23. Lom̧aļo in Galili im Toļ in Unjān Lo̧udin̄din̄ Ko
Erreļo̧k n̄an turōk-turilik ioon kona in Lom̧aļo in Galili ituiōn̄-turilik, juon ļwe in aebōj. Bat in ioļapļap ijin im̧aan ej ijo imminene ba kake bwe ej Toļ in Unjān Lo̧udin̄din̄ Ko. Kaperneum ej pādļo̧k ianmiin̄, ejako ilo pija in. Taibiriōs ej pād itujabuweo ettoļo̧k iparijet im ļo̧k n̄an ettoļo̧k ianmiin̄in pija in. Taibiriōs ej ettoļo̧k ļo̧k n̄an turōk ļo̧k jān barijet eo irilik.
Men Ko Reļļap: Rilo̧mo̧o̧r eaar joļo̧k eļap iien ilo ministry eo an ilo peļaakin ijin. Ijin Eaar kūr im kapiti Jon̄oulruo Rijjilōk (Matu 4:18–22; 10:1–4; Mark 1:16–20; 2:13–14; 3:7, 13–19; Luk 5:1–11), kar katakin jān Kwaļo̧k eo Ioon Toļ (Matu 5–7), im kar katakin ilo būrabōļ ko (Matu 13:1–52; Mark 4:1–34). Mennin bwilōn̄ ko Eaar kōm̧m̧ani rekitbuuj kein ilaļ: Eaar kōmour juon rilōba (Matu 8:1–4); kalur lan̄ eo (Matu 8:23–27); kadiwōjļo̧k jān juon em̧m̧aan em̧m̧an dettan juon lijiōn in devil ko, ro rekar deļo̧n̄ļo̧k ilo piik ko rekar ettōrļo̧k ilo lo̧jet (Mark 5:1–15); naajdik 5,000 eo im 4,000 eo (Matu 14:14–21; 15:32–38); jiron̄ ro rikaļooran n̄an door laļļo̧k ok ko aer, eo jān e rekar kōkojōk elōn̄ ek (Luk 5:1–6); kōmour elōn̄ armej (Matu 15:29–31; Mark 3:7–12); im waļo̧kļo̧k ālikin Jerkakpeje eo An n̄an katakin ro rikaļooran (Mark 14:27–28; 16:7; Jon 21:1–23). (Lale UTJ Galili.)