31. Epesōs
M̧ōttan jeepepļo̧k ko an theater in an riGrik ilo Epesōs, ijo Rijjilōk Paul eaar kwaļo̧k naan ie. Ilo iien ko ilo Kallim̧ur Ekāāl, Epesōs ar kanooj bun̄bun̄ ilo peļaakin laļ ilo tōre eo kōn tampeļ eo ewōj im kar kalōk ilo kautiej anij in pegan eo an riRom etan Diana. Kiiō ilo m̧ōttan ko rejeepepļo̧k, Epesōs juon iien ekar kiāptōļ eo an bukwōn Esia an riRom im kar juon jikin m̧akūt. Rijerbale silver ro an jikin kwelo̧k in rekar kajutak juon jobai im wiakake annan̄ ko annan̄in Diana.
Men Ko Reļļap: Rijjilōk Paul eaar loļo̧k Epesōs epaakeļo̧k jem̧ļo̧kin ito-itak in mijenede eo kein karuo an (Jerb. 18:18–19). Ilo ito-itak eo an kein kajilu eaar jokwe ilo jikin kwelo̧k in ruo iiō. Kar kipel e bwe en etal jān ijin kōnke lim̧otak eo kōm̧m̧an in rijerbale silver ro ekar idakunkunļo̧k jerbal eo aer ke Paul eaar kwaļo̧k naan ņae kabun̄-jar n̄an Diana anij kōrā eo eriab (Jerb. 19:1, 10, 23–41; 20:1). Theater in an Epesōs ekar eo eļaptata kar ekkal in riGrik im jikin eo ijo ro m̧ōttan Paul raar jelm̧ae juon jarin ko̧kkure (Jerb. 19:29–31). Paul eaar je juon lōta n̄an ro uwaan Kabun̄ eo ilo Epesōs ke eaar kalbuuj ilo Rom. Juon ian branch ko jiljilimjuon an Kabun̄ eo ilo Esia eo n̄an e bok in Revelesōn ej kōnono n̄an er ekar pād ilo Epesōs (Rev. 1:10–11; 2:1).