Agsardeng

Nasayaat kaniak nga agsardeng ken aginanaak.

No dadduma mariknak a kasla kasapulak ti agusar iti teknolohia tapno agbalinak a naragsak wenno makakonektaak kadagiti dadduma a tattao. Wenno ag-scroll-ak gapu ta mariknak ti panagmaymaysa wenno pannakauma. No dadduma makitak dagiti banag a naranggas, nakabutbuteng, wenno seksual, ket diak masigurado no kasano ti aramidek.

Naammuak a nasayaat kaniak nga agsardeng ken aginanaak. Iwanwan ken ballaagannakto ti Espiritu, ken tulongannakto a mangpanunot maipapan no kasano ti panagtignayko ken panagriknak. Kalpasanna mabalinko nga ikeddeng no kayatko ti agpili iti sabali.

Natakuatak a makatulong nga:

Ibagam daytoy: No makitak ti linaon (content) a naalas wenno pakariknaak iti madi, liday, wenno karkarna, mabalinko nga isao ti, “Saan nga umno ti riknak iti daytoy.”
Pumilika iti nasaysayaat: Mabalinko nga iddepen ti device wenno i-silence dagiti notipikasionko. Mabalinko ti rummuar wenno umakar iti sabali a kuarto, nga awan ti device-ko.
Makikonekta iti maysa a tao: Mabalinko ti makisarita iti maysa a gayyem wenno miembro ti pamiliak maipapan iti marikriknak. No dadduma kasapulak ti makikonekta iti maysa a tao iti sangonsango, saan a babaen iti gadyet (screen).

3:45

Panggep. Agplano. Agsardeng. Makaaramid dagiti tallo a babassit a balikas iti dakkel a pagdumaan.

Ania ti planom iti panangusarmo iti teknolohia? Mabalinmo nga usaren daytoy a page nga agisurat iti notes wenno mangisurat kadagiti sumagmamano a palagip.