23. Naman Kariraia ao Maungan Taeka ni Kakabwaia
E kaitara maiaki-maeao nakon iteran Naman Kariraia are mai meang-maeao, te nei are mam ranna. Te tabuki are i nuka mai moa bon te tabo ae ataaki n te aba bwa nen Maungan Taeka ni Kakabwaia. Kaberenaum e mena n te maing, i tinanikun te tamnei. Tiberia e mena nako maiaki i mataniwin te aba mai maeao.
Bwaai aika Riki aika Kakawaki: Te Tia Kamaiu E tiku n te aono aei n angiin maiuna n rabwata ni mwakuri ni ibuobuoki. Ikai are E weteia ao e katabuia Abotoro ake Tengaun ma Uoman (Mat. 4:18–22; 10:1–4; Mar. 1:16–20; 2:13–14; 3:7, 13–19; Ruka 5:1–11), e anga reirei n te Kabwarabwara i aon te Maunga (Mat. 5–7), ao e anga reirei n taian taetae ni kaikonaki (Mat. 13:1–52; Mar. 4:1–34). Kakai ake Ekaraoi a raonaki n aika kaotaki ikai: E kamarurunga te rebera (Mat. 8:1–4); katoka te angibuaka (Mat. 8:23–27), kanakoia taimonio mai iroun te ataeinimwaane, ake a rin irouia beeki ake a biri nako taari (Mar. 5:1–15); e kamwarakeia 5,000 ao 4,000 (Mat. 14:14–21; 15:32–38); e tuangiia ana reirei bwa a na kabwakai aia karaun, n te aro are a rawata konaia ika (Ruka 5:1–6); e kamarurungiia aomata aika mwaiti (Mat. 15:29–31; Mar. 3:7–12); ao e kaoti i mwin Mangautina n reireinia ana reirei (Mar. 14:27–28; 16:7; Ioane 21:1–23). (Tara BK Kariraia.)