« តើខ្ញុំអាចធ្វើអ្វីខ្លះ ដើម្បីបង្ហាញសេចក្ដីស្រឡាញ់ដូចជាព្រះគ្រីស្ទ ? » បុគ្គលប្ដូរភេទ ៖ ការគាំទ្រមនុស្សដទៃ ( ឆ្នាំ ២០២០ )
« តើខ្ញុំអាចធ្វើអ្វីខ្លះ ដើម្បីបង្ហាញសេចក្ដីស្រឡាញ់ដូចជាព្រះគ្រីស្ទ ? » បុគ្គលប្ដូរភេទ ៖ ការគាំទ្រមនុស្សដទៃ
តើខ្ញុំអាចធ្វើអ្វីខ្លះ ដើម្បីបង្ហាញសេចក្ដីស្រឡាញ់ដូចជាព្រះគ្រីស្ទ ?
វាសំខាន់ដើម្បីយល់ថា « គ្រប់គ្នាគឺនៅកន្លែងខុសគ្នានៅលើផ្លូវនេះ » ។ យើងត្រូវទទួលស្គាល់តម្រូវការរបស់មនុស្សដទៃដែលនៅជុំវិញខ្លួនយើង ។ មនុស្សគ្រប់គ្នាមានឧបសគ្គ ។ មនុស្សមួយចំនួនមានឧបសគ្គខ្លាំង ដែលយើងមិនទាំងដឹងផង ។ ព្រះស្រឡាញ់ពួកយើងទាំងអស់គ្នា ។ យើងត្រូវព្យាយាមមើលទៅមនុស្សដទៃតាមរយៈភ្នែកដូចជាព្រះគ្រីស្ទ ។ យើងមិនគួរ « អនុញ្ញាតឲ្យការកាត់សេចក្ដីដឹកនាំផ្លូវ ដែលយើងប្រាស្រ័យទាក់ទងនឹងមនុស្សដទៃឡើយ » ។ ជីវិតគឺពុំមែនគ្រាន់តែ « អំពីការរីកចម្រើនរបស់យើងផ្ទាល់នោះទេ ប៉ុន្ដែវាអំពីការជួយមនុស្សដទៃឲ្យរីកចម្រើន » ផងដែរ ។ « យើងនៅកន្លែងដែលយើងនៅ ដើម្បីយើងអាចស្រឡាញ់ និងលើកស្ទួយមនុស្សដទៃ » ។
ការធ្វើជាសិស្សរបស់ព្រះគ្រីស្ទមានន័យថា យើងគួរតែជួយមនុស្សដទៃនៅតាមផ្លូវនេះ ។ « ដំណឹងល្អរបស់ព្រះយេស៊ូវគ្រីស្ទមិនធ្វើឲ្យមនុស្សមានអារម្មណ៍ថាពួកគេមិនសំខាន់នោះទេ ។ មានតែមនុស្សទេដែលធ្វើឲ្យមនុស្សមានអារម្មណ៍ថាពួកគេមិនសំខាន់ ។ ហើយយើងត្រូវតែកែលម្អការណ៍នោះ ។ យើងត្រូវតែឆាប់ដឹង និងស្រឡាញ់ពួកគេ ហើយអនុញ្ញាតឲ្យពួកគេមានឱកាសរីកចម្រើន ហើយរីកលូតលាស់ និងធ្វើជាមនុស្សដ៏ល្អបំផុតសម្រាប់ខ្លួនគេ ។ ពួកគេមានទេពកោសល្យ និងសមត្ថភាព ព្រមទាំង [ ចរិយាសម្បត្តិដែល ] ចាំបាច់នៅក្នុងនគរនៃព្រះ » ។ នៅពេលមនុស្សមកកាន់សាសនាចក្រ « ពួកគេគួរតែមានអារម្មណ៍ថាត្រូវបានគេទទួលយក និងស្រឡាញ់ និងលើកស្ទួយ និងបំផុសគំនិតភ្លាម » ។ រួចហើយពេលពួកគេដើរចេញក្រៅទ្វារ ពួកគេបានប្រសើរឡើង « ដោយសារពួកគេដឹងថា ព្រះអម្ចាស់ស្រឡាញ់ពួកគេ ។ [ ហើយពួកគេដឹងថា ] ពួកគេមានមិត្តភក្ដិនៅក្នុងសាសនារបស់ពួកគេ » ( Carol F. McConkie « Lifting Others » នៅលើគេហទំព័រ ChurchofJesusChrist.org ) ។