Ngaahi Pulusinga Kimuʻá
Maʻá e Kau Tokoní

Maʻá e Kau Tokoní

ʻI he ʻaho ʻo e fakatahá:

  • Text pe telefoni ki he kau mēmipa kotoa ʻo e kulupú. Fakaafeʻi kinautolu ke nau vave mai ʻaki ha miniti ʻe 10 ke lipooti ki heʻenau ngaahi tukupaá.

  • Teuteu ʻa e ngaahi nāunau ʻo e fakatahá. ʻIkai ke maʻu ʻa e ngaahi tohí pe ngaahi vitioó? Te ke lava ʻo maʻu ia mei he srs.lds.org.

Miniti ʻe 30 kimuʻa he fakatahá:

  • Fokotuʻutuʻu takatakai ʻa e ʻū seá ʻi ha tēpile koeʻuhí ke vāofi ʻa e taha kotoa.

  • Tā ʻa e saati tukupā ko ʻení ʻi he palakipoé mo e hingoa ʻo e kakai ʻi hoʻo kulupú (vakai, sīpinga ʻi laló).

    Hingoa ʻo e mēmipa ʻi he kulupú

    Fakakakato ʻa e ngaahi ngāue fakaʻaho ʻi he Mape ki he Ola Lelei ʻo e Pisinisí (Tohiʻi ʻa e # ʻo e ngaahi ʻahó)

    Naʻe ʻomai ha tohi pisinisi (ʻIkai/ʻIo)

    Naʻe lavaʻi ʻa e taumuʻa pisinisi fakauiké (ʻIkai/ʻIo)

    Naʻe akoako fakahoko ʻa e tefitoʻi moʻoni ʻo e Fakavaʻé mo akoʻi ia ki he fāmilí (ʻIkai/ʻIo)

    Naʻe fakahū ha paʻanga ki he ʻakauní (ʻIkai/ʻIo)

    Naʻe lipooti ki he hoa ngāué (ʻIkai/ʻIo)

    Kolōlia

    6

    I

    I

    I

    I

    I

Miniti ʻe 10 kimuʻa ʻi he fakatahá:

  • Talitali fiefia ʻa e kakaí ʻi heʻenau aʻu maí.

  • Kole ange ki he kau mēmipa ʻo e kulupú ʻi heʻenau aʻu maí ke nau fakakakato ʻa e saati tukupā ʻi he palakipoé. ʻIkai ngata ai, fakamanatu ange foki ke nau huke ki he peesi 197 pea fakatonutonu ʻenau fakalakalaka ke maʻu ʻenau tohi fakamoʻoní.

  • Vahe ha tokotaha ke tauhi taimi.

ʻI he taimi kamatá:

  • Tufa ha tatau ʻo e fakamatala ki he fetuʻutaki mo e mēmipa ʻo e kulupú (mei he fakataha fakaʻosí).

  • Kole ki he kakaí ke tāmateʻi ʻenau telefoní mo e ngaahi meʻangāue kehé.

  • Fakahoko ha fua lotu (mo e himi, kapau ʻe fie maʻu).

  • Kole leʻosiʻi kiate kinautolu ʻoku tōmui maí ke tāmateʻi ʻenau telefoní pea fakakakato ʻa e saati tukupaá, lolotonga ʻoku kei fealēleaʻaki ʻa e kulupú.

  • Seti ʻa e uasí ke miniti ʻe 20 ʻa e Ko Hoku Fakavaʻé.

  • Fakakakato ʻa e tefitoʻi moʻoni 2 ʻi he Ko Hoku Fakavaʻé. Hili ia pea foki ki he tohi ngāue ko ʻení ʻo hoko atu hono lau ʻa e peesi hono hokó.