1. Reba Nile im Ijipt
Mennin eddōk rej eddōk itōrerein kappe ko an Reba Nile. Ilo juon jikin āinwōt in, jinen Moses ar ņooje ladik nin̄nin̄ eo nejin. Ijokoko ļo̧k rej jikin ko remora im rej peddejake enan̄ian aolepān Ijipt.
Men Ko Reļļap: Aelōn̄ in Ijiptōs eaar loe (Ebr. 1:23–25). Ebream eaar ilo̧k n̄an Ijipt (Jen. 12:10–20; Ebr. 2:21–25). Josep rekar wiakake ilo Ijipt, ekar erom juon ripepe, im lo̧mo̧o̧ren nokwe eo an jān n̄ūta (Jen. 37; 39–46). Ro bwijjin Jekab raar jokwe ilo Ijipt (Jen. 47; Ex. 1; 12:40). Lio nejin Pero eaar lo nin̄nin̄ Moses ilo reba eo im kōkaajririk e (Ex. 2:1–10). Moses eaar tōlļo̧k riIsrael ro jān Ijipt (Ex. 3–14). Meri, Josep, im Jisōs raar etal n̄an Ijipt ium̧win jidik iien ke raar ko jān Herod (Matu 2:13–15, 19–21). Ilo raan ko āliktata, riIjipt renaaj jeļā Irooj, im Irooj enaaj kōjeraam̧m̧an Ijipt (Ais. 19:20–25). (Lale UTJ Ijipt.)