti Cajvaltique, yu’un jna’oj mu xac’ mantaletic ta stojolal xnich’nab viniquetic ti me muyuc sq’uelojbe lec sbeic ti c’uxi xu’ c’otuc ta Pasel ti c’usi tspasatic ta mantale.

8 Ja’ o jech ti jtote xcuxet no’ox yo’nton c’ot ti c’alal la jya’ay ti c’usi la jcale, yu’un la jya’ay ti Cajvaltic yac’ojbun sbenticione.

9 Ti vu’un, Nefiune, xchi’uc ti jbanquiltaque li xanocutic batel ti ta xocol banamil xchi’uc jnacutic ta poc’, ti c’alal jech li batcutic ti ta yosilal Jerusalene.

10 Ti c’alal jech li c’otcutic ti ta sbanamil Jerusalene, vu’un xchi’uc ti jbanquiltaque te li lo’ilajcutic ta jujuntal.

11 Te la jq’uelcutic boch’o junucal cu’uncutic ta xbat ti ta sna Labane, ja’ jech, ja’ c’ot ta stojolal ti Lamane, jech te bat och batel ti ta sna Labane. Te la sc’opan ti c’alal te chotol ta snae.

12 Jech te la sc’anbe Labán ti poco’ lo’iletic ti te ts’ibabil ta ba c’anal c’unil taq’uin vun ti ja’ te tsacal ti stot sme’ ta vo’nej jtote.

13 Ja’ o jech ti Labane, te inoj ta il te la stac’ loq’uel ta stojolal; jech muyuc la sc’an ti ja’ xich’ ti poco’ lo’iletique, ja’ jech la jyal, vo’ote j-elec’ot jech ta jmilot ta na xi.

14 Ti Lamane jato loq’uel ta stojolal, jech te la jyalbuncutic ti c’usi la spas ti Labane, jech te ep la jchi’incutic ta lo’il co’ntoncutic, jech ti jbanquiltaque te xa ta sc’an ta sutic batel ti te bu oy jtot ta xocol banamile.

15 Ja’o jech, la jcalbeic: ti Cajvaltique cuxul, jech chac c’u cha’al cuxulutic vu’tique, jech mu xi jsututic batel ti te buoy jtotique ja’ to me la jpastic ti c’usi la spasutic ta mantal ti Cajvaltique.

16 Jech ja’uc no’ox lecuticuc ta spasel ti smantaltac ti Cajvaltique, ja’ lec batic ti te ta spuculal osil jtotique yu’un te la scomtsan sc’anal taq’uin, xchi’uc saquil taq’uin xchi’uc ti c’usitic ep ta chop sc’ulejale; ti c’alal jech la spase yu’un ja’ ta sventa ti smantaltac Cajvaltique.

17 Yu’un sna’oj ti ta xich’ vuq’uesel ti Jerusalen ta sventa sbolilic steclumale.

18 Yu’un jech, muyuc la xch’unic ti c’usi la jyalic ti lequil viniquetique. Jech, ti yu’nuc te uc ono’ox oy ti jtot ta jteclum ta ts’acal ti c’alal la jyich’ pasel ta mantal ti ac’o loc’uc ti tee, jech te cham ti jechuque, yu’un jech ja’ lec c’ot o ta pasel ti jech iloc’ ta muc’ta jteclume.

19 Yu’un jech, ja’ lec ta stojolal Riox ti ac’o xquich’tic ti poco’ lo’iletic ti c’uxi xu’ ta jnac’tic ta sventa jnich’nabtic ti c’u x-elan xc’opojic ti jtotique.

20 Xchi’uc ti ac’o jnac’tic ti taq’uin vunetic ti bu loq’uem ta yeic ti ch’ul lequil viniquetic, ti c’u x-elan la jyich’ic albel ta Espíritu xchi’uc ta svu’el Riox, ti ta sliquebal banamil ono’oxe, ti jech c’u cha’al ta sc’ac’alil li’ ta orae.

21 Ja’o jech, ti c’alal jech li lo’ilaje, te la jcalbeic ti jbanquiltac ti ac’o tuq’uicuc ta spasel ti smantaltac Rioxe.

22 Ja’o jech, li batcutic ti te ta jpuculal cosilcutique, te la jquich’cutic ti jc’anal taq’uincutique, ti jsaquil taq’uincutique xchi’uc scotol ti c’usi alaq’uic sba cu’uncutique.

23 Ta ts’acal ti c’alal lajxa quich’cutic ti c’usitic va’aye, li sutcutic batel ta sna ti Labane.

24 Ja’o jech te li ochcutic batel ti te buoy ti Labane, te la jc’anbecutic ti ac’o yac’buncutic ti poco’ lo’iletic ti te ts’ibabil ta sba saquil taq’uin vunetique, yu’un ta jelcutic ta xcac’cutic comel ti jc’anal taq’uincutique, xchi’uc ti jsaquil taq’uincutique, xchi’uc scotol ti c’usitic alaq’uic sba cu’uncutique.

25 Jech ti c’alal la jyil Labán ti c’usitic oy cu’uncutique, ti yu’un alaq’uic sbae, jech te ipich’aj yo’nton; jech la stacuncutic loq’uel xchi’uc laj spas ta mantal yaj abteltac ti ac’o smiluncutique, ti c’uxi xu’ ta spojbuncutic ti jc’ulejalcutique.

26 Ja’o jech, li jatocutic loq’uel ta stojolal ti yaj abteltac ti Labane, jech quich’cutic sujel ti ac’o jcomtsancutic ti c’usitic oy cu’uncutique, jech te la jyich’ o ta sc’ob ti Labane.

27 Jech te li jatocutic c’alalto ta xocol banamil jech muyuc la stauncutic ti yaj abteltac Labane, te la jnac’ jbacutic ta ch’entic ti te bu’oy tontique.

28 Ja’o jech ti Lamane ilin ta jtojolal xchi’uc ta stojolal jtot, ja’ jech la spas ec ti Lemunele; yu’un ja’ la xch’unbe ti c’usi la jyal Lamane, ja’ jech, ti Lamán xchi’uc ti Lemuele, te ep chopol c’opojic ta jtojolalcutic, ti yits’inique, la smajic ta vach’te’.

29 Ja’o jech ti c’alal ta smajuncutic ta vach’te’e, jech, te ital jun yabat Cajvaltic, te la jyac’ sba ta stojolalic, te la jyich’ic c’opanel, jech la jyal: ¿C’uyu’un cha maj ta vach’te’ ti a avits’inabe? ¿me yu’un mu xa na’ ic ti Cajvaltic la st’uj ti yu’nuc ja’uc ajvaliluc avu’nic, ti ja’ ta sventa a bolilique? jech, sutanic batel ta Jerusalen Cajvaltic ta xac’ ta a sc’obic ti Labane.

30 Ti c’alal laj sc’opanuncutic ti yabat Cajvaltique, jech ibat.

31 Ta ts’acal ti c’alal bat xa ox ti yabat Cajvaltique, ti Lamán xchi’uc ti Lemuele sjapoic no’oxtoc ti mucul c’ope, jech ta xalic ¿c’uxi ya’el ti Cajvaltic ta xac’ ta jc’obtic ti Labane? ti yu’un ja’ jun vinic tsots, xu’ yu’un xu’ ta spastamantal lajunebuc yoxvinic yaj abteltac, ti jech xu’ ta smile, ¿c’u cha’al vu’tic mo’oj?