Ղեկավարներին՝ ուսուցիչներին ուղղորդելու և աջակցելու համար

Դուք՝ որպես ղեկավար, պատասխանատվություն ունեք «հանդիպելու նոր կանչված ուսուցիչների հետ» ձեր կազմակերպությունում և «օգնել նրանց պատրաստվել իրենց կոչումներին» (Ընդհանուր ձեռնարկ, 17.3, Ավետարանի գրադարան)։ Այս հանդիպումները հնարավորություն են տալիս նոր ուսուցիչներին ծանոթացնել իրենց սուրբ կոչման հետ և ոգեշնչել նրանց այն տեսլականով, թե ինչ է նշանակում ուսուցանել Փրկչի ձևով: Դուք՝ որպես ղեկավար, կարող եք օգնել նոր ուսուցիչներին ծառայել՝ անելով հետևյալը.

• Վստահություն հայտնեք, որ Փրկիչը կօգնի նրանց իրենց կոչման մեջ (տես Վարդապետություն և Ուխտեր 88․78)։

• Նոր ուսուցիչներին տվեք այս նյութի պատճենը և խրախուսեք նրանց ուղիներ փնտրել՝ կիրառելու դրա սկզբունքներն իրենց ուսուցման մեջ:

• Նոր ուսուցիչների հետ կիսվեք ձեր կազմակերպության մասին այն ամենով, ինչը նրանց համար օգտակար կլինի իմանալ:

• Անհրաժեշտության դեպքում ասեք նոր ուսուցիչներին, թե որ դասասենյակում պետք է ուսուցանել և որ դասից սկսել։ Դասարանի և դասարանի անդամների մասին տվեք ցանկացած տեղեկություն, որ հարկավոր է ուսուցչին:

• Բացատրեք նոր ուսուցիչներին, որ դուք կօգնեք նրանց իրենց կոչման հանձնարարություններում: Առաջարկեք օգնել դասարանում և անհրաժեշտության դեպքում ուսուցման նյութերի հասանելիություն ապահովեք:

• Առաջարկեք ժամանակ առ ժամանակ լսել ուսուցիչների դասերը և տրամադրեք հետադարձ կապ, ինչպես հուշում է Հոգին:

• Հրավիրեք ուսուցիչներին մասնակցել ուսուցիչների խորհրդի եռամսյակային ժողովներին:

Ուսուցիչների ծառայություն ընթացքում շարունակեք պարբերաբար հանդիպել նրանց հետ՝ շարունակական աջակցություն տալու համար։ Օրինակ՝ դասից առաջ կամ հետո դուք կարող եք կարճ քննարկում ունենալ ուսուցչի հետ և քննարկել Փրկչի ձևով ուսուցանելու սկզբունքները Ուսուցանել Փրկչի ձևով գրքույկից: Հարցրեք ուսուցիչներին, թե որտեղ են առաջադիմում և ինչպես են ցանկանում կատարելագործվել։ Խրախուսեք նրանց բարությամբ և երախտագիտությամբ իրենց մատուցած ծառայության համար:

Դուք պետք է պատրաստվեք այս քննարկումներին, տեսնելով, թե ինչպես է ուսուցանում ուսուցիչը։ Փորձեք ավելի լավ հասկանալ ուսուցչի ուժեղ կողմերը և բացահայտել ուղիներ, որոնցով կարող եք աջակցել: Ուսուցչի ուժեղ կողմերի վրա հիմնվելը նույնքան կարևոր է, որքան կատարելագործման հնարավորությունների բացահայտումը: