« ជួយសិស្សឲ្យមានចេតនាក្នុងការខិតខំប្រែក្លាយឲ្យកាន់តែដូចព្រះយេស៊ូវគ្រីស្ទ » ជំនាញអភិវឌ្ឍន៍គ្រូបង្រៀន៖ ផ្តោតលើព្រះយេស៊ូវគ្រីស្ទ ( ឆ្នាំ ២០២៣ )
« ជួយសិស្សឲ្យមានចេតនាក្នុងការខិតខំប្រែក្លាយឲ្យកាន់តែដូចព្រះយេស៊ូវគ្រីស្ទ » ជំនាញអភិវឌ្ឍន៍គ្រូបង្រៀន ៖ ផ្តោតលើព្រះយេស៊ូវគ្រីស្ទ
ជួយសិស្សឲ្យមកកាន់ព្រះយេស៊ូវគ្រីស្ទ
ជួយសិស្សឲ្យមានចេតនាក្នុងការខិតខំប្រែក្លាយឲ្យកាន់តែដូចព្រះយេស៊ូវគ្រីស្ទ ។
ជំនាញ
សង្កេតមើលគុណលក្ខណៈដូចជាព្រះគ្រីស្ទនៅក្នុងសិស្ស ហើយចែកចាយនូវអ្វីដែលអ្នកបានកត់សម្គាល់ឃើញ តាមរបៀបដែលបំផុសគំនិតពួកគេឲ្យបន្តធ្វើដូចជាទ្រង់ ។
កំណត់និយមន័យ
ការទទួលស្គាល់សកម្មភាព ឬគុណលក្ខណៈរបស់ព្រះយេស៊ូវគ្រីស្ទនៅក្នុងអ្នកដទៃ ហើយចែកចាយការទទួលស្គាល់នោះជាមួយពួកគេ អញ្ជើញព្រះវិញ្ញាណបរិសុទ្ធឲ្យធ្វើបន្ទាល់អំពីព្រះវរបិតា និងព្រះរាជបុត្រា ហើយបំផុសគំនិតយើងឲ្យបន្តរស់នៅដូចជាទ្រង់ទាំងទ្វេដែរ ។ អំឡុងពេលបង្រៀន សូមសង្កេតមើលសិស្ស ហើយសួរខ្លួនឯងថា « តើបុគ្គលិកលក្ខណៈ ឬគុណលក្ខណៈអ្វីខ្លះរបស់ព្រះយេស៊ូវគ្រីស្ទ ដែលខ្ញុំមើលឃើញនៅក្នុងបុគ្គលនោះ ? » សូមចែកចាយនូវអ្វីដែលអ្នកយល់ឃើញ តាមរបៀបមួយដែលជួយពួកគេឲ្យដឹងថា អ្នកមើលឃើញពួកគេខិតខំដើម្បីប្រែក្លាយឲ្យកាន់តែដូចជាព្រះយេស៊ូវគ្រីស្ទ ។
គំរូ
-
បន្ទាប់ពីគ្រូបង្រៀនឃើញ យូលីអូ ឈរបើកទ្វារឲ្យសិស្សផ្សេងទៀត គាត់ក៏សួរខ្លួនឯងស្ងាត់ៗថា « តើបុគ្គលិកលក្ខណៈ ឬគុណលក្ខណៈអ្វីខ្លះរបស់ព្រះយេស៊ូវគ្រីស្ទ ដែលខ្ញុំឃើញនៅក្នុងបុគ្គលនោះ ? » បន្ទាប់មក គាត់បាននិយាយដូចតទៅនេះ ៖ « យូលីអូ អរគុណសម្រាប់ការឈរបើកទ្វារឲ្យសិស្សទាំងអស់នោះ ។ ប្អូនបានរំឭកខ្ញុំពីរបៀបដែលព្រះអង្គសង្គ្រោះបានរកមើលរបៀបដើម្បីបម្រើ ហើយប្រទានពរដល់មនុស្សដទៃទៀត » ។
-
ខាយ ទទួលដំណឹងអំពីការបាត់បង់សមាជិកគ្រួសារម្នាក់ ហើយគ្រូបង្រៀនឃើញ ខេឡានី លួងលោមគាត់ ។ គ្រូបង្រៀនបានសួរខ្លួនឯងថា « តើបុគ្គលិកលក្ខណៈ ឬគុណលក្ខណៈអ្វីខ្លះរបស់ព្រះយេស៊ូវគ្រីស្ទ ដែលខ្ញុំឃើញនៅក្នុង ខេឡានី ? » ក្រោយមក គ្រូបង្រៀននិយាយជាមួយនាង « ខេឡានី ពេលខ្ញុំបានឃើញប្អូនកំពុងនិយាយ និងជួយរំលែកទុក្ខដល់ ខាយ នៅថ្ងៃនេះ ប្អូនបានរំឭកខ្ញុំពីរបៀបដែលព្រះយេស៊ូវគ្រីស្ទបានចំណាយពេលជាមួយអ្នកដទៃម្នាក់ម្តងៗ ។ អរគុណសម្រាប់ការធ្វើអ្វីដែលទ្រង់នឹងធ្វើ » ។
អនុវត្ត
-
សូមជ្រើសយកសិស្សម្នាក់ពីក្នុងថ្នាក់របស់អ្នក ហើយសួរថា « តើបុគ្គលិកលក្ខណៈ ឬគុណលក្ខណៈអ្វីខ្លះរបស់ព្រះយេស៊ូវគ្រីស្ទ ដែលខ្ញុំឃើញនៅក្នុងបុគ្គលនោះ ? » សូមរៀបចំនូវអ្វីដែលអ្នកនឹងនិយាយទៅសិស្សនោះ បន្ទាប់មក សូមចែកចាយនូវបុគ្គលិកលក្ខណៈ ឬគុណលក្ខណៈនោះជាមួយគាត់ ឬ នាង ។
-
សូមជ្រើសយកសិស្សម្នាក់ទៀត ហើយសួរថា « តើបុគ្គលិកលក្ខណៈ ឬគុណលក្ខណៈអ្វីខ្លះរបស់ព្រះយេស៊ូវគ្រីស្ទ ដែលខ្ញុំឃើញនៅក្នុងបុគ្គលនោះ ? » សូមរៀបចំនូវអ្វីដែលអ្នកនឹងនិយាយទៅសិស្សនោះ បន្ទាប់មក សូមចែកចាយនូវបុគ្គលិកលក្ខណៈ ឬគុណលក្ខណៈនោះជាមួយគាត់ ឬ នាង ។
ពិភាក្សា ឬសញ្ជឹងគិត
-
តើការសង្កេតមើលគុណលក្ខណៈដូចជាព្រះគ្រីស្ទក្នុងសិស្ស និងការចែកចាយគំនិតរបស់អ្នកជាមួយពួកគេ អញ្ជើញសិស្សឲ្យបន្តមានចេតនាក្នុងការខិតខំប្រែក្លាយកាន់តែដូចព្រះយេស៊ូវគ្រីស្ទដោយរបៀបណា ?
រួមបញ្ចូល
-
សូមចាប់ផ្តើមដោយការជ្រើសរើសសិស្សម្នាក់ ឬពីរនាក់ក្នុងមួយថ្ងៃ ។ សូមសង្កេត និងចែកចាយជាមួយពួកគេនូវរបៀបដែលអ្នកកត់សម្គាល់ឃើញថា ពួកគេកាន់តែប្រែក្លាយដូចព្រះគ្រីស្ទ ។ សូមបន្តធ្វើដូច្នេះរហូតវាក្លាយជារឿងធម្មតា ។
តើចង់បានបន្ថែមទៀតទេ ?
-
ឆាដ អេច វិប « We Talk of Christ, We Rejoice in Christ » ( ការចាក់ផ្សាយអំពីការបំពាក់បំប៉នថ្នាក់សិក្ខាសាលា និងថ្នាក់វិទ្យាស្ថានសាសនាប្រចាំឆ្នាំ នៅថ្ងៃទី ១២ ខែ មិថុនា ឆ្នាំ ២០១៨ ) នៅលើគេហទំព័រ broadcasts.ChurchofJesusChrist.org