1 Na ɔbaa dɛ sor ɔbɔfo no see me dɛ: Hwɛ, na hu w’asefo, na wo nuanom so hɔn asefo. Na mohwɛe, na muhun ^aanohoba asaase no; na muhun dɔmtutuw, nyew, na hɔn dodow dɔɔ sõ dɛ mpoano anhwea.

2 Na ɔbaa dɛ muhun dɔmtutuw dɛ wɔaboa hɔn ano roko tsia hɔnho; na muhun ɔkõ na metsee ^aakõkoekõ nka na ewudzi pii a wɔdze afona dzii wɔ mo nkorɔfo no mu.

3 Na ɔbaa dɛ muhun ebusuasantsen pii a woetwa mu kɔ, ɔnam akõkoekõ na wentwiwentwi a ɔwɔ asaase no do ntsi; na muhun nkurow pii, nyew, menntum annkan hɔn dodow mpo.

4 Na ɔbaa dɛ muhun ^asum ^behubɔwhubɔw wɔ anohoba asaase no enyi; na muhun asenaman, na metsee wimu mpaapaamu na asaasewosow na dede huuhu pii nka; na muhun asaase na mbotan a apaapaa; na muhun akoko dɛ worudwurudwuruw gu; na muhun asaase dɛ apaapaa; na muhun nkuropɔn pii a ^camemem; na muhun pii a gya ahyew hɔn; na muhun pii so a asaasewosow ntsi edwurudwuruw egu asaase do.

5 Na ɔbaa dɛ muhun iyinom ekyir no, muhun ^asum ehubɔhubɔw dɛ ofi asaase enyi kɔ; na hwɛ, muhun dɔmtutuw a wɔannhwehwe ase osian Ewuradze n’atsɛmbu kɛse huhu no ntsi.

6 Na muhun dɛ sor ebue; na Nyame ^aEguambaa no fi sor risian; na ɔbaa famu beyii noho kyerɛɛ hɔn.

7 Na muhunii na midzii dase dɛ Sunsum Krɔnkrɔn no tɔɔ ^aduebien bi so do; na Nyankopɔn hyɛɛ hɔn asɔfo na oyii hɔn.

8 Na sor ɔbɔfo no see me dɛ: Hwɛ Eguambaa n’esuafo duebien, hɔn na wɔasan mu eyi hɔn dɛ wɔmbɔsom w’asefo.

9 Na ɔsee me dɛ: Ana ekaa Eguambaa ^an’asomafo duebien no? Hwɛ hɔn na ^bwobobu Israel ebusuakuw duebien no atsɛn; dɛm ntsi wobobu w’asefo asɔfo duebien no atsɛn; osiandɛ hom yɛ Israel fifo.

10 Na dɛm ^aasomfo duebien a ehu hɔn yinom na wobobu w’asefo atsɛn. Na hwɛ, wɔyɛ atseneneefo afebɔɔ; ɔnam hɔn gyedzi a ɔwɔ Nyame Eguambaa no mu ntsi wɔahor hɔn ^bntar ma ayɛ fitaa wɔ no bɔgyaa mu.

11 Na sor ɔbɔfo no see me dɛ: Hwɛ! Na mohwɛe, na muhun ^aebusuasantsen ebiasa a etwa mu kɔ wɔ tseneneeyɛ mu no; na hɔn ntar yɛ fitaa tse dɛ Nyame Eguambaa nedze no. Na sor ɔbɔfo no see me dɛ: Wɔayɛ iyinom fitaa wɔ Nyame Eguambaa no bɔgyaa no mu, osian hɔn gyedzi a ɔwɔ no mu ntsi.

12 Na emi, Nephi, so muhun ^aebusuasantsen a ɔtɔ do anan no mu dɔm pii a woetwa mu kɔ wɔ tseneneeyɛ mu.

13 Na ɔbaa dɛ muhun asaase no do dɔmtutuw a wɔaboa hɔn ano.

14 Na sor ɔbɔfo no see me dɛ: Hwɛ w’asefo, na wo nuanom so hɔn asefo.

15 Na ɔbaa dɛ mohwɛe na muhun m’asefo dɔm pii dɛ wɔaboa hɔn ano na ^awoetsia mo nuanom hɔn asefo no; na wɔaboaboa hɔn ano dɛ wɔrobɔkõ.

16 Na sor ɔbɔfo no see me dɛ: Hwɛ, nsunyiwa ^afĩfĩ no a w’egya hunii no nye no; nyew, ^besutsen no a ɔkãa ho asɛm no; na no bun nye ^chɛl no bun.

17 Na ^asum ehubɔhubɔw no yɛ abɔnsam nsɔhwɛ a ^bofura enyiwa, na ɔdze pirim adasamba hɔn akoma, na ogya hɔn fa ^ckwan tɛtɛr mu ma wɔhera na wɔyew.

18 Na ^adan kɛse pontonn no a w’egya hunii no, yɛ ^besusuhun na adasamba hɔn ^cahantanyɛ. ^dBun kɛse bi da hɔn ntamu; nyew, Onnyiewiei Nyankopɔn ne ^epɛrpɛr na Messiah no a ɔyɛ Nyame Eguambaa no a Sunsum Krɔnkrɔn gye noho dase fitsi wiadze ahyɛse dze besi ndɛ, na ofitsi dɛm aber yi na afebɔɔ.

19 Na aber a sor ɔbɔfo no kãa nsɛm yi no, mohwɛe na muhun dɛ mo nuanom hɔn asefo no nye m’asefo no ridzi esi dɛ mbrɛ sor ɔbɔfo no n’asɛm tse; na osian m’asefo hɔn ahantanyɛ, na abɔnsam no ^ansɔhwɛ ntsi, muhun dɛ mo nuanom hɔn asefo no ^bahyɛ m’asefo no do.

20 Na ɔbaa dɛ mohwɛe na muhun dɛ mo nuanom hɔn asefo no edzi m’asefo no do konyim; na dɔmtutuw no kɛhyɛɛ asaase enyi mã.

21 Na muhun dɔmtutuw no dɛ wɔaboa hɔn ano; na muhun ^aɔkõ na metsee akõkoekõ nkã wɔ hɔn mu; na akodzi nye akõkoekõ nkã a metsee ekyir no, muhun dɛ ebusuasantsen pii etwa mu kɔ.

22 Na sor ɔbɔfo no see me dɛ: Hwɛ iyinom nyinara ^abɔwodow wɔ gyedzi mu.

23 Na ɔbaa dɛ ekyir no a muhun dɛ wɔawodow wɔ gyedzi mu no ^awobirii, yɛɛ nkɔwkɔw, na nyimpa a ^bwɔpɛ fĩ, na ^cenyihaw na ebusudze ahorow ahyɛ hɔn mã.