Pakagupgopan

Panggep—Mausarko ti teknolohia nga addaan iti maysa a panggep. Saannak a pengdan daytoy.

“Ta Siak, ti Apo, adda naindaklan nga aramid a paaramidko kenka” (Doktrina ken Katulagan 112:6).

Agplano—No agplanoak a nasaksakbay, nasaysayaat ti riknak ken nasaysayaat dagiti piliek.

“Daytoy a biag ti panawen a panagsagana dagiti tattao nga umay iti presensia ti Dios” (Alma 34:32).

Agsardeng—Nasayaat kaniak nga agsardeng ken aginanaak.

“Agtalnakayo ket ammuenyo a Siak ti Dios” (Doktrina ken Katulagan 101:16).

Panggep	Agplano	Agsardeng
Mausarko ti teknolohia nga addaan iti maysa a panggep. Saannak a pengdan daytoy.	No agplanoak a nasaksakbay, nasaysayaat ti riknak ken nasaysayaat dagiti piliek.	Nasayaat kaniak nga agsardeng ken aginanaak.

Dagiti Saludsod a Pagpanunotan

Panggep	Agplano	Agsardeng
Apay nga us-usarek ti teknolohia ita? Nasayaat kadi ti riknak maipapan iti no ania ti ar-aramidek? Kasanonto ti kabayag ti panangusarko iti teknolohia?	Ania ti planok iti panangusarko iti teknolohia? Ania a pagilasinan ti panangipakitak iti Dios iti no kasano ti panangusarko iti panawenko?	Likliklikak kadi ti linaon (content) nga ammok a saan nga umno wenno awanan iti panggep? Mariknak kadi a pumanaw ti Espiritu?

Dagiti Maaramat a Singasing

Panggep	Agplano	Agsardeng
Mangipatulod ti maysa a positibo a mensahe iti maysa a tao. Dumngegka iti musika a makatulong kenka a makarikna iti talna. Mangparnuayka iti bukodmo a linaon (content). Igagara nga usaren ti teknolohia tapno makasursuro.	Ikkak ti bagik ti inaldaw a limitasion iti oras a panagusar kadagiti elektroniko a gadyet (screen time). “I-follow” ken kontaken laeng ti nasinged a kapamilia ken gagayyem. Maaddaan kadagiti lugar nga awanan-iti-gadyet (free device) iti pagtaengan. Mangipuesto iti charging station para iti pamilia. Agusar iti filter.	Ibbatam ti gadyet ket umadayoka. Agkararag para iti pigsa. Kasarita ti maysa a tao.