1 Iwe iei ngang, Nifai, use makkei ewe uruon ai kewe neuo non ai ei kinikinin uruo; esap pwan non ew fansoun upwe makketiw won ekkei seleich minne ngang mi makkei; pwe ra fen makketiw non ewe uruo minne a fen isois me ren semei we; ina minne, use makkei non ei angang.

2 Pwe a naf ngeniei ai upwe apasa pwe am mwirimwirin Joseph.

3 Iwe ese namot ngeniei ai upwe tumunuoch ne makkei ew unusen uruon meinisin ekkewe mettochun semei we, pokiten rese tongeni makketiw won ekkei seleich, pwe ua mochen ewe neni ai upwe makkei ekkewe mettochun Kot.

4 Ren ai we unusenapen popun pwe upwe pesei aramas ar repwe feito ren ewe Koten Abraham, me ewe Koten Isaac, me ewe Koten Jacob, me kuna manau.

5 Ina minne, ekkewe mettoch minne ra apwapwa ngeni fonufan use makker, nge ekkewe mettoch minne ra apwapwa ngeni Kot me ngeni ir ekkewe esap ir chon ei fonufan.

6 Ina minne, upwe awora ew annuk ngeni mwirimwiri, pwe resap ammosowa ekkei seleich ngeni mettoch minne resap namot ngeni aramas meinisin.