« ជួយសិស្សឲ្យពង្រឹងទំនាក់ទំនងរបស់ពួកគេជាមួយព្រះវរបិតាសួគ៌ និងព្រះយេស៊ូវគ្រីស្ទ » ជំនាញអភិវឌ្ឍន៍គ្រូបង្រៀន ៖ ផ្តោតលើព្រះយេស៊ូវគ្រីស្ទ ( ឆ្នាំ ២០២៣ )

« ជួយសិស្សឲ្យពង្រឹងទំនាក់ទំនងរបស់ពួកគេជាមួយព្រះវរបិតាសួគ៌ និងព្រះយេស៊ូវគ្រីស្ទ » ជំនាញអភិវឌ្ឍន៍គ្រូបង្រៀន ៖ ផ្តោតលើព្រះយេស៊ូវគ្រីស្ទ

ជួយសិស្សឲ្យមកកាន់ព្រះយេស៊ូវគ្រីស្ទ

ជួយសិស្សឲ្យពង្រឹងទំនាក់ទំនងរបស់ពួកគេជាមួយព្រះវរបិតាសួគ៌ និងព្រះយេស៊ូវគ្រីស្ទ ។

ជំនាញ

សេចក្តីថ្លែងការណ៍ដែលជួយសិស្សឲ្យដឹង និងទទួលអារម្មណ៍ពីសេចក្តីស្រឡាញ់របស់ព្រះវរបិតាសួគ៌ និងព្រះយេស៊ូវគ្រីស្ទ ។

រូបភាព

សិស្សនៅក្នុងថ្នាក់រៀន

កំណត់និយមន័យ

នៅគ្រប់មេរៀនទាំងអស់ អ្នកមានឱកាសជាច្រើនដើម្បីជួយសិស្សឲ្យពង្រឹងទំនាក់ទំនងរបស់ពួកគេជាមួយព្រះវរបិតាសួគ៌ និងព្រះយេស៊ូវគ្រីស្ទ ។ ឱកាសដ៏ល្អបំផុតមួយចំនួនកើតមានឡើង បន្ទាប់ពីសិស្សបានចែកចាយនូវការយល់ដឹង ឬអារម្មណ៍របស់ពួកគេ ។ ក្នុងពេលនោះ គ្រូបង្រៀនអាចធ្វើសេចក្តីថ្លែងការណ៍ដែលផ្តោតលើសេចក្តីស្រឡាញ់ និងគុណលក្ខណៈរបស់ព្រះវរបិតាសួគ៌ និងព្រះយេស៊ូវគ្រីស្ទ ។

សេចក្តីថ្លែងការណ៍ទាំងនេះនឹងជួយសិស្សឲ្យស្គាល់ពីព្រះទ័យរបស់ព្រះវរបិតាសួគ៌ និងព្រះយេស៊ូវគ្រីស្ទដែលមានចំពោះពួកគេ អារម្មណ៍របស់ពួកគេចំពោះព្រះវរបិតាសួគ៌ និងព្រះយេស៊ូវគ្រីស្ទ ឬទាំងពីរ ។ នៅក្នុងសេចក្តីថ្លែងការណ៍នេះ អ្នកអាចសង្កត់ធ្ងន់ ថ្លែងទីបន្ទាល់ ឬភ្ជាប់នូវអ្វីដែលសិស្សទើបបានចែកចាយទាក់ទងនឹងគុណលក្ខណៈ ឬសេចក្តីពិតអំពីសេចក្តីស្រឡាញ់របស់ព្រះ និស្ស័យនៃព្រះ និងព្រះទ័យរបស់ព្រះចំពោះបុត្រាបុត្រីរបស់ទ្រង់ ។ សេចក្តីថ្លែងការណ៍ទាំងនេះបង្កើតនូវឱកាសបន្ថែមទៀតដើម្បីឲ្យព្រះវិញ្ញាណបរិសុទ្ធធ្វើសាក្សីដល់សិស្ស ប្រាប់អំពីតម្លៃផ្ទាល់ខ្លួនរបស់ពួកគេចំពោះព្រះវបិតារបស់ពួកគេដែលគង់នៅស្ថានសួគ៌ និងព្រះរាជបុត្រារបស់ទ្រង់ ។

គំរូ

មែហ្គី ចែកចាយថា នាងបានទទួលចម្លើយចំពោះការអធិស្ឋានរបស់នាង ។ បន្ទាប់មក គ្រូបង្រៀនធ្វើការតាមដានជាមួយសេចក្តីថ្លែងការណ៍នេះ « បទពិសោធន៍នោះគឺជាភស្តុតាងថា ព្រះវរបិតាសួគ៌ស្គាល់ប្អូនថាជានរណា » ។
ចេដ៏ ចែកចាយថា នាងមានអារម្មណ៍ថា ព្រះវិញ្ញាណស្តីបន្ទោសនាងអំឡុងសន្និសីទដែលមិនបានអានព្រះគម្ពីររបស់នាងបន្ថែមទៀត ។ បន្ទាប់មក គ្រូបង្រៀនឆ្លើយតបថា « សូមអរគុណប្អូនដែលបានរំឭកយើងទាំងអស់គ្នាថា ទ្រង់ចង់ចូលរួមក្នុងជីវិតរបស់យើង » ។
ហេ ស៊ូ ចែកចាយនូវការយល់ដឹងដែលគាត់ទទួលបាន នៅពេលកំពុងអានព្រះគម្ពីររបស់គាត់ ។ គ្រូបង្រៀនឆ្លើយតបថា « គំនិតយោបល់របស់ប្អូនបានបង្រៀនយើងឲ្យដឹងថា ព្រះមានព្រះទ័យសប្បុរស និងទន់ភ្លន់ខ្លាំងណាស់ » ។
ព្រិកហាំ បង្ហាញពីអារម្មណ៍ខកចិត្តរបស់គាត់ ព្រោះគាត់មិនមានពេលគ្រប់គ្រាន់ក្នុងការអានព្រះគម្ពីររបស់គាត់ ។ បន្ទាប់មក គ្រូបង្រៀនឆ្លើយតបថា « យើងអាចដឹងបានថា ប្អូនស្រឡាញ់ទ្រង់ប៉ុណ្ណា ដោយសារតែបំណងប្រាថ្នារបស់ប្អូនដើម្បីធ្វើតាមទ្រង់ » ។
អេដាលីន ចែកចាយអារម្មណ៍របស់នាងបន្ទាប់ពីការអាន គោលលទ្ធិ និងសេចក្តីសញ្ញា ១៨:១០ ។ បន្ទាប់មក គ្រូបង្រៀននិយាយថា « ខ្ញុំក៏ដឹងផងដែរថា ព្រលឹងរបស់ប្អូនគឺមហិមាណាស់ចំពោះទ្រង់ » ។

អនុវត្ត

សូមបង្កើតសេចក្តីថ្លែងការណ៍មួយ ដែលអាចជួយសិស្សម្នាក់ៗឲ្យទទួលអារម្មណ៍ពីសេចក្តីស្រឡាញ់របស់ព្រះវរបិតាសួគ៌ និងព្រះយេស៊ូវគ្រីស្ទ ។

ប៉្រូកឃ្លីន ចែកចាយថា វគ្គមួយក្នុងចំណោមវគ្គដែលនាងចូលចិត្តក្នុងបទ « ខ្ញុំដឹងថាព្រះប្រោសលោះខ្ញុំនៅរស់ » គឺ « ទ្រង់រស់ដើម្បីជូតទឹកភ្នែកខ្ញុំ » ។
ថូម៉ាស ចែកចាយថា ពីមុនការលែងលះរបស់ឪពុកម្តាយគាត់ គ្រួសាររបស់គាត់មានការឈ្លោះគ្នាជាច្រើននៅក្នុងផ្ទះរបស់ពួកគេ ។ នៅពេលដែលគាត់អធិស្ឋាន នោះគឺជាពេលតែមួយគត់ដែលគាត់នឹងមានអារម្មណ៍សុខសាន្ត និងការលួងលោម ។
បន្ទាប់ពីអានអំពីការញែកសមុទ្រក្រហមជាពីរហើយ ព្រីសៀលឡា និយាយថា « ខ្ញុំគិតៗទៅ វាអស្ចារ្យណាស់ដែលព្រះបានធ្វើបែបនោះសម្រាប់ម៉ូសេ និងកូនចៅអ៊ីស្រាអែល » ។

ពិភាក្សា ឬសញ្ជឹងគិត

តើមានតម្លៃអ្វីខ្លះក្នុងការធ្វើសេចក្តីថ្លែងការណ៍ដែលជួយឲ្យសិស្សទទួលអារម្មណ៍ពីសេចក្តីស្រឡាញ់របស់ព្រះវរបិតាសួគ៌ និងព្រះយេស៊ូវគ្រីស្ទ ?
ហេតុអ្វីបានជាព្រះវរបិតាសួគ៌សព្វព្រះទ័យឲ្យយើងធ្វើសេចក្ដីថ្លែងការណ៍ប្រភេទទាំងនេះទុកជាផ្នែកមួយនៃបទពិសោធន៍ការរៀនសូត្រ ?

រួមបញ្ចូល

សូមចំណាយពេល ៥ នាទីបន្ទាប់ពីថ្នាក់នីមួយៗដែលអ្នកបង្រៀនសម្រាប់សប្តាហ៍បន្ទាប់ ហើយសរសេរសេចក្តីថ្លែងការណ៍ដែលអ្នកអាចនិយាយបានដោយផ្អែកលើអ្វីដែលសិស្សបានចែកចាយ ។ សម្រាប់សប្តាហ៍ក្រោយ សូមព្យាយាមធ្វើសេចក្តីថ្លែងការណ៍ស្រដៀងគ្នានេះអំឡុងមេរៀន ។

តើចង់បានបន្ថែមទៀតទេ ?

« ផ្ដោតទៅលើព្រះយេស៊ូវគ្រីស្ទ » ការបង្រៀនតាមរបៀបរបស់ព្រះអង្គសង្គ្រោះ ( ឆ្នាំ ២០២២ ) ទំព័រ ៥–៩
ឆាដ អេច វិប « Above All Things » ( ការចាក់ផ្សាយអំពីការបំពាក់បំប៉នថ្នាក់សិក្ខាសាលា និងថ្នាក់វិទ្យាស្ថានសាសនាប្រចាំឆ្នាំ ថ្ងៃទី ១២ ខែ មិថុនា ឆ្នាំ ២០១៩ ) នៅលើគេហទំព័រ broadcasts.ChurchofJesusChrist.org ។