Fakamatala Hisitōlia Nounou

‘Oku ‘ikai ko ha tohi hisitōlia ‘eni, ka ko hano fakatahataha‘i ‘o ha ngaahi tefito‘i mo‘oni ‘o e ongoongoleleí ne ako‘i ‘e Palesiteni Hiipa J. Kalānite. ‘Oku hanga ‘e he fakamatala fakahokohoko ko ‘ení ‘o ‘omi ha fokotu‘utu‘u fakahisitōlia ki he ngaahi akonakí ni. ‘Oku to‘o mei ai ha ngaahi me‘a mahu‘inga he hisitōlia ‘o e māmaní, ‘o hangē ko e ngaahi taú mo e ngaahi palopalema fakamāmani lahi ‘o e tōlalo faka‘ekonōmiká. ‘Oku toe to‘o foki mei ai ha ngaahi me‘a mahu‘inga lahi na‘e hoko ‘i he mo‘ui fakafo‘ituitui ‘a Palesiteni Kalānité, ‘o hangē ko ‘ene malí pea mo hono fanau‘i mo e mālōlō si‘ene fānaú.

1856, ‘Aho 22 ‘o Nōvemá	Na‘e fā‘ele‘i ‘a Hiipa J. Kalānite ‘i Sōleki Siti ‘i ‘Iutā kia Lesieli Litisiuei ‘Aivini pea mo Setataia Mōkani Kalānite. Na‘e mālōlō e tangata‘eiki ‘a Hīpá, ‘a ia na‘e hoko ko e Tokoni Ua kia Palesiteni Pilikihami ‘Iongi, ‘i he ‘osi pē mei ai ha ‘aho ‘e hiva.
1875, ‘Aho 10 ‘o Suné	Tali hono uiui‘i ke kau ‘i he kau palesitenisī ‘o e Mutuale ‘a e Kau Talavou ‘o e Uooti 13 ‘o Sōleki Sití (Young Men’s Mutual Improvement Association).
1880, ‘Aho 6 ‘o ‘Epelelí	Kamata ngāue ko e sekelitali ki he kau palesitenisī lahi ‘o e Mutuale ‘a e Kau Talavoú (Young Men’s Mutual Improvement Association).
1880, ‘Aho 30 ‘o ‘Okatopá	Kamata ngāue ko e palesiteni fakasiteiki ‘i Tuila ‘i ‘Iutā (Tooele, Utah).
1882, ‘Aho 6 ‘o ‘Okatopá	Fakanofo ko e ‘Aposetolo ‘e Palesiteni Siaosi Q. Kēnoni ‘o e Kau Palesitenisī ‘Uluakí.
1883–84	‘A‘ahi ki he ngaahi nofo‘anga ‘o e Kakai Totonu ‘o ‘Ameliká (Native Americans), pea ngāue mo e kau taki kehe ‘o e Siasí ‘i hono uiui‘i mo vahe‘i ‘o ha kau ma‘u lakanga fakataula‘eiki ke ngāue ai.
1897	Hoko ko e mēmipa ‘o e kau palesitenisī lahi ‘o e Mutuale ‘a e Kau Talavoú pea mo ha pule ki he ngaahi me‘a fakapa‘anga ‘a e makasini ko ia ‘a e Siasí ne ui ko e Improvement Era.
1901, ‘Aho 12 ‘o ‘Aokosí–1903, ‘Aho 8 ‘o Sepitemá	Fokotu‘u mo ne tokanga‘i ‘a e ‘uluaki misiona ‘i Siapaní.
1904, ‘Aho 1 ‘o Sānualí–1906, ‘Aho 5 ‘o Tīsemá	Tokanga‘i ‘a e ngaahi misiona ‘i Pilitānia Pilitānia mo ‘Iulopé.
1916, ‘Aho 23 ‘o Nōvemá	Vahe‘i ko e Palesiteni ‘o e Kōlomu ‘o e Kau ‘Aposetolo ‘e Toko Hongofulu Mā Uá.
1918, ‘Aho 23 ‘o Nōvemá	Vahe‘i ko e Palesiteni ‘o e Siasi ‘o Sīsū Kalaisi ‘o e Kau Mā‘oni‘oni ‘i he Ngaahi ‘Aho Kimui Ní.
1919, ‘Aho 27 ‘o Nōvemá	Fakatapui ‘a e temipale ‘i La‘ie ‘i Hauai‘í.
1920	Taki hono fakamanatua ‘o e ta‘u 100 ‘o e ‘Uluaki Matame‘a-Hā-maí.
1923, ‘Aho 26 ‘o ‘Aokosí	Fakatapui ‘o e temipale Kātisitoni ‘Alapetá.
1924, ‘Aho 3–5 ‘o ‘Okatopá	Pule‘i ‘a e ‘uluaki konifelenisi lahi na‘e fakamafola fakaletioó.
1926	Fakatatau mo e tu‘utu‘uni ‘a e Kau Palesitenisī ‘Uluakí, na‘e fokotu‘u ai ‘e he Siasí ‘a e polokalama ‘inisititiuti fakalotú.
1927, ‘Aho 23 ‘o ‘Okatopá	Fakatapui ‘a e temipale ‘i Mesa ‘Alesoná.
1930, ‘Aho 6 ‘o ‘Epelelí	Tokanga‘i hono fakamanatua ‘o e ta‘u 100 ‘o hono fokotu‘u ‘o e Siasí.
1936	Ne fokotu‘u ai ‘e he Kau Palesitenisī ‘Uluakí ‘a e Palani Malu‘i ‘a e Siasí (Church Security Plan), ‘oku ui he taimí ni ko e polokalama uelofea ‘a e Siasí.
1940, Fēpueli	Pā kālava.
1942, ‘Aho 6 ‘o ‘Epelelí	Fakahoko ai ‘ene malanga konifelenisi lahi faka‘osí. ‘I he ta‘u ‘e tolu hono hokó, na‘e lau ai pē ‘ene ngaahi malanga konifelenisí ‘e ha ni‘ihi.
1945, ‘Aho 14 ‘o Meé	Pekia ‘i Sōleki Siti ‘i ‘Iutā.